பாசிப்பருப்பில் இட்லி அவித்து புட்டு செஞ்சு சாப்பிடுங்க; ஆரோக்கியத்திற்கு நல்லது

ஜங்க் ஃபுட், பதப்படுத்தப்பட்ட உணவுகளை தவிர நாம் சாப்பிடும் அனைத்து உணவுகளிலுமே எதோ ஒரு சத்து உள்ளது. ஒரு உணவின் ஊட்டச்சத்தை அதிகரிக்க அதோடு சில பொருட்களை சேர்த்தால் போதுமானது. உதாரணத்திற்கு இட்லியில் 100 கலோரிகள் உள்ளது. இட்லி அரிசிக்கு பதிலாக தானியங்கள் பயன்படுத்தி இட்லி தயாரித்தால் அதன் ஊட்டச்சத்து மதிப்பு அதிகரிக்கும். சாம்பாரில் கேரட் உடன் நிறுத்தி விடாமல் முருங்கைக்காய், அவரைக்காய், பூசணிக்காய் இன்னும் சில காய்கறிகளைச் சேர்த்தால் ஊட்டச்சத்து மதிப்பு கூடும். அந்த வகையில் பாசிபருப்பு வைத்து ஆரோக்கியமான புட்டு எப்படி செய்வது என இந்த பதிவில் பார்க்கலாம். பாசிப்பருப்பில் புரதச்சத்து மிக அதிகம். உடலில் செல் வளர்ச்சிக்கு பாசிப்பருப்பு உதவுகிறது. இதில் உள்ள நார்ச்சத்து உடலில் செரிமானத்திற்கு உதவுகிறது.