குளிர்ந்த காற்றால் ஏற்படும் சரும பராமரிப்பு; பொலிவுடன் வைத்திருக்க இலவங்கப்பட்டை மற்றும் மஞ்சள் போதும்!

குளிர் காலம் ஆரம்பித்தாலே தண்ணீரைத் தொடுவதற்குக் கூட தயக்கம் காட்டுவோம். அப்புறம் எப்படி தினமும் இரண்டு வேளைகளில் குளிப்பது மற்றும் முகத்தைப் பராமரிப்பது. இதனால் சருமத்தில் அதிக எண்ணெய் தன்மை உள்ளவர்களுக்கு அழுக்குகள் படிந்து முகப்பருக்கள் உண்டாகும். பருவ காலங்களில் ஏற்படும் ஹார்மோன் சமநிலையின்மையும் சருமத்தில் பருக்கள்  முதல் சரும வறட்சியை ஏற்படுத்துகிறது. இன்றைக்கு சருமத்தை குளிர்காலத்தில் எப்படி பொலிவுடன் வைத்திருக்க முடியும்? என்பது குறித்து விரிவாக அறிந்துக் கொள்ளலாம் வாருங்கள்.

குளிர்காலத்தில் சரும பராமரிப்பு:

சரும வறட்சியைத் தவிர்க்கவும், பருக்கள் ஏற்படுவதைக் குறைத்து முகப் பொலிவைப் பெற இலவங்கப்பட்மையைப் பயன்படுத்தலாம். ஒரு பாத்திரத்தில் ஒரு டீஸ்பூன் இலவங்கப்பட்டை தூள், அரை தேக்கரண்டி வெந்தய தூள், எலுமிச்சை சாறு மற்றும் சில துளிகள் தேன் சேர்த்து பேஸ்ட் போன்று உருவாக்கிக் கொள்ளவும். இதை முகத்தில் பருக்கள் உள்ள இடங்கள் மற்றும் கழுத்துப் பகுதிகளில் அப்ளை செய்யவும். இதில் உள்ள ஊட்டச்சத்துக்கள் முகத்தை எப்போதும் பிரகாசமாக வைத்திருக்க உதவியாக இருக்கும்.

மேலும் படிக்க: Skin care tips: உங்கள் சருமத்தின் பொலிவை இயற்கையாக அதிகரிக்க வேண்டுமா? இந்த 6 உணவுகளை அவசியம் சாப்பிடவும்

• குளிர்காலத்தில் கழுவிய பின் சருமம் வறண்டதாக உணர்ந்தால், கிரீம்கள் மற்றும் மாய்ஸ்சரைசர்களைப் பயன்படுத்துவதைத் தவிர்க்கவும். அதற்கு பதிலாக, 100 மில்லி ரோஸ் வாட்டரில் ஒரு தேக்கரண்டி கிளிசரின் கலந்து பேஸ்ட் போன்று உருவாக்கிக் கொள்ளவும்..இது சரும வறட்சி நீங்குவதற்கு உதவியாக இருக்கும்.
• அடுத்தாக குளிர்காலத்தில் முகத்தைப் பொலிவுடன் வைத்திருக்க முல்தானி மிட்டி, ரோஸ் வாட்டர் மற்றும் சந்தன பேஸ்ட் ஆகியவற்றை ஒன்றாக கலந்து பேஸ்ட் போன்று உருவாக்கிக் கொள்ளவும். இதை வாரத்திற்கு இரண்டு அல்லது மூன்று முறை உபயோகிக்கவும். இந்த பேஸ் பேக் சருமத்தை பொலிவாக வைத்திருக்க உதவக்கூடும்.

மேலும் படிக்க: நெய் பயன்படுத்துவதன் மூலம் உங்கள் சருமத்திற்கு கிடைக்கும் அற்புத பயன்

• குளிர்காற்றால் சருமம் வறட்சியைத் தவிர்க்க வேண்டும் என்றால், மஞ்சளைப் பயன்படுத்தவும். மஞ்சளில் உள் குர்குமின் பண்புகள் முகத்தில் உள்ள அழுக்குகளை நீக்கி எப்போதும் பொலிவுடன் வைத்திருக்கும்.
• இதோடு ஊட்டச்சத்துள்ள காய்கறிகள், பழங்கள் மற்றும் ஆரோக்கியமான உணவுகள் போன்றவற்றை அடிக்கடி உணவு முறையில் சேர்த்துக் கொள்ள வேண்டும். இவை உடலுக்குத் தேவையான ஆற்றலை அளிப்பதோடு நாள் முழுவதும் சருமத்தைப் பிரகாசமாக வைத்திருக்க உதவுகிறது.

Image source - Freepik