Weight Loss Herb : உடல் எடை வேகமாக குறைய, இந்த ஒரு ஆயுர்வேத மூலிகை போதும்!

உடல் எடையை குறைக்கும் பொழுது என்ன செய்யக்கூடாது?

ஜிம்மில் மணிக்கணக்கில் வியர்வை சிந்தி உடற்பயிற்சி செய்வது முதல் உணவு கட்டுப்பாடு வரை என்ன செய்வதென்று தெரியாமல் குழம்பி தவிக்கிறீர்களா?

பல முயற்சிகள் செய்தும் உடல் எடை குறையாமல் இருந்தால் கவலைப்படாதீர்கள். இன்றைய பதிவில் ஆயுர்வேத நிபுணரான டாக்டர் ஷில்பி அவர்கள் உடல் எடையை குறைக்க உதவும் ஒரு அற்புத மூலிகை பற்றி நம்முடன் பகிர்ந்து உள்ளார்.

கடுக்காயின் உதவியுடன் உங்கள் உடல் எடையை எளிதாக குறைக்க முடியும். இயற்கையான முறையில் உடல் எடையை குறைக்க விரும்புபவர்கள் கடுக்காயை எடுத்துக் கொள்ளலாம். இது குடலை நன்கு சுத்தம் செய்வதால் வாயு போன்ற வயிறு சார்ந்த பிரச்சனைகளையும் சரி செய்ய முடியும். கடுக்காய் வயிற்றை முறையாக சுத்தம் செய்வதன் மூலம் உடல் எடையை வேகமாக குறைக்க உதவுகிறது. இதில் கவனிக்கப்பட வேண்டிய விஷயம் என்னவென்றால் கடுக்காய் ஒரு ஆயுர்வேத மூலிகை என்பதால் இது உடலுக்கு எந்த தீங்கையும் ஏற்படுத்தாது

இந்த பதிவும் உதவலாம்: முடி வளர்வதை விட அதிகமாக உதிர்கிறதா? ஆயுர்வேதம் சொல்லும் காரணங்கள்!

எடை இழப்புக்கு கடுக்காய்

திரிபலா சூரணத்தில் பயன்படுத்தப்படும் மூன்று பொருட்களில் கடுக்காயும் ஒன்று. இதில் உள்ள மருத்துவ பண்புகள் பல உடல் நல பிரச்சனைகளை குணப்படுத்துகின்றன. நிபுணரின் கருத்துப்படி கடுக்காய் வயிற்றை சுத்தம் செய்து செரிமானத்தை மேம்படுத்துகிறது. இது உடலில் உள்ள அனைத்து தோஷங்களையும் சமநிலைப்படுத்தி ஊட்டச்சத்து உறிஞ்சிதலை மேம்படுத்துகிறது. இந்த மூலிகை உங்கள் உடலில் உள்ள நச்சுக்களை நீக்கி எடை இழப்புக்கு உதவுகிறது.

மலச்சிக்கலால் அவதிப்படுபவர்களுக்கு கடுக்காய் ஒரு வரப்பிரசாதம் என்று சொல்லலாம். இது செரிமான திறனை மேம்படுத்தி வயிறு சார்ந்த பிரச்சனைகளை நீக்குகிறது. கடுக்காய் உடம்பில் உள்ள கெட்ட கொழுப்புகளின் அளவை குறைக்க உதவுவதாக ஆய்வுகள் மூலமாக தெரிய வந்துள்ளது.

கடுக்காய் பயன்படுத்தும் முறை

• நல்ல தரமான கடுக்காய் பொடியை நாட்டு மருந்து கடையிலிருந்து வாங்கிக் கொள்ளவும்

• உடல் எடையை குறைக்க தினமும் ஒரு டீஸ்பூன் கடுக்காய் பொடியை வெதுவெதுப்பான நீரல் கலந்து குடிக்க வேண்டும்.

• நீங்கள் விரும்பினால் தேன் சேர்த்துக் கொள்ளலாம்.

கடுக்காயின் மற்ற நன்மைகள்

• கடுக்காய் மூன்று தோஷங்களையும் சமநிலைப்படுத்துகிறது.

• இது வீக்கம் மற்றும் வலியை குறைக்கும் பண்புகளை கொண்டுள்ளது.

• நரம்பு மண்டலம் மற்றும் கண்களுக்கு மிகவும் நல்லது.

• இது கல்லீரலில் செயல்பாட்டை தூண்டுகிறது மற்றும் செரிமான மண்டலத்தை சீராக்குகிறது.

இந்த பதிவும் உதவலாம்: பல் துலக்கும்போது நாக்கையும் சுத்தம் செய்ய வேண்டியது அவசியமா?

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik