கோடையில் சிறுநீர் நிறம் மாறி நுரை நுரையாக வெளியேறினால்? புரோட்டின் வெளியேறுகிறது என்று அர்த்தமா?

உடலில் புரதத்தின் செயல்பாடு என்ன ?

முடி வளர்ச்சியிலிருந்து எலும்புகள் மற்றும் நகங்கள் உருவாவது வரை அனைத்திலும் புரதம் முக்கிய பங்கு வகிக்கிறது. இவை தவிர, புரதம் உடலில் பல முக்கிய செயல்பாடுகளைச் செய்கிறது, இது இல்லாமல் மனித உடல் சரியாகச் செயல்பட முடியாது. இது உடலை தொற்றுநோயிலிருந்து பாதுகாக்கவும் செயல்படுகிறது.

புரோட்டினூரியாவின் ஆரம்ப அறிகுறிகள்?

• சிறுநீரில் அதிகப்படியான நுரை
• அடிக்கடி சிறுநீர் கழித்தல்
• முகத்தில் வீக்கம்
• தூங்கும் போது தசைப்பிடிப்பு
• கால்களில் வீக்கம்
• மூச்சுத் திணறல்
• சோர்வு
• பசியின்மை

சிறுநீர் நுரையாக வருவதன் காரணம் - வீட்டு வைத்தியம்

கொழுப்பு கல்லிரல்

கொழுப்பு கல்லிரலால் சிறுநீர் நுரையாக வெளியேறுபவர்கள் கரிசலாங்கண்ணி சிறந்த மருந்தாகும்.கரிசலாங்கண்ணியை பொடியாக எடுத்துகொள்ளுங்கள். மஞ்சள் கரிசலாங்கண்ணி பொடி, கிழாநெல்லி, கரிசலாங்கண்ணி லேகியம் போன்றவற்றை தொடர்ச்சியாக எடுத்துகொள்ளும் போது அது கொழுப்பு கல்லிரலை சரிசெய்யும்.

சர்க்கரை நோய்

சக்கரை நோய் உள்ளவர்களுக்கு சிறுநீர் நுரையாக துர்நாற்றத்துடன் வெளியேறும். இந்த பிரச்சனை உள்ளவர்கள் தினமும் காலை 4 கொய்யா இலையை 1/2லி தண்ணீரில் போட்டு நன்கு கொதிக்க வைத்து 1/2 டம்ளர் ஆக வற்றிய பின் அதை குடித்து வரவும். இவர்களுக்கு சக்கரை நோய் குறைய ஆரம்பிக்கும் மற்றும் சிறுநீர் நுரையாக வெளியேறுவது மாறும், மற்றும் மருதாணி இலையை தினமும் தண்ணீரில் காய்ச்சி குடிக்கவும்.

கிட்னி பிரச்சனை

கிட்னி பிரச்சனை உள்ளவர்களுக்கு உடலில் புரோட்டின் வேகமாக குறைய ஆரம்பிக்கும். அதிக மாத்திரைகள் எடுத்துகொள்பவர்களுக்கு கிட்னி பிரச்சனைகள் அதிகரிக்கும். இந்த பிரச்சனை உள்ளவர்கள் சிவப்பு முள்ளங்கியை சிறு துண்டுகளாக நறுக்கி நிழலில் நன்கு காய வைத்து பின் ஒரு நாள் வெயிலில் காய வைத்து நன்கு காய வைத்து பொடியாக அரைத்து வைத்து கொள்ளவும். பின் அதனை தினமும் காலை 1/2 லி தண்ணீரில் சேர்த்து கூழ் போல் கிண்டி எடுத்துகொள்ளுங்கள்.

தவிர்க்கவேண்டிய உணவுகள்

சிக்கன், முட்டை, புரோட்டின் அதிகம் உள்ள உணவுகளை போன்றவற்றை தவிர்த்துவிடுங்கள், ஏனெனில் புரோட்டின் உணவுகளை எடுத்துகொள்வதால் சிறுநீர் அடிக்கடி வெளியேறும். ஒரு நாளைக்கு லிட்டர் கணக்கில் சிறுநீர் உடலில் இருந்து வெளியேறி கொண்டே இருந்தால் உடலில் உள்ள நல்ல புரத சத்துகளும் சிறுநீர் வழியாக வெளியேறி உடல் எடை குறைய தொடங்கும். இதனால் பல பிரச்சனைகள் ஏற்படும்.

மேலும் படிக்க:ஆசன வாயிலில் நெளியும் குடல் புழுக்களை ஒரே இரவில் மலத்தில் வெளியேற்ற சூப்பர் டிப்ஸ்

இந்த கட்டுரை உங்களுக்கு பிடித்திருந்தால் உங்கள் நண்பர்களுக்கு பகிருங்கள். மேலும், இதுபோன்ற உடல்நலம், ஆரோக்கியமான வாழ்வு சார்ந்த சுவாரஸ்யமான தகவல்களை தினமும் தெரிந்து கொள்ள எப்போதும் ஹெர்ஜிந்தகி உடன் இணைந்திருங்கள். ஹெர்ஜிந்தகியின் முகநூல் பக்கத்தை இந்த லிங்கின் மூலம் பின் தொடருங்கள் HerZindagi Tamil

image source: freepik