New Year Resolution 2024 : புத்தாண்டில் மன ஆரோக்கியத்திற்கான முக்கிய தீர்மானங்கள்

ஒவ்வொரு புத்தாண்டு கொண்டாட்டத்திலும் வாழ்க்கையை மெறுகேற்ற சில தீர்மானங்கள் எடுப்போம். குறிப்பாக உடற்பயிற்சி செய்து உடல்எடையை கட்டுக்குள் வைக்க வேண்டும் அல்லது உடலை கட்டுக்கோப்பாக வைக்க வேண்டும், மிகவும் சிக்கனமாக செலவு செய்து எதிர்காலத்திற்கு நிறைய சேமிக்க வேண்டும் என இப்படி பல தீர்மானங்கள் பற்றி சிந்தித்து கொண்டிருப்போம்.

ஆனால் அனைத்து தீர்மானங்களும் வெற்றியடைய வேண்டுமானால் நாம் முதலில் மன ஆரோக்கியத்தை மேம்படுத்த தீர்மானங்கள் எடுக்க வேண்டும். இந்த புத்தாண்டு முதல் உங்கள் மன ஆரோக்கியத்திற்கு முன்னுரிமை கொடுத்து நல்வாழ்வில் கவனம் செலுத்துங்கள். 202ல் உங்கள் மன ஆரோக்கியத்தை மேம்படுத்துவதற்கான சில புத்தாண்டு தீர்மானங்கள் இதோ.

தியானம்

உங்கள் நினைவாற்றலை ஊக்குவிப்பதில் தியானம் மிகவும் பயனுள்ளதாக இருக்கும். இது மன அழுத்தத்தை குறைக்க உதவுகிறது மற்றும் மன ஆரோக்கியத்தை மேம்படுத்துகிறது. உங்களின் ஆற்றலும் மீட்டெடுக்கப்பட்டு மனதும் புதுப்பிக்கப்படுகிறது.

உடற்பயிற்சி

உடற்பயிற்சி, யோகா மற்றும் விளையாட்டு போன்ற உடல் சார்ந்த செயல்பாடுகள் மனநலத்தை மேம்படுத்த உதவுகின்றன. உடற்பயிற்சியானது மன அழுத்தத்தை குறைத்து உங்கள் மன ஆரோக்கியத்தை மேம்படுத்தும் எண்டோர்பின்கள் எனப்படும் நல்ல ஹார்மோன்களை உணர தூண்டுகிறது.

மேலும் படிங்கFitness Resolution - ஆரோக்கியமான வாழ்விற்கான புத்தாண்டு தீர்மானம்

சமநிலை

உங்கள் வேலைக்கும் தனிப்பட்ட வாழ்க்கைக்கும் இடையில் சமநிலையை பராமரிப்பது அவசியம். மன அழுத்தம் மற்றும் சோர்வைத் தடுக்க உங்கள் தனிப்பட்ட மற்றும் வேலை வாழ்க்கைக்கு சமமான நேரத்தை ஒதுக்குங்கள்.

சுயபாதுகாப்பு

ஆரோக்கியமான உணவை உட்கொள்வதன் மூலமும் அன்புக்குரியவர்களுடன் நேரத்தை செலவிடுவதன் மூலமும் சுயகவனிப்பை பயிற்சி செய்யுங்கள். மிகவும் பிஸியான கால அட்டவணையில் இருந்து சிறிது நேரம் ஒதுக்கி உங்கள் தனிப்பட்ட ஆரோக்கியத்திற்காக அதை அர்ப்பணிக்கவும்.

அன்பாக இருங்கள்

மனக்கசப்பு மற்றும் எதிர்மறை எண்ணங்களை விடுத்து அன்பாக இருப்பது முக்கியமானது. இந்த புத்தாண்டிலிருந்து நன்றியுணர்வைக் கடைப்பிடித்து உங்களுக்கு உதவிய நபர்களுக்கு கைமாறு செய்வதோடு மற்றவர்களுக்கும் கருணை காட்டுங்கள்.

மேலும் படிங்கWalking Exercise : ஆரோக்கியமான வாழ்விற்கு வித்திடும் நடைபயிற்சி

தூக்கம்

உங்கள் மன மற்றும் உடல் ஆரோக்கியத்தை பராமரிக்க தூக்கம் மிகவும் அவசியமாகும். சிறந்த ஆரோக்கியத்திற்காகப் போதுமான அளவு தூக்கத்தைப் பெற்றிட உறுதிசெய்யுங்கள்.