இன்றைய வாழ்க்கை முறையில் நீரிழிவு நோயால் அவதிப்படுபவர் எண்ணிக்கை அதிகரித்துக்கொண்டே வருகிறது. இது வளர்சிதை மாற்றக் கோளாறுகளில் ஒன்றாகும். இது உடலில் இரத்த சர்க்கரையின் அளவு அசாதாரணமாக அதிகமாக இருக்கும் ஒரு நிலை. இன்சுலின் உற்பத்தி சரியாக செய்யப்படாவிட்டால் நீரிழிவு நோய் ஏற்படுகிறது. அதேபோல் நீரிழிவு நோய் கட்டுப்படுத்தப்படாவிட்டால் பல நோய்கள் மற்றும் உயர் இரத்த அழுத்தம், இதயம் மற்றும் சிறுநீரக நோய்கள், கண் பிரச்சினைகள் போன்ற உடல்நலப் பிரச்சினைகளின் அபாயத்தை அதிகரிக்க செய்யும்.
ஆனால் கவலைப்பட வேண்டாம், ஏனென்றால் சில ஆயுர்வேத குறிப்புகளைப் பின்பற்றுவதன் மூலம் அதை எளிதாகக் கட்டுப்படுத்தலாம். நீரிழிவைக் கட்டுப்படுத்த சாப்பிடும் உணவுகளில் கவனம் செலுத்துவது, உடற்பயிற்சியை வழக்கத்தில் சேர்ப்பது மற்றும் மன அழுத்தத்திலிருந்து விலகி இருப்பது மிக முக்கியம். மன அழுத்தமில்லாமல் அமைதியாக இருப்பதன் மூலம் நீரிழிவு நோயை எளிதாகக் கட்டுப்படுத்தலாம். ஆனால் அதே நேரத்தில், நீங்கள் பயன்படுத்தும் பொருட்களின் பண்புகளை அறிந்து கொள்வது மிகவும் முக்கியம். நீரிழிவு நோயை கட்டுப்படுத்தும் உணவுகளில் கவனம் செலுத்தி, உங்கள் அன்றாட வழக்கத்தில் உடற்பயிற்சியைச் சேர்ப்பதன் மூலம் நீரிழிவு நோய் கட்டுப்படுத்த முடியும். நீரிழிவு நோயாளிகள் கொழுப்பு, வறுத்த மற்றும் எண்ணெய் நிறைந்த உணவுகளைத் தவிர்த்து, புதிய மற்றும் பருவகால பழங்கள் மற்றும் காய்கறிகளை, குறிப்பாக நார்ச்சத்து அதிகம் உள்ள உணவுகளை உட்கொள்ள வேண்டும்.
மேலும் படிக்க: உடலுக்கு பல எண்ணற்ற நன்மைகளை கொட்டி கொடுக்கும் கொள்ளு
வெந்தய விதைகள்
வெந்தயம் விதைகள் நீரிழிவு நோயைக் கட்டுப்படுத்துவதில் மிகவும் பயனுள்ளதாக இருக்கும். தினமும் 10 கிராம் வெந்தய விதைகளை வெதுவெதுப்பான நீரில் கொதிக்க வைத்து தண்ணீருடன் வெந்தயத்தையும் சேர்த்து சாப்பிட்டு வந்தால் டைப்-2 நீரிழிவு நோயைக் கட்டுப்படுத்த உதவும். இதில் செரிமானத்தை துரிதப்படுத்தும் நார்ச்சத்து அதிகம் உள்ளது. இதனுடன் உடலின் சர்க்கரை பயன்பாட்டையும் மேம்படுத்துகிறது.
வேங்கை மரப்பிசின்
வேங்கை மரத்திலிருந்து கிடைக்கக்கூடிய பிசின் இரத்த சர்க்கரை அளவைப் பராமரிக்கவும் நீரிழிவு நோயைக் கட்டுப்படுத்தவும் அறியப்படுகிறது. இந்த மூலிகையில் இருக்கும் ஹைப்பர்லிபிடெமிக் எதிர்ப்பு பண்புகள் உடலில் உள்ள கொழுப்பு, குறைந்த அடர்த்தி கொண்ட லிப்போபுரோட்டீன் மற்றும் சீரம் ட்ரைகிளிசரைடு அளவைக் குறைக்க உதவுகின்றன. இதை தவிர அடிக்கடி சிறுநீர் கழித்தல், அதிகமாக சாப்பிடுதல் மற்றும் நெஞ்செரிச்சல் உள்ளிட்ட நீரிழிவு நோயுடன் தொடர்புடைய நோய்களை கட்டுப்படுத்த உதவுகிறது. செரிமான அமைப்பை மேம்படுத்துவதிலும், கணையத்தில் இன்சுலின் உற்பத்தி அளவைக் கட்டுப்படுத்துவதிலும் நன்மை பயக்கும். வேங்கை மரப்பிசின் சந்தையில் எளிதாகக் கிடைக்கிறது. இந்த பிசின் எடித்து டம்ளரில் போட்டு தண்ணீரை நிரப்பி இரவு முழுவதும் வைத்திருந்து காலையில் எழுந்ததும் இந்த தண்ணீரைக் குடிக்க வேண்டும்.
செப்பு பாத்திரத்தில் தண்ணீர் குடிக்க வேண்டும்
செம்பு பாத்திரத்தில் தண்ணீர் குடிப்பது நீரிழிவு நோயையும் கட்டுப்படுத்துகிறது. செம்பு பாத்திரத்தில் தண்ணீர் ஊற்றி வைத்து குடிப்பதால் உடலுக்கு நன்மை பயக்கும் பண்புகள் சேர்க்கப்படுகின்றன. செம்பு உடலுக்கு பல தீங்கு விளைவிக்கும் நுண்ணுயிர் செயல்பாடுகளை எதிர்த்துப் போராட உதவுகிறது. ஆக்ஸிஜனேற்ற மற்றும் அழற்சி எதிர்ப்பு பண்புகளும் நீரிழிவு நோயைக் கட்டுப்படுத்த உதவுகின்றன.
கசப்பான உணவுகளை சேர்க்கவும்
நீரிழிவைக் கட்டுப்படுத்த உணவில் இருந்து இனிப்புகளை நீக்குவதோடு மட்டுமல்லாமல், சில உணவுகளையும் சேர்க்க வேண்டும். ஆம், நெல்லிக்காய், பாகற்காய் மற்றும் கற்றாழை போன்ற கசப்பான உணவுகள் நீரிழிவு நோயைக் கட்டுப்படுத்த உதவும். இன்சுலின் போன்ற ஒரு தனிமம் பாலிபெப்டைட்-பி அல்லது பி-இன்சுலின் பாகற்காய்களில் காணப்படுகிறது, இது நீரிழிவு எதிர்ப்பு விளைவுக்கு பெயர் பெற்றது. நெல்லிக்காயில் நார்ச்சத்து நிறைந்துள்ளதால் நீரிழிவு நோயைக் கட்டுப்படுத்த செய்யும்.
மேலும் படிக்க: கர்ப்ப காலத்தில் பெண்கள் சுறுசுறுப்பாக இருக்க தினமும் வழக்கத்தில் எடுத்துக்கொள்ள வேண்டிய உணவுகள்
சில மசாலாப் பொருட்களை சாப்பிடவும்
பெருங்காயம், மஞ்சள், இலவங்கப்பட்டை, கடுகு மற்றும் கொத்தமல்லி போன்ற பல மசாலாப் பொருட்களில் நீரிழிவு எதிர்ப்பு பண்புகள் உள்ளன. இந்த மசாலாப் பொருட்களை உணவு மற்றும் பானங்களில் பயன்படுத்துங்கள். அவை நீரிழிவு நோயை இயற்கையாகவே நிர்வகிக்கின்றன.
இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.
Image Credit: Freepik
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation