கொங்கு ஸ்பெஷல் புளி வடை ரெசிபி; வீட்டு விருந்தாளிக்கு செஞ்சு கொடுங்க

கொங்கு புளி வடை செய்ய தேவையானவை

• புழுங்கல் அரிசி
• துவரம் பருப்பு
• கடலை பருப்பு
• சின்ன வெங்காயம்
• வர மிளகாய்
• சீரகம்
• கடலெண்ணெய்
• உப்பு
• கொத்தமல்லி
• துருவிய தேங்காய்
• கறிவேப்பிலை

குறிப்பு : வடைக்கு இட்லி அரிசி பயன்படுத்தினால் அதன் பக்குவம் மாறிவிடும்.

மேலும் படிங்க மதுரை ஸ்பெஷல் முள்ளு முருங்கை கீரை வடை ; அட்டகாசமான மாலை ஸ்நாக்

கொங்கு புளி வடை செய்முறை

• அரை கிலோ புழுங்கல் அரிசி, 200 கிராம் துவரம் பருப்பு, 120 கிராம் கடலை பருப்பு எடுத்து தண்ணீரில் நன்கு அலசி தண்ணீரில் ஒன்றரை மணி நேரம் ஊற வைக்கவும்.
• இவை ஊறிய பிறகு தண்ணீரை வடிகட்டி கிரைண்டரில் அரைப்பதற்கு தயாராகுங்கள். அரைக்கும் போது தண்ணீர் சேர்க்காதீர்கள். ஏனெனில் வடை சரியாக வராது.
• இதோடு 125 கிராம் சின்ன வெங்காயம், 6 வர மிளகாய், மூன்று ஸ்பூன் சீரகம், பாதி எலுமிச்சை சைஸ் புளி, தேவையான அளவு கறிவேப்பிலை, கால் மூடி துருவிய தேங்காய், தேவையான அளவு கொத்தமல்லி போட்டு கலந்து விட்டு மிக்ஸியில் அரைக்கவும்.
• 90 விழுக்காடு அரைத்தால் போதுமானது. அரைத்து எடுத்த பிறகு தேவையான அளவு உப்பு சேர்த்து புளி வடை செய்ய தயாராகுங்கள்.
• கடாயில் அரை லிட்டர் கடலெண்ணெய் ஊற்றி சூடுபடுத்துங்கள். எண்ணெய் சூடானதும் வாழை இலையில் எண்ணெய் தடவி வடை மாவு எடுத்து தட்டி கடாயில் போடுங்கள்.
• பொன்னிறம் ஆகும் வரை வறுக்கவும். மழைக்காலத்தில் புளி வடை சாப்பிடுவதற்கு நன்றாக இருக்கும். இது கொஞ்சம் புளிப்பும் காரமும் கலந்தது போல் சுவைக்கும்.
• வடையை உடைத்தால் கொஞ்சம் ஆவி வரும். இதை அப்படியே சாப்பிடலாம். சட்னி, சாம்பார் எதுவும் தேவையில்லை.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.