Yam Benefits : புற்றுநோயை தடுப்பது முதல் எடை இழப்பு வரை சேனைக்கிழங்கில் இவ்வளவு நன்மைகளா!

உருளைக்கிழங்கு பிடிக்காதவர்களுக்கு கூட இந்த சேனைக்கிழங்கு மிகவும் பிடிக்கும். நான் வெஜ் உணவுக்கு நிகரான சுவையுடைய இந்த சேனைக்கிழங்கில் ஏராளமான மருத்துவ பண்புகள் நிறைந்துள்ளன. இதை சுத்தம் செய்யும் பொழுது, கைகளில் அரிப்பு ஏற்படும் என்பதால் பலரும் இந்த காய்கறி சமைப்பதை தவிர்க்கின்றனர். கைகளில் தேங்காய் எண்ணெயை தாராளமாக தடவிக் கொண்டு கிழங்கை நறுக்கினால் அரிப்பை தடுக்கலாம். மேலும் சேனைக்கிழங்கு முழுவதுமாக சுத்தம் செய்து முடிக்கும் வரை தண்ணீரில் கை வைக்காமல் இருந்தால் அரிப்பு பரவாமல் இருக்கும்.

சுவை நிறைந்த இந்த சேனைக்கிழங்கை சாப்பிடுவதால் ஏராளமான நன்மைகளை பெற முடியும். மூளையின் செயல்பாட்டை மேம்படுத்துவது முதல் புற்றுநோயை தடுப்பது வரை சேனைக்கிழங்கு தரும் ஆரோக்கிய நன்மைகளை இன்றைய பதிவில் காணலாம்…

இந்த பதிவும் உதவலாம்: உடலுக்கு பல அபார நன்மைகளை தரும் பலாக்கொட்டை!

மூளை செயல்பாடு

ஆய்வுகளின் படி சேனைக்கிழங்கில் உள்ள சேர்மங்கள் நினைவாற்றல் மற்றும் மூளையின் செயல்பாடுகளை மேம்படுத்துவதாக தெரியவந்துள்ளது.

ஊட்டச்சத்துக்கள்

சேனைக்கிழங்கில் நார்ச்சத்து, தாதுக்கள் மற்றும் வைட்டமின்கள் அதிக அளவில் உள்ளன. இதைத்தவிர இதில் வைட்டமின் C, தாமிரம், பொட்டாசியம் மற்றும் மாங்கனீஸ் போன்ற உடலுக்கு அத்தியாவசியமான பல ஊட்டச்சத்துக்களும் உள்ளன.

மெனோபாஸ்

மெனோபாஸ் அறிகுறிகளை சமாளிக்க சேனைக்கிழங்கு சாப்பிடலாம். ஒரு ஆய்வின்படி மாதவிடாய் நின்ற 24 பெண்களுக்கு ஒரு நாளைக்கு இரண்டு வேளை அரிசி உணவிற்கு பதிலாக சேனைக்கிழங்கு உணவாக கொடுக்கப்பட்டது. இதன் விளைவாக அவர்களின் இரத்தத்தில் ஈஸ்ட்ரோஜன் அளவு 26 சதவீதம் அதிகரித்தது. பொதுவாக மெனோபாஸ் காலகட்டத்தில் குறையும் இந்த ஹார்மோன்கள், சேனைக்கிழங்கை எடுத்துக் கொள்ளும் பொழுது அதிகரித்து காணப்பட்டன. இது மெனோபாஸ் காலகட்டத்தில் இருக்கும் பெண்களுக்கும், மாதவிடாய் நின்ற பெண்களுக்கும் அதிக நன்மைகளை தரும்.

செரிமானம்

சேனைக்கிழங்கு குறித்து மேற்கொள்ளப்பட்ட ஆய்வின்படி, இது செரிமான என்சைங்களின் உற்பத்தியை அதிகரிக்கிறது. இதனால் செரிமானம் எளிதாகும். மேலும் இதன் விளைவாக குடலில் நல்ல பாக்டீரியாக்களின் வளர்ச்சியும் அதிகரிக்கும்.

புற்றுநோயை எதிர்க்கும்

இதில் உள்ள ஆன்டி ஆக்ஸிடன்ட்கள் புற்றுநோய் எதிர்ப்பு பண்புகளை கொண்டுள்ளன. இருப்பினும் இதை உறுதிப்படுத்த மேலும் சில ஆய்வுகள் தேவைப்படுகின்றன.

எடை இழப்புக்கு உதவும்

சேனைக்கிழங்கை சாப்பிடுவது பசி உணர்வை கட்டுப்படுத்தி எடை இழப்புக்கு உதவுகிறது. இதை சாப்பிடும் பொழுது நீங்கள் நீண்ட நேரத்திற்கு நிறைவாக உணர்வீர்கள்.

சேனைக்கிழங்கு எடுத்துக் கொள்ளும் முறை

• சேனைக்கிழங்கை சிறிய துண்டுகளாக நறுக்கி வறுவல் அல்லது பொரியல் செய்து சாப்பிடலாம்.

• சேனைக்கிழங்கு சமைக்கும் பொழுது சிறிதளவு புளி சேர்த்துக் கொண்டால் அரிப்பு ஏற்படாது.

• கட்லெட் செய்யும் பொழுது உருளைக்கிழங்கிற்கு பதிலாக சேனைக்கிழங்கை பயன்படுத்தலாம்.

• அதிக எண்ணெய் சேர்த்து சமைக்க விருப்பம் இல்லாதவர்கள் இதை பேக் செய்தும் சாப்பிடலாம்.

இந்த பதிவும் உதவலாம்: 30 நாட்களுக்கு இதை செய்து பாருங்கள், உடல் எடையை விரைவில் குறைக்கலாம்!

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik