Chickpeas for Weight Loss in Tamil: கொண்டைக்கடலை போதும் நம் உடல் எடையைக் குறைக்க!

உடல் எடை குறைய எவற்றை எல்லாம் சாப்பிடக் கூடாது என்று யாரிடமாவது கேட்டால், அவர்கள் ஒரு பெரிய பட்டியலையே நமக்குக் கொடுப்பார்கள். எவற்றை எல்லாம் சாப்பிட வேண்டும் என்று கேட்டால், ஒரு சில விருப்பப்படாத உணவு வகைகளைச் சொல்வார்கள். ஆனால் உடல் எடை குறைக்க விருப்பமில்லாத உணவுகளைத் தான் சாப்பிட வேண்டும் என்று அவசியமில்லை. ஊட்டச்சத்து நிறைந்த சில உணவு வகைகளும் உடல் எடையைக் குறைக்கும் வேலையைச் செய்கிறது. அப்படி ஒரு உணவுப் பொருள் தான் கொண்டைக்கடலை.

உங்கள் உடல் எடை குறைப்பு பயணத்தில் கொண்டைக்கடலை எவ்வளவு முக்கிய பங்கு வகிக்கிறது தெரியுமா?

உடல் எடை குறைப்பு நிபுணர், டாக்டர் ஸ்நேஹல் அல்சூல் தனது இன்ஸ்டாகிராம் பக்கத்தில் உடல் எடை குறைப்பு சம்பந்தப்பட்ட குறிப்புகள் மற்றும் உணவு செய்முறையைப் பகிர்கிறார். அவர் கொண்டைக்கடலையைச் சிற்றுண்டியாக எடுக்கப் பரிந்துரைக்கிறார். அவர் தனது பக்கத்தில், 'இது ஒரு உகந்த சிற்றுண்டி, இதை நீங்கள் மசாலாக்கள் சேர்த்துச் சாப்பிடலாம். குளிர் காலத்தில் பசிக்கும் நேரத்தில், இதைச் சிற்றுண்டியாகச் செய்து சாப்பிட உடல் எடை குறையும். இந்த கட்டுரையை முழுமையாகப் படிக்க கொண்டைக்கடலையை எப்படி நம் உடல் எடையைக் குறைக்கிறது, அதை உணவில் எப்படிச் சேர்த்துக் கொள்ளுவது என்பது புரியும்.

இதுவும் உதவலாம்: உடல் எடையை குறைக்க நினைப்பவர்கள் கட்டாயம் தெரிந்து கொள்ள வேண்டிய விஷயங்கள்

கொண்டைக்கடலையை அடிக்கடி உட்கொள்ளுபவர்களில் 53% பேர் உடல் எடை கச்சிதமாகவும், சரியான உடல் ஆரோக்கியத்துடன் இருப்பதாக ஒரு எடை குறைப்பு ஆய்வு கூறுகிறது. தொடர்ந்து கொண்டைக்கடலையை உட்கொள்ளுபவர்களுக்கு 25% உடல் எடை சீராகக் குறைக்கிறது என்று மற்றொரு ஆய்வு கூறுகிறது.

தினமும் கொண்டைக்கடலையை உட்கொள்வது சரியா ?

உணவில் கொண்டைக்கடலை சேர்ப்பது மிகவும் நல்லது. மேற்கண்டபடி கொண்டைக்கடலை புரதச்சத்து நிறைந்தது, அது எடை குறைப்பில் முக்கிய பங்கு வகிக்கிறது. மேலும் தசை வளர்ச்சிக்கும் புரதச்சத்து மிகவும் தேவையானது. கொண்டைக்கடலையில் இருக்கும் நார்ச்சத்து நீண்ட நேரம் நமக்குப் பசி எடுக்காமல் வைக்கிறது. செரிமான தன்மையை அதிகரிக்கிறது. உங்களுடைய கொலஸ்ட்ரால் அளவை சீராக வைக்க இது உதவுகிறது.

கொண்டைக்கடலை எவ்வளவுக்கு எவ்வளவு நல்லதோ, அதே அளவு தீங்கு நிறைந்ததும் கூட. தினமும் தவறாமல் இதை உண்பது ஆரோக்கியம் ஆனது அல்ல. அதிகப்படியாக இதில் இருக்கும் புரதச்சத்து மற்றும் நார்ச்சத்து செரிமான தன்மையைப் பாதித்து வாய்வு, வயிறு உப்புசம், வயிற்றுப் புண் ஆகியவற்றை உண்டாக்கும்.

கொண்டைக்கடலையைச் சாப்பிடச் சரியான நேரம் எது?

நாம் நாள் முழுவதும் சாப்பிடக் கூடிய சிற்றுண்டியாக கொண்டைக்கடலை ஆகிவிட்டது. மாலை நேரத்தில் பசி எடுக்கும் போது 1 கப் கொண்டைக்கடலை உணவில் சேர்த்துக் கொள்ளலாம். சில நேரங்களில் இரவு உணவு சாப்பிட்டால் வயிறு நிறைந்து திணறி விடும். அந்த சமயத்தில் அரை கப் கொண்டைகடலை பசியைத் தணிக்க போதுமானது.

உணவில் எப்படிச் சேர்ப்பது?

இதை உணவில் பல வகைகளில் சேர்க்கலாம். நீங்கள் இதில் ஹம்மூஸ் செய்து சாப்பிடலாம் அல்லது இதை வேக வைத்துச் சாப்பிடலாம். டாக்டர் ஸ்நேஹல் பரிந்துரைத்தபடி இதை வறுத்துச் சாப்பிடலாம். இதைச் சிற்றுண்டியாக சாப்பிட ஒரு சிறந்த வழி இருக்கிறது.

தேவையான பொருட்கள்

• 1 கப் வேக வைத்த கொண்டைக்கடலை

• 1/2 கப் சிகப்பு மிளகாய்த் தூள்

• 1/2 கப் சாட் மசால

• 1/2 கப் கரம் மசாலா

• 1/2 கப் சீரக தூள்

• 1 தேக்கரண்டி ஆலிவ் எண்ணெய்

செய்முறை

• முதலில் கொண்டைக்கடலையை வேக வைத்து, நீரை வடிகட்டி இன்னொரு பாத்திரத்திற்கு மாற்றி கொள்ளுங்கள்

• இப்போது எல்லா பொருட்களும் சேர்த்துக் கலந்து விடவும்

• கலந்த பின், பேக்கிங் ட்ரேயில் வைத்து 400 டிகிரி F ல் 20-30 நிமிடங்கள் வைக்கவும்

• அந்த ஷீட்டை ஒவ்வொரு 10 நிமிடத்திற்கும் கலந்து விட்டுக் கொண்டே இருக்கவும். கொண்டைக்கடலை நன்கு வறுபட்ட பிறகு சாப்பிடலாம். இல்லையென்றால் நீங்கள் வேக வைத்து மசாலாக்கள் சேர்த்தும் சாப்பிடலாம்

• கொண்டைக்கடலையைச் சாப்பிட உடல் எடை அதிகரிக்கும் என்ற அச்சம் இப்போது வரை உங்களுக்கு இருந்திருந்தால், இந்த கட்டுரையைப் படித்த பிறகு அந்த அச்சம் நீங்கி விடும் என்று நம்புகிறோம். இனி நீங்களும் உங்கள் உணவுப் பழக்கத்தில் கொண்டைக்கடலை உட்கொண்டு உடல் எடையைக் குறைக்கலாம்.

இந்தப் பதிவு உங்களுக்குப் பிடித்திருந்தால் லைக் செய்து, பகிருங்கள். மேலும் இது போன்ற தகவல்களுக்கு, ஹெர்ஷிந்தகி தமிழ் பக்கத்தோடு தொடர்ந்து இணைந்திருங்கள்.