உடல் எடையை குறைப்பது சற்று கடினமானது தான். இதற்கு அதிகப்படியான முயற்சியும், ஈடுபாடும் தேவைப்படுகிறது. ஆனால் இது நிச்சயம் சாத்தியமே! உடல் எடையை வேகமாக குறைக்க விரும்புபவர்கள் தங்களுடைய வாழ்க்கையில் ஒரு சில மாற்றங்களை செய்தாலே போதும்.
தவறான வாழ்க்கை முறை மற்றும் உணவு முறை பழக்க வழக்கங்களால் உடல் எடை அதிகரிக்கிறது. உடல் பருமனால் அழகு மட்டும் பாதிக்கப்படுவதில்லை, இது சர்க்கரை நோய், மூட்டு வலி, உயர் இரத்த அழுத்தம் போன்ற பல உடல் நல பிரச்சனைகளுக்கும் வழிவகுக்கிறது. உடல் எடையை குறைப்பதற்காக நீங்கள் எடுக்கும் அனைத்து முயற்சிகளும் தோல்வி அடைகிறதா? இப்பதிவில் பகிரப்பட்டுள்ள சில மாற்றங்களை நீங்கள் செயல்படுத்தினால் உடல் எடையை சுலபமாக குறைத்திடலாம்.
இந்த பதிவும் உதவலாம்: யாரெல்லாம் வெண்டைக்காய் சாப்பிடுவதை தவிர்க்க வேண்டும் தெரியுமா?
3 நாட்களில் 1 கிலோ எடையை குறைக்க பின்வரும் குறிப்புகள் உங்களுக்கு நிச்சயம் பயனுள்ளதாக இருக்கும்.
வெந்நீர் குடிக்கவும்
வெந்நீர் குடிப்பது உடல் எடையை குறைக்க உதவுவதாக மருத்துவர் அக்பர் முல்தானி அவர்கள் குறிப்பிட்டுள்ளார். உடலில் தேங்கியுள்ள அதிகப்படியான கொழுப்பு மற்றும் உடல் எடையை குறைக்க வெந்நீர் குடிக்கலாம். இதனால் உடலில் உள்ள தேவையற்ற நச்சுக்கள் வெளியேறி, உடலின் வளர்சிதை மாற்றம் மேம்படும். உங்களுடைய வளர்சிதை மாற்றம் சிறப்பாக இருந்தால் எடை இழப்பும் எளிதாகும்.
தினசரி உடற்பயிற்சி
உடல் எடையை குறைப்பதற்கு உணவு முறையை மட்டும் முறையாக கடைப்பிடித்தால் போதாது. எடையை குறைக்க உடற்பயிற்சி செய்ய வேண்டியதும் மிகவும் அவசியம். இதற்கு ஜிம் சென்று உடற்பயிற்சி செய்ய வேண்டிய அவசியம் இல்லை. நீங்கள் வீட்டு மாடியில் நடைப்பயிற்சி செய்யலாம், படிக்கட்டுகளை ஏறி இறங்கலாம் அல்லது உங்களுக்கு விருப்பமான நடனம், நீச்சல், ஓடுதல் போன்ற பயிற்சிகளையும் செய்யலாம்.
கிரீன் டீ குடிக்கவும்
உடலின் வளர்ச்சியை மாற்றத்தை அதிகரிக்க ஒரு நாளைக்கு 1-2 முறை கிரீன் டீ குடிக்கலாம். இதில் நிறைந்துள்ள ஆன்டி ஆக்ஸிடன்ட்கள் உடல் ஆரோக்கியத்திற்கு நன்மை தருகின்றன. நீங்கள் உடல் எடையை குறைத்து ஃபிட் ஆக மாற கிரீன் டீயை தவறாமல் எடுத்துக் கொள்ளுங்கள்.
புரத உணவுகளை சாப்பிடுங்கள்
உடல் எடையை குறைக்க விரும்புபவர்கள் புரதம் நிறைந்த உணவுகள் சாப்பிடுவதை வழக்கமாக்கிக் கொள்ள வேண்டும். புரதம் நிறைந்த உணவுகள் உங்களை நீண்ட நேரத்திற்கு நிறைவாக வைத்திருக்கும். இதனால் தேவையற்ற பசி ஆர்வத்தை கட்டுப்படுத்தலாம். புரதத்துடன் மற்ற சத்துக்களையும் ஒன்றிணைத்து சமச்சீரான உணவு எடுத்துக் கொள்வதை உறுதி செய்து கொள்ளுங்கள்.
சர்க்கரை உட்கொள்ளலை குறைக்கவும்
உடல் எடையை வேகமாக குறைக்க உங்களுடைய சர்க்கரை உட்கொள்ளல் அளவை குறைத்துக் கொள்ளுங்கள். சர்க்கரை உடலின் வளர்ச்சிதை மாற்றத்தை தாமதப்படுத்துகிறது. இந்நிலையில் சர்க்கரையை தவிர்ப்பதன் மூலம் உடல் எடையை எளிதாக குறைக்கலாம். வெள்ளை சர்க்கரைக்கு மாற்றாக வெல்லம், தேன் அல்லது டேட்ஸ் போன்ற மாற்றுகளை பயன்படுத்தலாம்.
இந்த பதிவும் உதவலாம்: ஆயுர்வேத மூலிகையான சீந்திலை எப்படி பயன்படுத்த வேண்டும் தெரியுமா?
இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.
image source:freepik
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation