கர்நாடகா ஸ்டைல் திலி சாறு செய்முறை; ரசத்திற்கு பதிலாக செஞ்சு ருசிங்க

கர்நாடக திலி சாறு செய்ய தேவையானவை

• கர்நாடகா மிளகாய்
• குண்டூர் மிளகாய்
• வெந்தயம்
• கடுகு
• தனியா
• தக்காளி
• சீரகம்
• மஞ்சள் தூள்
• உப்பு
• எண்ணெய்
• நெய்
• கறிவேப்பிலை
• வெல்லம்
• துவரம் பருப்பு
• அரிசி வடித்த தண்ணீர்

கர்நாடக திலி சாறு செய்முறை

• கடாயில் இரண்டு ஸ்பூன் எண்ணெய் ஊற்றி சூடானதும் ஒரு ஸ்பூன் வெந்தயம், ஒரு ஸ்பூன் கடுகு, ஒரு ஸ்பூன் மிளகு, 4 ஸ்பூன் சீரகம், 8 ஸ்பூன் தனியா போட்டு வறுக்கவும்.
• தனியா நன்கு வறுபட்டு வாசனை வந்தவுடன் 12 கர்நாடகா மிளகாய், 4 குண்டூர் மிளகாய் போடுங்கள்.
• தேவையான அளவு கறிவேப்பிலை சேர்க்கவும். அடுத்ததாக ஒரு ஸ்பூன் மஞ்சள் தூள், கால் ஸ்பூன் பெருங்காய தூள் போடவும். சூடு குறைந்தவுடன் மிக்ஸியில் போட்டு அரைத்து வைத்துக் கொள்ளுங்கள். ஒவ்வொரு முறை திலி சாறு செய்யும் போது இந்த பவுடர் பயன்படுத்தலாம்.
• கடாயில் இரண்டு ஸ்பூன் நெய் ஊற்றி சூடானதும் அரை ஸ்பூன் கடுகு, அரை ஸ்பூன் சீரகம், கொஞ்சம் கறிவேப்பிலை, 2 குண்டூர் மிளகாய் சேர்த்து வறுக்கவும்.
• அடுத்ததாக ஒரு சிட்டிகை மஞ்சள் தூள், கொஞ்சம் பெருங்காயத் தூள் சேருங்கள். சின்ன எலுமிச்சை சைஸ் புளியை தண்ணீரில் கரைத்து ஊற்றவும்.
• இதனிடையே 100 கிராம் துவரம் பருப்பை 3 விசிலுக்கு வேகவிட்டு இதில் சேர்க்கவும். அதே போல சாதம் வடித்த தண்ணீர் ஒரு கப் ஊற்றவும். பருப்பில் உள்ள புரதம், சாதம் வடித்த தண்ணீரின் கார்போஹைட்ரேட் திலி சாற்றை ஆரோக்கியம் நிறைந்த உணவாக மாற்றிடும்.
• அடுத்ததாக இரண்டு ஸ்பூன் வெல்லம் போடவும். தேவையான அளவு உப்பு சேர்த்த பிறகு மிக்ஸியில் அரைத்த திலி சாறு பொடி மூன்று ஸ்பூன் போடுங்கள்.
• ரசம் போல் கொதிக்கவிட்டு எடுக்கவும். இறுதியில் கொத்தமல்லி தூவினால் சுவையான திலி சாறு ரெடி.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.