ஆந்திரா பள்ளி பொடி செய்வது எப்படி தெரியுமா ? சாதத்தில் பிசைந்து சாப்பிட சூப்பரா இருக்கும்

பள்ளி பொடி செய்ய தேவையானவை

• வேர்க்கடலை
• வர மிளகாய்
• உளுத்தம் பருப்பு
• கடலை பருப்பு
• சீரகம்
• முழு தனியா
• கறிவேப்பிலை
• பல் பூண்டு
• புளி
• உப்பு

பள்ளி பொடி செய்முறை

• கடாயில் 200 கிராம் வேர்க்கடலை போட்டு மிதமான தீயில் எண்ணெய் ஊற்றாமல் நிறம் மாறும் வரை வறுக்கவும்.
• வேர்க்கடலை வறுத்தவுடன் அதே கடாயில் இரண்டு ஸ்பூன் எண்ணெய் ஊற்றி 20 வரமிளகாய் போட்டு வறுக்கவும்.
• வரமிளகாயை வெளியே எடுத்த பிறகு தலா நான்கு ஸ்பூன் உளுத்தம் பருப்பு, கடலை பருப்பு போட்டு வறுக்கவும்.
• அடுத்ததாக இரண்டு ஸ்பூன் சீரகம், ஒரு ஸ்பூன் முழு தனியா, கொஞ்சம் கறிவேப்பிலை, பாதி எலுமிச்சை சைஸ் புளி போட்டு வறுத்திடுங்கள்.
• இப்பொருட்களின் சூடு குறைந்தவுடன் மிக்ஸியில் போட்டு ஒரு ஸ்பூன் உப்பு, பத்து பல் பூண்டு போட்டு பொடியாக அரைத்தெடுக்கவும்.
• பள்ளி பொடி தயார். இதன் காரம் கம்மியாக இருக்கும். நாம் மற்றொரு செய்முறையை பார்க்கலாம்.

பள்ளி பொடி செய்முறை 2

• கடாயில் இரண்டு ஸ்பூன் நெய் ஊற்றி அரை கிலோ வேர்க்கடலை போட்டு வறுக்கவும். சூடு குறைந்த பிறகு வேர்க்கடலை தோல் நீக்கி விடவும்.
• அதே கடாயில் ஒரு கொத்து கறிவேப்பிலை சேர்த்து வறுக்கவும். அதில் 20 வரமிளகாய் போடுங்கள்.
• அதன் பிறகு சீரகம் இரண்டு ஸ்பூன் போட்டு வறுத்து எடுக்கவும். 20 பல் பூண்டு சேர்த்து பச்சை வாசனை போகும் வரை வறுக்கவும்.
• அனைத்தையும் மிக்ஸியில் போட்டு இரண்டு ஸ்பூன் மிளகாய் தூள், ஒன்றரை ஸ்பூன் உப்பு சேர்த்து பல்ஸ் மோடில் வைத்து நன்றாக அரைக்கவும்.
• சூப்பரான பள்ளி காரம் பொடி ரெடி.

மேலும் படிங்கநாவல் பழ சட்னி இருந்தால் கணக்கில்லாமல் இட்லி, தோசை சாப்பிடுவீங்க