குழந்தைகளின் மூளை செயல்திறனை அதிகரிக்கும் எட்டு சிறந்த உணவுகள்

ஒவ்வொரு பெற்றோரும் தங்களது குழந்தையின் ஆரோக்கியத்திற்கு சிறந்த உணவுகளை கொடுக்க வேண்டும் என விரும்புவர். அதிலும் குறிப்பாக அவர்களின் ஆரோக்கியம் மற்றும் வளர்ச்சி என வரும் போது சமரசம் காட்டுவதில்லை. குழந்தைகளின் ஆரோக்கியத்தில் மிகவும் கவனம் செலுத்தி உணவுகள் கொடுக்கும் பெற்றோர் அவர்களது மூளையின் செயல்பாட்டில் உணவின் தாக்கம் இருப்பதை உணவருவதில்லை. தொலைக்காட்சிகளில் வரும் விளம்பரங்களை பார்த்து குழந்தைகளுக்கு அவற்றை வாங்கி கொடுக்கின்றனர். ஆனால் சத்தான உணவுகளை மட்டுமே வழங்கி குழந்தைகளின் மூளைத்திறனை அதிகப்படுத்த இயலும்.

முட்டை

முட்டைகள் வெறும் புரத உணவு மட்டுமல்ல. கோலின், வைட்டமின் பி12, புரதம் மற்றும் செலினியம் நிறைந்த முட்டை மூளையின் ஆரோக்கியத்தை ஆதரிக்கிறது மற்றும் அறிவாற்றலை மேம்படுத்துகிறது. உங்கள் குழந்தையின் உணவு பழக்கத்தில் முட்டைகளைச் சேர்த்துக்கொள்வது ஆரோக்கியமான மூளையின் சிறந்த செயல்பாட்டிற்கு அடித்தளமிடும்.

பெர்ரி

பெர்ரி பழங்களை இயற்கையான சிறிய அதிசயங்கள் என குறிப்பிடலாம். பெர்ரி  பழங்களில் அந்தோசயினின்கள் நிரம்பியுள்ளன. இவை மூளைக்கு இரத்த ஓட்டத்தை ஊக்குவிக்கும் கலவைகள் ஆகும். ராஸ்பெர்ரி மற்றும் ஸ்ட்ராபெர்ரிகள் அறிவாற்றலை மேம்படுத்த உதவுகின்றன.

கடல் உணவு

ஒமேகா 3 கொழுப்புகள், அயோடின் மற்றும் துத்தநாகம், மூளையின் செயல்பாட்டிற்கு தேவையான அனைத்து ஊட்டச்சத்துக்களும் மீன்களில் இருக்கின்றன. குறிப்பாக ஒமேகா -3 மூளையின் செயல்திறனை அதிகரிப்பதில் முக்கிய பங்கு வகிக்கிறது.

பச்சை இலை காய்கறிகள்

Popeye என்ற பிரபலமான கார்டூன் கதாபாத்திரம் கீரையை சாப்பிட்டவுடன் வலிமையாவது போல நீங்களும் உங்கள் குழந்தையின் மூளை செயல்பாட்டை அதிகரிக்க பச்சை இலை காய்கறிகளை கொடுக்கலாம். பச்சை இலை காய்கறிகளில் வைட்டமின்கள் மற்றும் ஆக்ஸிஜனேற்றங்கள் நிறைந்துள்ளன. இவை மூளையை ஆரோக்கியமாக வைத்திருக்கின்றன.

மேலும் படிங்க புரதச்சத்து குறைபாடா ? நீங்கள் சாப்பிட வேண்டிய சைவ, அசைவ உணவுகள்

சாக்லேட்

குழந்தைகளுக்கு அதிக சாக்லேட் கொடுப்பது தவறு என்று யார் சொன்னது? கோகோ பயன்படுத்தி தயாரிக்கப்படும் டார்க் சாக்லேட்டில் ஃபிளாவனாய்டுகள் உள்ளன. இவை மூளைக்கான இரத்த ஓட்டத்தை ஊக்குவிக்கின்றன. மேலும்  நினைவாற்றல் மற்றும் கற்றல் திறனை மேம்படுத்துகின்றன.

ஆரஞ்சு

சிட்ரஸ் பழங்கள் எப்போதுமே உடலுக்கு நன்மை பயக்கக்கூடியது. தினமும் காலையில் குழந்தைகளுக்கு சிட்ரஸ் பழங்கள் கொடுங்கள். குறிப்பாக ஆரஞ்சுகளில் ஃபிளாவனாய்டுகள் நிறைந்துள்ளன.

தயிர்

புரோபயாடிக் நிறைந்த தயிர் குடல் ஆரோக்கியத்தை ஆதரிக்கிறது. இது மூளையின் செயல்பாட்டுடன் இணைக்கப்பட்டுள்ளது. எனவே உங்கள் குழந்தையின் உணவில் தயிரை சேர்த்து மூளையின் செயல்திறனை மேம்படுத்தலாம்.

இரும்புச்சத்து நிறைந்த உணவுகள்

இறைச்சி, பீன்ஸ் மற்றும் தானியங்கள் இரும்பின் சிறந்த ஆதாரங்கள் ஆகும். இவை மூளையின் செயல்பாட்டிற்கு இன்றியமையாத ஊட்டச்சத்தை தருகின்றன. உங்கள் குழந்தைக்கு போதுமான இரும்புச்சத்து கிடைப்பதை உறுதிசெய்வது அவர்களை எங்கும் வெற்றிபெறச் செய்யுங்கள்.

மேலும் படிங்க நீண்ட ஆயுளுக்கு உட்கொள்ள வேண்டிய நார்ச்சத்து உணவுகள்

நட்ஸ்

சிற்றுண்டி நேரத்தில் ஆரோக்கியமான கொழுப்புகள், வைட்டமின் ஈ மற்றும் ஆக்ஸிஜனேற்றங்களால் நிரம்பியுள்ள பாதாம், ஆளிவிதைகள் மற்றும் சியா விதைகளை கொடுங்கள். இவை அனைத்தும் மூளையின் செயல்பாட்டை ஆதரிக்கின்றன.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.