சூரிய ஒளியின் பற்றாக்குறை மற்றும் ஈரப்பதமான வானிலை பல பருவகால நோய்களைக் உண்டாக்கும். மழைக்கால நோய்கள் காற்று, நீர் அல்லது கொசு கடியால் நோய்கள் பரவும். எனவே முன்னெச்சரிக்கை நடவடிக்கை எடுக்க வேண்டும். மழைக்கால நோய் தடுப்பு குறிப்புகள் மிகவும் எளிதானவை. வரும் முன் காப்பதே சிறந்தது என்பதை மனதில் கொள்ளுங்கள்.
மழைக்காலத்தில் எடுக்க வேண்டிய முன்னெச்சரிக்கை நடவடிக்கைகள்
- வெளியே செல்லும் போது மழையில் நனையாமல் இருக்கும் குடை அல்லது ரெயின்கோட் எடுத்துச் செல்லுங்கள்
- மழையில் நனைந்து ஈரமாகிவிட்டால் உங்களை உலர வைக்கும் செயல்களில் ஈடுபடுங்கள்
- மழைக்காலத்தில் குறைவாகத் தாகம் எடுத்தாலும் போதுமான தண்ணீர் அருந்தி நீரேற்றமாக இருங்கள்
- தண்ணீர் தேங்கி இருக்கும் இடங்களுக்குச் செல்லும் போது கொசு விரட்டும் கிரீம்களை பயன்படுத்துங்கள்
- வீட்டில் கொசு வலைகள் மற்றும் கொசு விரட்டியை பயன்படுத்தவும்
- வீட்டின் சுற்றுப்புறத்தை சுத்தமாக வைத்திருங்கள்
- தேங்காய் மட்டைகள், வாகன டயர்களில் தண்ணீர் தேங்கியுள்ளதா எனப் பரிசோதிக்கவும், ஏனென்றால் இவை கொசுக்கள் இனப்பெருக்கம் செய்யும் இடங்கள்.
- தண்ணீரை நன்கு கொதிக்கவைத்து அதனை வடிகட்டி அருந்தவும்
- வீட்டில் சமைத்த சத்தான உணவுகளை உண்ணுங்கள், பழங்களை நன்கு கழுவிய பிறகு சாப்பிடவும்
- சாப்பிடுவதற்கு முன்பும் சாப்பிட்ட பிறகும் கைகளைச் சோப்பு போட்டுக் கழுவவும்
- தடுப்பூசி செலுத்திக்கொண்டு நோய் பாதிக்கப்பட்ட நபருடன் தொடர்பில் இருப்பதை தவிர்க்கவும்
- காற்றில் பரவும் நோய்த் தொற்றுகளால் பாதிப்படையாமல் இருக்க மாஸ்க் அணிந்து சமூக இடைவெளியைக் கடைபிடிக்கவும்
- உடலில் வைட்டமின் பி12 மற்றும் டி3 குறைவாக இருக்கும்போது வைட்டமின் சப்ளிமெண்ட்ஸ் எடுத்துக் கொள்ளுங்கள்
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation