உடல் நலனும் யோகாவும் என்ற தொடரில் நாம் அடுத்ததாகப் பார்க்கப் போவது பரத்வாஜாசனம். இது மிகவும் எளிய யோகாசனம் என்று சொல்லலாம். உடலை டிவிஸ்ட் செய்ய போகிறோம். இந்த ஆசனம் உடலின் மேம்பகுதியை திருப்பும் ஆசனம் அல்லது முறுக்கும் ஆசனம் என்று கூறலாம். அதற்கு முன்பாக பயிற்சி ஆசனங்களை செய்து விடலாம்.
முதலில் அர்த்த பத்மாசனம் நிலையில் உட்காருங்கள். அர்த்த என்றால் பாதி அதாவது பாதி பத்மாசன நிலையில் உட்காருவது என அர்த்தம். பத்மாசனம், வஜ்ராசனம் ஆகிய நிலைகளிலும் இருந்து இந்த ஆசனத்தை செய்யலாம். இதில் எது உங்களுக்குச் செளகரியமாக இருக்கிறதோ அப்படியே உட்காருங்கள். மேல் பகுதியை முறுக்குவதில் தான் கவனம் இருக்க போகிறது.
- நிமிர்ந்து உட்கார்ந்து இடது கையை வலது மூட்டிலும் வலது கையை பின்நோக்கி வளைக்காமல் வைக்கவும். தலையை நன்றாக திருப்புங்கள்.
- இப்போது வலது கையை இடது மூட்டில் வைத்து இடது கையை பின்நோக்கி வைக்கவும். முதுகுத் தண்டை நன்றாக நிமிர்த்தி பின்னே பாருங்கள்.
- ஆழ்ந்த மூச்சை உள்ளே இழுத்து வெளியே விடலாம். இ
- ந்த பயிற்சி ஆசனத்தை பத்து விநாடிகள் இடைவெளி விட்டு செய்யலாம் அல்லது தொடர்ச்சியாகவும் செய்யலாம்.
- இந்த மாதிரி செய்து கொண்டே வந்தால் உடல் தளர்வாகிவிடும். இப்போது பரத்வாஜாசனம் செய்யலாம்.
- கால்களை நேராக நீட்டிக் கைகளை பக்கவாட்டில் வைத்த பிறகு இடது காலை பின்னே மடக்கி வைக்கவும். தற்போது வலது காலை அர்த்த பத்மாசனம் நிலையில் இடது தொடையின் மீது வைக்கவும்.
- வலது கையை பின்வழியாக சுற்றி வந்து வலது காலின் கட்டை விரலை பிடிக்கவும், தற்போது இடது கையால் வலது காலின் முட்டியில் அழுத்தம் கொடுக்கவும். அடுத்ததாக தலை மற்றும் உடலை வலது பக்கம் திருப்பவும்.
- பத்து விநாடிகளுக்கு பிறகு தலையை இயல்பு நிலைக்குத் திருப்பி வலது கையை கட்டை விரலில் இருந்து எடுத்துவிடுங்கள்.
- இதன் பிறகு இரண்டு கால்களையும் நேராக நீட்டி தளர்த்திக் கொள்ளவும். படிப்படியாக செய்தால் உடலில் எங்கும் வலி ஏற்படாது. ஆழ்ந்த மூச்சை உள்ளே இழுத்து வெளியே விடலாம்.
- இப்போது வலது காலை பின்நோக்கி மடித்து, இடது காலை வலது தொடையின் மீது வைக்கவும். இடது கையை சுற்றி கொண்டு வந்து இடது கட்டை விரலைப் பிடிக்கிறோம்.
- கையை சுற்றி வந்து கட்டை விரலைப் பிடிக்க முடியவில்லை என்றால் இடுப்பு பகுதியில் வைக்கவும். தற்போது உடலை முறுக்கி இடது பக்கம் திரும்பவும்.
- பத்து விநாடிகளுக்கு செய்து விட்டு கழுத்தை திருப்பி கைகளை எடுத்து இயல்பு நிலைக்குத் திரும்பி உடலை தளர்த்துங்கள்.
பயன்கள்
- இந்த ஆசனம் உங்கள் கணையத்திற்கு மிகவும் நல்லது.
- கர்ப்ப காலத்தின் இரண்டாவது மற்றும் மூன்று மாதங்களில் கீழ் முதுகில் வலுவூட்ட பரத்வாஜாசனம் பயனுள்ளதாக இருக்கும். செரிமானத்தையும் மேம்படுத்துகிறது.
மேலும் படிங்கவாழ்க்கை தரத்தை மேம்படுத்தும் ஆனந்த பாலாசனம்
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation