பூரி, சப்பாத்திக்கு அட்டகாசமான நீலகிரி வெஜ் குருமா செய்து தொட்டு சாப்பிடுங்க

நீலகிரி வெஜ் குருமா செய்ய தேவையானவை

• கொத்தமல்லி
• புதினா
• கறிவேப்பிலை
• துருவிய தேங்காய்
• கசகசா
• சோம்பு
• நல்லெண்ணெய்
• வெங்காயம்
• இஞ்சி பூண்டு பேஸ்ட்
• உப்பு
• தயிர்
• காளி ஃபிளவர்
• கேரட்
• பட்டாணி
• உருளைக்கிழங்கு
• பச்சை மிளகாய்
• மஞ்சள் தூள்
• ஏலக்காய்
• பட்டை
• கிராம்பு
• முந்திரி
• பிரியாணி இலை

நீலகிரி வெஜ் குருமா செய்முறை

• முதலில் ஒரு கொத்து கொத்தமல்லி, அதைவிட கொஞ்சம் கம்மியாக புதினா, அரை கப் துருவிய தேங்காய், ஒரு ஸ்பூன் கசகசா, ஐந்து முந்திரி, நான்கு பச்சை மிளகாய் எடுத்து கொஞ்சமாக தண்ணீர் ஊற்றி மிக்ஸியில் அரைக்கவும்.
• கடாயில் இரண்டு ஸ்பூன் நல்லெண்ணெய் ஊற்றி அதில் இரண்டு ஏலக்காய், ஒரு பட்டை, பிரியாணி இலை, நான்கு கிராம்பு, இரண்டு மீடியம் சைஸ் வெங்காயத்தை நறுக்கி போடவும்.
• வெங்காயம் வதங்க கொஞ்சம் உப்பு சேருங்கள். அடுத்ததாக ஒரு ஸ்பூன் இஞ்சி பூண்டு பேஸ்ட் போடவும்.
• பச்சை வாசனை போன பிறகு காளி ஃபிளவர், பச்சை பட்டாணி, ஒரு கேரட் நறுக்கியது, ஒரு உருளைக்கிழங்கை நான்காக வெட்டி சேர்த்து ஒரு டம்ளர் தண்ணீர் ஊற்றி காய்கறிகளை வேகவிடுங்கள். இதில் ஒரு சிட்டிகை மஞ்சள் தூள் சேர்க்கலாம்.
• அடுத்ததாக மிக்ஸியில் அரைத்த பேஸ்ட், ஒரு ஸ்பூன் தயிர் சேர்த்து கலந்துவிட்டு இரண்டு கப் தண்ணீர் ஊற்றி தேவையான அளவு உப்பு போட்டு மூடி எட்டு - பத்து நிமிடங்களுக்கு மிதமான சூட்டில் கொதிக்கவிடுங்கள்.
• பூரி, சப்பாத்தி உடன் - நீலகிரி வெஜ் குருமா அட்டகாசமான காம்போவாக இருக்கும். தவறாமல் செய்து சாப்பிடுங்கள்.

மேலும் படிங்கஆந்திரா பள்ளி பொடி செய்வது எப்படி தெரியுமா ? சாதத்தில் பிசைந்து சாப்பிட சூப்பரா இருக்கும்

( குறிப்பு : செஃப் தாமு இதில் தக்காளி பயன்படுத்தினார். அது அவசியம் கிடையாது )