PCOS என்பது பொதுவாக பெண்களுக்கு ஏற்படும் ஹார்மோன் பிரச்சனையாகும். ஆண்ட்ரோஜன் எனும் ஹார்மோன் அதிகப்படியாக சுரக்கும் போது PCOS உண்டாகிறது. இது கருப்பைகளை விரிவுபடுத்தி அதன் வெளிப்புற விளிம்புகளில் சிறிய நீர் கட்டிகளை ஏற்படுத்துகிறது.
இவை இருதய பிரச்சனைகள், சர்க்கரை நோய், மனசோர்வு போன்ற பல கடுமையான உடல்நல பிரச்சனைகளுக்கு வழிவகுக்கின்றன. இந்நிலையில் ஆரோக்கியமான உணவு மற்றும் வாழ்க்கை முறை பழக்க வழக்கங்களின் மூலம் PCOS இன் அறிகுறிகளை சமாளிக்கலாம்.
ஒரு NIH ஆய்வின்படி, காஃபி போன்ற காஃபின் உள்ள பானங்களை குடிப்பது ஹார்மோனின் தன்மை மற்றும் ஈஸ்ட்ரோஜன் அளவுகளில் மாற்றங்களை ஏற்படுத்துவதாகத் தெரியவந்துள்ளது.
இதை பற்றி மேலும் தெரிந்துகொள்ள, மகப்பேறு மருத்துவர் ஜாக்ரிதி வர்ஷ்னி அவர்களிடம் பேசினோம். PCOS பிரச்சனையால் பாதிக்கப்பட்ட பெண்கள் மிதமாக காஃபி குடிக்கலாம். மேலும் எந்த உணவாக இருந்தாலும் அவர்கள் அளவோடு எடுத்துக் கொள்வது நல்லது என டாக்டர் வர்ஷினி அவர்கள் கூறுகிறார்.
பொதுவாக ஒரு நாளைக்கு ஐந்து கப் அல்லது அதற்கும் மேல் காஃபி குடிப்பது உங்கள் உடல் நலத்திற்கு தீங்கு விளைவிக்கலாம். தினசரி காஃபி குடிப்பதை வழக்கமாக கொண்டவர்கள் அதை மாற்றிக் கொள்ள வேண்டிய அவசியம் இல்லை. இருப்பினும் அதை அளவோடு எடுத்துக் கொள்வதை உறுதி செய்து கொள்ளுங்கள்.
PCOS பிரச்சனையால் பாதிக்கப்பட்டவர்களுக்கு ஆன்டி ஆக்ஸிடன்ட் மற்றும் அழற்சி எதிர்ப்பு பண்புகள் உடைய உணவுகள் பரிந்துரை செய்யப்படுகிறது.
PCOS பிரச்சனையை சமாளிக்க பின்வரும் வாழ்க்கை முறை மாற்றங்களை பின்பற்றங்கள்
வாரத்திற்கு குறைந்தது 150 நிமிடங்களாவது உடற்பயிற்சி செய்ய நிபுணர்கள் அறிவுறுத்துகிறார்கள். தினசரி உடற்பயிற்சி செய்வது PCOS பிரச்சனையை எதிர்கொள்வதில் நன்மை பயக்கிறது. இது வலிமையான தசையை உருவாக்கி, கலோரிகளை கரைக்க உதவுகிறது. இவ்விரண்டும் உடலில் இன்சுலின் எதிர்ப்பைக் குறைக்க உதவுகின்றன.
நார்ச்சத்து நிறைந்த உணவுகள் PCOS பிரச்சனையால் பாதிக்கப்பட்டவர்களுக்கு நன்மை பயக்கின்றன. இது செரிமானத்தை தாமதப்படுத்தி, இரத்தத்தில் சர்க்கரையின் தாக்கத்தைக் குறைப்பதன் மூலம் இன்சுலின் எதிர்ப்பை எதிர்த்துப் போராட உதவுகிறது. இதற்கு பச்சை இலை காய்கறிகள், பருப்பு வகைகள், பாதாம், பீன்ஸ் போன்ற நார்ச்சத்து நிறைந்த உணவுகளை சாப்பிடலாம்.
உடலுக்கு தேவையான அளவு தண்ணீர் குடிக்கும் போது, அது உட்புற உடலை சுத்தப்படுத்தி நச்சுத்தன்மையை அகற்ற உதவுகிறது எனவே தினமும் மூன்று முதல் நான்கு லிட்டர் வரை தண்ணீர் குடிப்பதை உறுதி செய்து கொள்ளுங்கள்
இந்த பதிவும் உதவலாம்: 14 நாட்களுக்கு சர்க்கரையை தவிர்ப்பதால் உடலில் ஏற்படும் மாற்றங்கள்
உடல் சமநிலையின்மைக்கு மன அழுத்தமும் ஒரு காரணமாக இருக்கலாம். மன அழுத்தத்தினால் உடல் எடையும் அதிகரிக்கலாம். இதை தவிர்த்திட தியானம் செய்வதை உங்கள் அன்றாட வழக்கத்தில் சேர்த்துக் கொள்ளலாம். இந்த வாழ்க்கை முறை மாற்றத்தின் மூலம் PCOS இன் அறிகுறிகளை சமாளிக்கலாம்.
ஒரு நாளைக்கு குறைந்தது 6 மணி நேரம் முதல் 8 மணி நேரம் வரை தூங்குவது நல்லது. முறையற்ற தூக்கத்தால் எரிச்சல் மற்றும் மனநிலை மாற்றங்கள் ஏற்படலாம். மனதையும் உடலையும் ரிலாக்ஸ் செய்து கொள்ள நல்ல தூக்கம் அவசியம்.
இந்த பதிவும் உதவலாம்:மாதவிடாய் நாட்களில் பெண்கள் செய்யக்கூடாத விஷயங்கள்
இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.
Image source:freepik
Herzindagi video
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். [email protected]