Amla Juice Benefits: பெண்களின் ஆரோக்கியத்திற்கு உதவும் நெல்லிக்காய் ஜூஸ்!

குளிர்காலம் வந்தாலே நோய் எதிர்ப்பு சக்தி குறைவதோடு, நம்முடனே பல வைரஸ் தொற்றுகளும் உடன் சேர்ந்துவிடும். குறிப்பாக அயராது உழைக்கும் பெண்களுக்கு வைரஸ் தொற்று ஏதேனும் ஏற்பட்டால் வீட்டின் நிலைமை அப்படியே தலைகீழாக மாறிவிடும்..அனைத்து வேலைகளும் அப்படி அப்படியே நின்றுவிடும். இதனால் தான் பெண்கள எப்போதுமே தங்களின் உடல் நலத்தில் அக்கறையுடன் இருக்க வேண்டும் என்று முன்னோர்கள் கூறுவார்கள். இன்றைக்கு பெண்களின் உடல் நலத்திற்குப் பலன் தரக்கூடிய நெல்லிக்காய் ஜூஸின் அற்புத குணங்கள் குறித்து இங்கே அறிந்துக் கொள்வோம்.

நெல்லியில் உள்ள மருத்துவக்குணங்கள்:

• ஆம்லா எனப்படும் நெல்லிக்காயில் வைட்டமின் சி அதிகளவில் உள்ளது. இது உடலின் நோய் எதிர்ப்பு சக்தியை அதிகரிப்பதோடு பல வைரஸ் தொற்றுகள் ஏற்படுவதையும் தடுக்கிறது. ஆய்வுகளின் படி, குளிர்காலத்திலும் நீங்கள் நெல்லிக்காயை சாப்பிடலாம். இது ஜலதோசம், சளி போன்ற பிரச்சனைகளிலிருந்து தீர்வாக அமைகிறது.
• இதோடு பெண்களுக்கு பெண்களின் முடி வளர்ச்சிக்கும், சரும பராமரிப்பிற்கும் நெல்லிக்காய் மிகுந்த பயனுள்ளதாக உள்ளது.
• நெல்லியில் வைட்டமின் சி அதிகளவில் உள்ளதால் மலச்சிக்கல் பிரச்சனைக்கும் தீர்வாக அமைகிறது.

இதுப்போன்று பல்வேறு பண்புகளை நெல்லிக்காய் கொண்டுள்ள நிலையில், வீடுகளிலேயே நெல்லிக்காய் ஜூஸ்ஸை நாம் எளிதில் தயார் செய்துவிடமுடியும். இதோ அதற்கான செய்முறை இங்கே.

நெல்லிக்காய் ஜூஸ் செய்முறை:

முதலில் நெல்லிக்காயை சிறிய சிறிய துண்டுகளாக நறுக்கிக்கொள்ளவும்.

பின்னர் மிக்ஸியில் வெட்டிய ஆம்லா அதாவது நெல்லி, தேன், உப்பு மற்றும் எலுமிச்சை சாறு சேர்த்து அரைக்கவும்.

இறுதியில் அரைத்த எலுமிச்சை சாற்றை ஒரு டம்ளரில் வடிகட்டினால் போதும் ஆரோக்கியமான நெல்லிக்காய் ஜூஸ் ரெடி.

நெல்லிக்காயைத் தவிர்க்க வேண்டியவர்கள்:

• நெல்லிக்காயில் பல்வேறு ஊட்டச்சத்துகள் இருந்தாலும் அதிக அளவிற்கு நாம் சாப்பிடக்கூடாது. தினமும் காலை அல்லது மாலை 1-2 நெல்லிக்காய்களைச் சாப்பிடுவது நல்லது.
• முக்கியமாக நெல்லிக்காயை ரத்த அழுத்த பிரச்சனை உள்ளவர்கள், நீரிழிவு உள்ளவர்கள் அதிகமாக சாப்பிடக்கூடாது. இதில் உள்ள ஆன்டிபிளேட்லெட் பண்புகள் உள்ளதால் இரத்தம் தொடர்பான உடல் நல பிரச்சனை உள்ளவர்கள் நெல்லிக்காயை சாப்பிடக்கூடாது.
• பொதுவாக சர்க்கரை நோயாளிகள் நெல்லிக்காய் சாப்பிடுவது நல்லது என்றாலும், அதிகளவு சாப்பிடும் போது உடலில் சர்க்கரை அளவு குறைய நேரிடும்.
• அசிடிட்டி பிரச்சனை உள்ளவர்களும் நெல்லிக்காய் தவிர்ப்பது நல்லது.
• நெல்லிக்காயை உணவில் சேர்த்துக் கொள்ளும் போது மலச்சிக்கல் ஏற்படாது என்பார்கள். ஆனால் அளவுக்கு அதிமாக சாப்பிடும் போது மலச்சிக்கல் பிரச்சனை ஏற்படும் என்பதையும் நினைவில் வைத்துக்கொள்ளுங்கள்.
• சிறுநீரக பிரச்சனை உள்ளவர்கள் மருத்துவரின் அறிவுரைகளின் படி நெல்லிக்காயை சாப்பிட வேண்டும்.
• கர்ப்பிணி பெண்களுக்கு வைட்டமின் சி தேவை என்றாலும் நெல்லிக்காய் சாப்பிட வேண்டும் என்றால் மருத்துவரின் அறிவுரைகளைக் கேட்டுக்கொள்வது நல்லது.

நெல்லிக்காயில் உள்ள ஊட்டச்சத்துக்கள்:

நெல்லிக்காயில் வைட்டமின்கள், மினரல்ஸ்கள், கால்சியம், இரும்பு, பாஸ்பரஸ், கரோட்டின், வைட்டமின் பி, ஈ மற்றும் ஏ போன்ற பல்வேறு ஊட்டச்சத்துக்கள் அதிகளவில் உள்ளது.