பீர்க்கங்காய் நன்மைகள் : இரத்த சோகை, பார்வை திறன், கல்லீரல் பிரச்னைகளுக்கு சரியான மருந்து

பீர்க்கங்காயின் ஆரோக்கிய நன்மைகள்

பார்வை திறனுக்கு பீர்க்கங்காய்

பீட்டா கரோட்டின் விடிவில் ஏராளமான வைட்டமின் ஏ பீர்க்கங்காயில் உள்ளதால் வயதான காலத்திலும் கூட பார்வைத்திறன் மேம்பட உதவுகிறது. குருட்டுத்தன்மை மற்றும் பிற கண் நோய்களைத் தடுக்கவும் பீர்க்கங்காய் சாப்பிட்டு பயன் பெறலாம். பீட்டா கரோட்டின் பார்வை நரம்புகள் மற்றும் பார்வை இரத்த நாளங்களில் உள்ள நச்சுக்களை நீக்கி அதன் மூலம் கண்களுக்கு தீங்கு விளைவிக்க விடாமல் தடுக்கிறது.

இரத்த சோகைக்கு தீர்வு

பீர்க்கங்காயில் உள்ள அதிகளவு இரும்புச்சத்து இருப்பதால் தொடர்ந்து சாப்பிடும் போது இரும்புச்சத்து குறைபாட்டால் ஏற்படும் இரத்த சோகையை குணப்படுத்த உதவுகிறது. பீர்க்கங்காயில் வைட்டமின் பி6 ஏராளமாக உள்ளது. இது உடலில் உள்ள அனைத்து உறுப்புகளிலும் இரத்த ஓட்டத்தை சீராக்க உதவுகிறது.

எடை இழப்புக்கு பீர்க்கங்காய்

பீர்க்கங்காயில் கலோரிகள் குறைவாகவும் கொழுப்பின் அளவு மிகக் குறைவாகவும் உள்ளது. நிறைய பீர்க்கங்காய் சாப்பிட்டாலும் உடல் திசுக்களில் அதிகப்படியான கொழுப்புகள் சேராது. பீர்க்கங்காயில் உள்ள இன்சுலின் போன்ற பெப்டைடுகள் மற்றும் ஆல்கலாய்டுகள் இரத்த சர்க்கரை அளவைக் கட்டுப்படுத்த உதவுகின்றன.

மலச்சிக்கலை தீர்க்கும் பீர்க்கங்காய்

பீர்க்கங்காயை பருப்பு அல்லது பொரியலாக உட்கொள்வது அல்லது ஒரு டம்ளர் பீர்க்கங்காய் சாற்றில் சிறிது தேன் சேர்த்து இனிப்பு சேர்த்து குடிப்பது மலச்சிக்கலில் இருந்து உடனடியாக நிவாரணம் அளிக்கும். மேலும் குடல் இயக்கம் மற்றும் செரிமானம் மேம்படும்.

மேலும் படிங்கமுருங்கைக் கீரை நன்மைகள் : கண் கூடாக அதிசயங்கள் நிகழ்வதை பார்க்கலாம்

கல்லீரல் செயல்பாடு

இரத்தத்தில் நச்சுகள், செரிக்காத உணவுத் துகள்களை சுத்திகரிக்கும் திறன் பீர்க்கங்காய்க்கு உள்ளது. எனவே இது கல்லீரல் ஆரோக்கியம் மற்றும் பித்த செயல்பாட்டை அதிகரிப்பதில் முக்கிய பங்கு வகிக்கிறது.

சர்க்கரை நோய் தவிர்ப்பு

பீர்க்கங்காயில் கலோரிகள், சர்க்கரைகள் குறைவாக உள்ளன. அதே நேரத்தில் நார்ச்சத்தின் மையமாக விளங்குகிறது. இது பசியைக் கட்டுப்படுத்தவும், பசி எடுக்காமல் தடுக்கவும், எடை அதிகரிப்பைக் தவிர்க்கவும் உதவுகிறது. இதில் பைட்டோநியூட்ரியண்ட்களும் நிறைந்துள்ளன. இதனால் சாப்பிட்ட பிறகு இரத்த குளுக்கோஸ் அளவு திடீரென அதிகரிப்பது தடுக்கப்படுகிறது.

உடல்சூட்டை குறைக்கும்

பீர்க்கங்காய் ஒரு நீர் காய்கறியாகும். இது அதிகப்படியான உடல் வெப்பத்தைக் குறைக்கிறது. பீர்க்கங்காயில் பொட்டாசியம், சோடியம், துத்தநாகம், தாமிரம், செலினியம் உள்ளிட்ட தாதுக்கள் இருக்கின்றன. இவை உடலில் உள்ள அதிகப்படியான அமிலத்தன்மையை குறைக்க உதவுகின்றன.

நோய் எதிர்ப்பு சக்தியை அதிகரிப்பு

கண், கல்லீரல், வயிறு மற்றும் சிறுநீரக நோய்த்தொற்றுகளுக்கு முக்கிய காரணங்களில் ஒன்று உடலின் குறைந்த நோய் எதிர்ப்பு சக்தி. பீர்க்கங்காயில் வைட்டமின் சி, இரும்புச்சத்து, மெக்னீசியம், ரைபோஃப்ளேவின், தியாமின் மற்றும் துத்தநாகம் ஆகியவை உள்ளன. இவை உடலில் நோய் எதிர்ப்பு சக்தியை அதிகரிக்கும்.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.