Sanitary Pads Dispose: சானிட்டரி பேட்களை அப்புறப்படுத்த சரியான வழிகள்

சானிட்டரி பேட்கள் சுற்றுச்சூழலுக்கு எவ்வளவு கேடு விளைவிக்கிறது என்பதை நாம் அனைவரும் அறிவோம். இருப்பினும் அடிக்கடி பயன்படுத்தப்படும் துணிகளுடன் ஒப்பிடும்போது அவை மாதவிடாய்க்கு மிகவும் வசதியானவை மற்றும் செலவு குறைந்தவை. சானிட்டரி பேட்கள், நாப்கின்கள், துணிப் பட்டைகள், மாதவிடாய் கோப்பைகள் எனப் பயன்படுத்தக்கூடிய பல பொருட்கள் உள்ளன.

ஆரோக்கியமான மாதவிடாய் பற்றி பேசுகிறீர்கள் என்றால், பீரியட் பேட்களை முறையாக அப்புறப்படுத்துவதும் முக்கியம். திறந்தவெளியில் சானிட்டரி பேட் எங்காவது தென்பட்டால் சுகாதாரக் கோளாறுகள் ஏற்படும்.

இந்த பதிவும் உதவலாம்: மார்பில் உள்ள முடியை அகற்ற சிம்பிள் வீட்டு வைத்தியம்!!

சானிட்டரி பேட்களை எரிப்பது சரியா?

சானிட்டரி பேட்களை எரிப்பது சிறந்த அப்புறப்படுத்தும் முறை என்று பலர் நினைக்கிறார்கள். ஆனால் இந்த முறை சுற்றுச்சூழலுக்கு ஏற்றதல்ல. சானிட்டரி பேட்களில் ஏராளமான நச்சு பிளாஸ்டிக் உள்ளதால் எரிக்கப்படும் போது தீங்கு விளைவிக்கும் புகைகளை வெளியிடுகின்றன. நீங்கள் துணி பட்டைகளை பயன்படுத்தினால் அவற்றை எரிக்கலாம், ஆனால் பிளாஸ்டிக் பேட்களை எரிப்பது நல்லது கிடையாது.

சானிட்டரி பேட்களை அப்புறப்படுத்த சரியான வழி

• இந்தியாவில் சானிட்டரி பேட்களை அகற்றும் முறையை மேம்படுத்த வேண்டிய அவசியம் உள்ளதால் அவற்றை குப்பைகள் மூலம் அகற்றுவதை மட்டுமே நாம் செய்ய முடியும்.

• முதலில் சானிட்டரி பேட்களை மடித்து கவர்களில் போட்டு அகற்றலாம். சானிட்டரி பேட்களை வாங்கு போதே அதற்கு தனிதனியாக கவர்கள் கொடுக்கப்பட்டு இருக்கும். அந்த கவர்களை பயன்படுத்தி வெளியேற்றலாம். நீங்கள் பேப்பரில் சுற்றப்பட்ட சானிட்டரி பேட்கள் தூக்கி எறியப்படும் போது பேப்பர் சரிவர மடிக்கவில்லை என்றால் மீண்டும் பேட்கள் வெளிப்படும் எனவே கவர்களில் போடுவது நல்லது.

மாதவிடாய் கோப்பையை கழுவுவதற்கான சரியான வழி

மீண்டும் பயன்படுத்தக்கூடிய பேட்கள் அல்லது மாதவிடாய் கோப்பைகளை அடிக்கடி கழுவ வேண்டும். அவற்றை சாதாரண சோப்பு மற்றும் தண்ணீரில் கழுவிய பின் அவற்றை ஒரு முறை வெதுவெதுப்பான நீரில் சுத்தம் செய்வது நல்லது. அத்தகைய சூழ்நிலையில் அதில் இருக்கும் பாக்டீரியாக்கள் முற்றிலும் அழிக்கப்படும். ஆனால் சில மாதவிடாய் கோப்பைகளை மிகவும் சூடான நீரில் சுத்தம் செய்ய முடியாது. அதுபோன்றா தயாரிப்பைப் பயன்படுத்துகிறீர்கள் என்றால் அதில் இருக்கும் விளக்க அட்டையில் கொடுக்கபட்டு இருக்கும் சுத்தம் செய்யும் நுட்பத்தைப் படியுங்கள். தொற்றுநோயைத் தவிர்க்க மீண்டும் பயன்படுத்தக்கூடிய மாதவிடாய் தயாரிப்புகளை சரியாக சுத்தம் செய்வது மிகவும் முக்கியம்.

இந்த பதிவும் உதவலாம்: பெண்கள் காலையில் இந்த 3 காரியங்களை செய்தால் 45 வயது வரை கூட முதுமை வராது

எங்களின் இந்த கட்டுரை உங்களுக்கு பிடித்திருந்தது என்று நம்புகிறேன். இந்த பதிவு பிறருக்கும் பயன்பெற இதனை பகிரவும், லைக் செய்யவும். மேலும் இது போன்ற கட்டுரைகளை படிக்க எங்கள் வலைத்தளமான Harzindagi உடன் தொடர்ந்து இணைந்திருங்கள்.

Image Credit: freepik