ஆந்திரா ஸ்டைலில் காரசாரமான முட்டை பூண்டு மசாலா! டேஸ்டே தனி...

முட்டை பூண்டு மசாலா செய்யத் தேவையானவை

• முட்டை
• பூண்டு
• சீரகம்
• நல்லெண்ணெய்
• மிளகாய் தூள்
• மஞ்சள் தூள்
• பெரிய வெங்காயம்
• கடுகு
• உப்பு
• கொத்தமல்லி

முட்டை பூண்டு மசாலா செய்முறை

• குடும்பத்தில் ஐந்து நபர்களுக்கு தலா இரண்டு முட்டை என கணக்கிட்டு 10 முட்டையை தண்ணீரில் போட்டு கொஞ்சம் உப்பு சேர்த்து மிதமான தீயில் 8-10 நிமிடங்களுக்கு அவித்திடுங்கள்.
• 25 பல் பூண்டு உரித்து அம்மியில் போட்டு அரைக்கவும். இதனுடன் ஒரு டீஸ்பூன் சீரகம் மற்றும்நான்கு டீஸ்பூன் மிளகாய் தூள் சேர்த்து நன்கு இடித்து அரைக்கவும்.
• அடுத்ததாக கால் டீஸ்பூன் மஞ்சள் மற்றும் உப்பு சேர்த்து அரைக்கவும். பூண்டு பயன்பாட்டில் தயக்கம் காட்டாதீர்கள். பூண்டு உடலுக்கு மிகவும் நல்லது. இதை அப்படியே வைக்கவும்.
• கடாயில் ஆறு ஸ்பூன் நல்லெண்ணெய் ஊற்றி அரை டீஸ்பூன் கடுகு போடுங்கள். கடுகு வெடித்தவுடன் ஒரு டீஸ்பூன் சீரகம் மற்றும் தேவையான அளவு கறிவேப்பில்லை போட்டு வறுக்கவும்.
• இதன்பிறகு மூன்று பெரிய சைஸ் வெங்காயத்தை பொடிதாக நறுக்கி கடாயில் சேர்க்கவும். கொஞ்சம் உப்பு போட்டு வதக்குங்கள்.
• வெங்காயம் நன்கு வதங்கிய பிறகு அம்மியில் அரைத்த பூண்டு மசாலா மற்றும் கால் டீஸ்பூன் மஞ்சள் தூள் போட்டு மிக்ஸ் செய்யவும்.
• இரண்டு நிமிடங்கள் வதக்கிய பிறகு வேக வைத்த முட்டைகளின் தோல் உரித்து கடாயில் போட்டு பூண்டு மசாலாவுடன் நன்கு கலக்கவும்.
• 100 விநாடிகள் கழித்து அடுப்பில் இருந்து இறக்கிவிடுங்கள். விரும்பினால் கொத்தமல்லி சேர்க்கலாம்.
• இதை அப்படியே வெள்ளை சாதத்தில் பிரட்டி சாப்பிடுங்கள். முட்டை பூண்டு மசாலாவின் சுவையில் மெய்மறந்து விடுவீர்கள்.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.