நுரையீரல் திறனை அதிகரிக்கும் சுவாசப் பயிற்சிகள்

உங்களின் வயதுக்கு ஏற்ப நுரையீரல் திறன் குறைய வாய்ப்புண்டு. இதனால் நுரையீரல் பராமரிப்பு நடவடிக்கைகளை வாழ்க்கை முறையில் இணைப்பது அவசியமாகும். நுரையீரல் நலனுக்கும் அதை பலப்படுத்துவதற்குமான சில பயிற்சிகள் இங்கே பகிரப்பட்டுள்ளன.

நாட்டின் பல பகுதிகளில் கடுமையான குளிர் மற்றும் அதிக மாசு ஆகியவை மனிதர்களிடையே சுவாச நோய்களின் அதிகரிப்புக்கு வழிவகுக்கிறது. எனவே காற்று மாசு அதிகமாக இருக்கும் பகுதிகள், கடும் குளிர் நிலவும் பகுதிகளில் ஆஸ்துமா மற்றும் நாள்பட்ட நுரையீரல் அடைப்பு நோய் போன்ற நோய்களை உடையவர்கள் உள்ளவர்கள் நுரையீரலை பாதுகாப்பதற்கான அனைத்து நடவடிக்கைகளையும் எடுக்க வேண்டும்.

நீங்கள் வாழும் நகரத்தில் மாசு அளவு மிதமானதாகவோ அல்லது குறைவாகவோ இருந்தாலும் வயதுக்கு ஏற்ப நுரையீரலின் திறன் குறையும். புகைபிடித்தல், காற்று மாசுபாடு மற்றும் பிற நுரையீரல் பிரச்சினைகள் நுரையீரல் ஆரோக்கியத்தை சீர்குலைக்கும். இதற்கு சுவாசப் பயிற்சி செய்வதால் உங்கள் நுரையீரல் ஆரோக்கியம் மோசமடைவதைத் தடுக்க முடியும்.

பயனுள்ள நுரையீரல் பயிற்சிகள்

உங்கள் நுரையீரல் ஆரோக்கியம் மற்றும் செயல்பாட்டு திறனை மேம்படுத்த சில பயனுள்ள பயிற்சிகளை தெரிந்து கொள்ளுங்கள்

ஆழ்ந்த சுவாசம்

• இந்த சுவாச பயிற்சியைத் தொடங்க அமர்ந்தோ அல்லது படுத்த நிலையிலோ இருங்கள்
• இதன் பிறகு ஒரு கையை மார்பு பகுதியிலும் மற்றொரு கையை வயிற்றிலும் வைக்கவும்
• அடுத்ததாக ஆழமாக மூச்சை இழுத்து அடிவயிற்றை விரிவுபடுத்த முயற்சிக்கவும்
• தொடர்ந்து மெதுவாக மூச்சை வெளியே விட்டு உங்கள் வயிற்றை சுருங்க வைக்கும்.
• இந்த பயிற்சியை தொடர்ந்து செய்து ஆழ்ந்த சுவாசத்தில் கவனம் செலுத்துங்கள்

சுருக்கப்பட்ட உதடுகள்

• சில விநாடிகளுக்கு மூக்கின் வழியாக காற்றை உள்வாங்கி கொள்ளவும்
• அதன் பிறகு உதடுகளை சுறுக்கி சில விநாடிகளுக்கு மூச்சை வெளிவிடவும்
• இந்த எளிய பயிற்சி உங்கள் சுவாசத்தை ஒழுங்குபடுத்தவும், காற்றுப்பாதைகளை நீண்ட நேரத்திற்கு திறந்து வைத்திருக்கவும் உதவுகிறது.

மூச்சு தக்கவைப்புடன் ஆழ்ந்த சுவாசம்

• உங்கள் மூக்கு வழியாக காற்றை ஆழமாக உள்ளிழுக்கவும்
• சில நிமிடங்களுக்கு மூச்சைப் பிடித்துக் கொள்ளுங்கள்.
• இதன் பிறகு வாய் வழியாக காற்றை மெதுவாக வெளியிடவும்
• இந்த பயிற்சி நுரையீரல் திறனை மேம்படுத்த உதவுகிறது

சுவாச முறையில் மாற்று

• முதுகெலும்பு நேரான நிலையில் இருக்கும்படி உட்காரவும்
• பின்னர் உங்கள் வலது கட்டைவிரலை பயன்படுத்தி மூக்கின் வலது துவாரத்தை மூடவும்
• தற்போது மூக்கின் இடது துவாரம் வழியாக மூச்சை உள்ளிழுக்கவும்.
• நன்கு கவனியுங்கள் மூச்சை உள்வாங்கிய பிறகு மூக்கின் இடது துவாரத்தை வலது கையின் மோதிர விரலால் மூடி மூக்கின் வலது துவாரத்தை திறக்கவும்
• உங்கள் வலது துவாரம் வழியாக மூச்சை வெளிவிடவும். இது பயிற்சிக்காக மட்டுமே...
• ஆனால் எப்போதும் வலது துவாரம் வழியாக மூச்சை உள்ளிழுத்து அதை மூடி, இடது துவாரம் வழியாக வெளிவிடவும். இந்த சுழற்சியை பல முறை செய்யவும்.

ரிப் ஸ்ட்ரெட்ச்

• இந்த பயிற்சியை செய்ய உங்கள் இடுப்பில் கைகளை வைத்து நிமிர்ந்து நிற்கவும்
• உங்கள் நுரையீரல் முழுமையாக நிரம்பும் வரை காற்றை மெதுவாக உள்ளிழுக்கவும்.
• தற்போது சுமார் 20 விநாடிகளுக்கு மூச்சை பிடித்து வைத்திருங்கள்
• படிப்படியாக மூச்சை வெளிவிடவும்
• தேவைக்கேற்ப மீண்டும் பயிற்சி செய்யவும்.

மூட்டு பயிற்சி

• இது உடலின் மேல் மற்றும் கீழ் மூட்டு தசைகளுக்கான பயிற்சியாகும்
• உங்கள் திறனுக்கு ஏற்றவாறு பளுதூக்குதலும் இதில் அடங்கும்
• டிரெட்மில் நடைபயிற்சி அல்லது சைக்கிள் ஓட்டுவது ஆகியவை பயனுள்ள மூட்டு பயிற்சிகளாகும்.

இந்தப் பயிற்சிகளை வாரத்திற்கு மூன்று முறையாவது முதல் தொடர்ந்து பன்னிரண்டு வாரங்களுக்கு செய்வதன் மூலம் நுரையீரல் ஆரோக்கியம் மேம்படும்.