Paneer Corn Kebab recipe : குழந்தைகளுக்கு பிடித்தமான பன்னீர் கபாப் செய்முறை

ஆரோக்கியம் நிறைந்த உணவு செய்முறையில் நாம் அடுத்ததாக பார்க்கப் போவது பன்னீர் கபாப். பன்னீர் மட்டுமல்ல சத்து நிறைந்த சோளம், உருளைக்கிழங்கு ஆகியவற்றை சேர்த்து தயாரிக்க போகிறோம். இது குழந்தைகளுக்கு மிகவும் பிடிக்கும். ஒரு மணி நேரத்தில் இந்த பன்னீர் கபாப்-ஐ தயாரிக்கலாம். பூண்டு சாஸுடன் தொட்டு சாப்பிட இந்த கபாப் அருமையாக இருக்கும். மாலை நேரத்தில் சாப்பிடுவதற்கு இது அற்புத ஸ்நாக் அகும்.

பன்னீர் கபாப் செய்யத் தேவையானவை

• உரைந்த சோளம்
• கார்ன் பிளேக்ஸ்
• வெங்காயம்
• குடை மிளகாய்
• கேரட்
• உருளைக்கிழங்கு
• பன்னீர்
• மிளகு தூள்
• மிளகாய் தூள்
• உப்பு
• பச்சை மிளகாய்
• பூண்டு
• மைதா
• சோள மாவு
• தண்ணீர்
• சில்லி பிளேக்ஸ்

கவனம் கொள்க

முதலில் 300 கிராம் உறைந்த சோளத்தை மிக்ஸியில் போட்டு அரைக்கவும். பேஸ்ட் போல் மாறிவிடக் கூடாது. இதே போல் 150 கிராம் கார்ன் பிளேக்ஸ்-ஐ மிக்ஸியில் போட்டு பவுடராக்கி தனியாக வைத்துக் கொள்ளவும்.

மேலும் படிங்கமும்பை ஸ்ட்ரீட் ஸ்டைல் ரகதா பாட்டிஸ் செய்முறை

பன்னீர் கபாப் செய்முறை

• அரைத்த உறைந்த சோளத்துடன் மீடியம் சைஸ் வெங்காயத்தை நறுக்கி போடவும், இதனுடன் பாதி குடை மிளகாய் மற்றும் ஒரு கேரட்டை பொடிதாக நறுக்கி சேர்க்கவும்
• இதன் பிறகு பொடிதாக்கிய முந்திரி பருப்பு, துருவிய 200 கிராம் பன்னீர், வேக வைத்த 100 கிராம் உருளைக்கிழங்கு சேர்க்கவும்
• இவற்றுடன் தேவையான அளவு உப்பு, கொஞ்சம் மிளகு தூள், கொஞ்சம் மிளகாய் தூள், இரண்டு பச்சை மிளகாயை நறுக்கி போடவும். தேவையான அளவு கொத்தமல்லியும் சேருங்கள்.
• ஸ்பூன் பயன்படுத்தி அனைத்தையும் நன்றாக மிக்ஸ் செய்யுங்கள்.
• இதை 40 கிராம் அளவிற்கு சிறு சிறு உருண்டை பிடித்து கெட்டியாக்கவும்.
• இதன் பின்னர் ஒரு பாத்திரத்தில் எட்டு ஸ்பூன் மைதா மாவு, ஐந்து ஸ்பூன் கார்ன் பிளவர், கொஞ்சம் உப்பு போட்டு தோசை மாவு போல தண்ணீர் ஊற்றி மாவை தயார் செய்யவும்.
• இதை மாவில் முக்கி எடுத்து அரைத்து பவுடராக்கிய கார்ன் பிளேக்ஸில் வைத்து கோட்டிங் செய்யவும்.
• தற்போது கடாயில் எண்ணெய் ஊற்றி அது சூடான பிறகு உருண்டை பிடித்த பன்னீர் கபாப்-ஐ தட்டையாக்கி எண்ணெய்-ல் செலுத்தி பொன்னிறத்திற்கு வறுக்கவும்.
• இது உள்ளே மென்மையாகவும், வெளியே மொறுமொறுப்பாகவும் இருக்கும்.
• எண்ணெய் அதிமாக பயன்படுத்துவது போல் தெரிந்தால் தோசைக்கல்-ல் கிரில் செய்யலாம். ஆனால் எண்ணெய்யில் வறுப்பதே சுவையாக இருக்கும். பன்னீர் கபாப் ரெடி...
• தற்போது பூண்டு சாஸ் தயாரிக்கலாம். கடாயில் ஐந்து ஸ்பூன் கடலெண்ணெய் ஊற்றி, மூன்று ஸ்பூன் நறுக்கிய பூண்டு சேர்த்து குறைந்த தீயில் வதக்கவும்.
• பச்சை வாடை போவதற்கு இரண்டு நிமிடங்கள் ஆகும். இதனுடன் 50 கிராம் சர்க்கரை, 150 மில்லி லிட்டர் தண்ணீர் சேர்க்கவும். கொஞ்சம் நேரத்திற்கு கிளறிகொண்டே இருக்கவும்.
• இந்த சமயத்தில் கால் ஸ்பூன் மிளகாய் தூள், கால் ஸ்பூன் மிளகு தூள், ஒரு டீஸ்பூன் சில்லி பிளேக்ஸ், உப்பு சேர்த்து மிக்ஸ் செய்யவும். ஐந்தே நிமிடங்களில் சாஸ் தயாராகி விடும்.

இப்போது பூண்டு சாஸுடன் பன்னீர் கபாப்-ஐ தொட்டு சாப்பிடவும்.