பள்ளி முடித்து விட்டு வீடு திரும்பும் குழந்தைகளுக்கு என்ன ஸ்நாக்ஸ் செய்யலாம்? என்ற குழப்பம் இன்றைக்கும் பலரது வீடுகளில் நிலவுகிறது. ஒருவேளை நன்றாக யோசித்து ஏதாவது சமைத்தாலும் என்னம்மா? வழக்கம் போல் இதையே செய்றீங்க என்று சட்டென்று சொல்லிவிடுவார்கள்.இந்த சூழலிருந்து தப்பிக்க வேண்டும் என்றால் கொஞ்சம் வித்தியாசமாக ஏதாவது செய்யலாம் என்று நினைத்தால், காலிபிளவர் சீஸ் செய்து சாப்பிடுங்க. நிச்சயம் வித்தியாசமான சுவையை உங்களுக்குக் கொடுக்கும். இதுவரை செய்தது இல்லையென்றால், உங்களுக்கு உதவுவதற்கான ரெசிபி டிப்ஸ் இங்கே.
நாவிற்குச் சுவையூட்டும் காலிபிளவர் சீஸ் ரெசிபி:
தேவையான பொருட்கள்:
- காலிபிளவர் - 1
- சீஸ் ஸ்லைஸ்- 3
- வெண்ணெய்- 100 கிராம்
- உப்பு - சிறிதளவு
- மஞ்சள் - 1 டீஸ்பூன்
- மிளகுத்தூள் - 1 டீஸ்பூன்
- மைதா - 2 ஸ்பூன்
- பால்- கால் கப்
காலிபிளவர் சீஸ் செய்முறை:
- குழந்தைகள் விரும்பி சாப்பிடும் காலிபிளவர் சீஸ் செய்வதற்கு முதலில், காலிபிளவரை சிறிது சிறிதாக நறுக்கிக் கொள்ள வேண்டும்.
- ஒரு பாத்திரத்தில் தண்ணீர் ஊற்றி உப்பு, மஞ்சள் மற்றும் காலிபிளவரை சேர்த்து வேக வைக்க வேண்டும். 2 அல்லது 3 நிமிடங்களுக்கு கொதிக்க வைத்து இறக்கினால் போதும்.
- ஒரு கடாயில் வெண்ணெய் சேர்த்து வேக வைத்த காலிபிளவரை வதக்கிக் கொண்டு வேறொரு பாத்திரத்திற்கு மாற்றிக் கொள்ள வேண்டும்.
- இதையடுத்து அதே கடாயில் 1 டீஸ்பூன் வெண்ணெய் மற்றும் பூண்டு பொடியாக்கி, மைதா சேர்த்துக் கொள்ள வேண்டும்.
- இதனுடன் பாலை கொஞ்சம் கொஞ்சமாக சேர்த்துக்கொள்ள வேண்டும். மொத்தமாக சேர்க்கும் போது மைதா கெட்டியாகிவிடும். எனவே தவிர்ப்பது நல்லது.
மேலும் படிக்க:குழந்தைகளின் மதிய உணவிற்கு சுவையான குடை மிளகாய் புலாவ் செய்முறை
- பின்னர் மைதா கலவையுடன் உப்பு, மிளகுத்தூள், 2 சீஸ் ஸ்லைஸ் சேர்த்து நன்கு வதக்கிக் கொண்டால் போதும். காலிபிளவர் ரெசிபிக்கான சீஸ் ரெடி.
- இந்த சீஸை 4 டீஸ்பூன் அளவிற்குத் தனியாக எடுத்து வைத்துக்கொள்ள வேண்டும். இதையடுத்து காலிபிளவர் சீசுடன் வேக வைத்த காலிபிளவரை உடன் சேர்த்துக் கொள்ள வேண்டும்.
மேலும் படிக்க:கோவை, ஈரோடு ஸ்பெஷல் கலக்கலான சிந்தாமணி சிக்கன் ரெசிபி; கொங்குநாடு ஸ்டைலில்
- இறுதியாக ஒரு சிறிய பவுலில் இந்த கலவையை மாற்றிக் கொண்டு, மேலே எடுத்து வைத்துள்ள சீஸை சேர்த்துக் கொள்ள வேண்டும். பின்னர் 108 டிகிரி செல்சியஸ் வெப்பநிலையில் மைக்ரோவேவனில் வேக வைத்து எடுத்தால் போதும். சுவையான காலிபிளவர் சீஸ் ரெடி.
காலிபிளவரில் உள்ள ஊட்டச்சத்துக்கள்:
நார்ச்சத்து, புரதம், கொழுப்பு, வைட்டமின் சி, வைட்டமின் கே, பொட்டாசியம், ஆன்டி ஆக்ஸிடன்ட்கள் போன்ற பல்வேறு ஊட்டச்சத்துக்கள் உள்ளதால் உடல் ஆரோக்கியத்திற்குப் பேருதவியாக உள்ளது.
Image source - Google
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation