பல் கூச்சத்தை போக்குவதற்கு எளிமையான வீட்டு வைத்தியம்; வலி உடனடியாக போய்விடும்

பல் கூச்சத்திற்கு வீட்டு வைத்தியம்

காலங் காலமாக நம்முடைய முன்னோர்கள் பல் துலக்குவதற்கு பற்பொடி பயன்படுத்தி வந்தனர். நாம் பற் பசைக்கு மாறிவிட்டோம். அப்போதெல்லாம் கறி எலும்புகளை கடித்து சாப்பிடுவர். இன்று கரும்பு கடிப்பதற்கே யோசிக்கிறோம். பழங்களை எப்போதும் கடித்து சாப்பிடுங்கள். நறுக்கி சாப்பிடும் பழக்கத்தை தவிர்க்கவும். அந்த காலத்து பற்பொடிகள் பற்களுக்கு மிகுந்த பயன் அளித்ததாக ஆய்வுகள் தெரிவிக்கின்றன.

• கடுக்காய் - பல் ஆடாமல் தவிர்க்கும்
• கிராம்பு - பல் ஈடுக்குகளில் உள்ள கிருமிகளை வெளியேற்றும்
• கரிசலாங்கண்ணி - பற் கரைகளை அகற்றும்

இதோடு கல் உப்பு சேர்த்து அரைத்து தயாரிக்கும் பொடியை பல் துலக்க பயன்படுத்துவார்கள்.

சூடாக டீ காபி குடிக்கும் போது, ஐஸ் கிரீம் சாப்பிடும் போது பல் கூச்சத்தை அதிகமாக உணர்வோம். பற்களின் வேர் மெல்லியதாக மாறினால், எனாமல் தேய்ந்து இரத்தம் வருவது, ஈறு வீக்கம் இவை அனைத்தும் பல் பிரச்னைகளுடன் தொடர்புடையவை.

பல் கூச்சம் போக்கும் பற்பொடி

பற்பொடி செய்ய தேவையானவை

• கல் உப்பு
• கிராம்பு
• கடுக்காய்
• கரிசலாங்கண்ணி

கால் ஸ்பூன் கிராம்பு பொடி, கடுக்காய் பொடி ஒரு ஸ்பூன், வெயிலில் காய வைத்து அரைத்த கரிசலாங்கண்ணி பொடி இரண்டு ஸ்பூன், இடித்த கல் உப்பு இரண்டு சிட்டிகை சேர்த்து வைத்து பற்பொடி தயாரிக்கவும். இதை தொடர்ந்து உபயோகப்படுத்தினால் பல் கூச்சம் போய்விடும். ஆள்காட்டி விரலை கொண்டு பல் தேய்க்கவும்.

மேலும் படிங்கவியர்த்து கொண்டே இருந்தால் தடுப்பதற்கு நீங்கள் சாப்பிட வேண்டிய உணவுகள் இவையே