இந்த பானங்கள் குடிப்பதால் நீரிழிவு, யூரிக் அமிலம் மற்றும் உடல் கொழுப்பு அனைத்திற்கு குட் பாய் சொல்லும்

மோசமான வாழ்க்கை முறை, தவறான உணவுப் பழக்கம் மற்றும் உடற்பயிற்சியின்மை காரணமாக, நீரிழிவு மற்றும் அதிக கொழுப்பு போன்ற நோய்கள் பெரும்பாலான மக்களைப் பாதிக்கின்றன. நீண்ட காலமாக அவற்றைக் கட்டுப்படுத்தாவிட்டால், பல உடல்நலப் பிரச்சினைகள் ஏற்படலாம். இது தவிர மக்களை மிகவும் தொந்தரவு செய்யும் மற்றொரு பிரச்சனை யூரிக் அமிலம். உடலில் யூரிக் அமிலத்தின் அதிகரிப்பு மூட்டு வலி மற்றும் வீக்கத்தை ஏற்படுத்துவது மட்டுமல்லாமல் சிறுநீரக கற்கள், நீரிழிவு, மாரடைப்பு போன்ற பல உடல்நலப் பிரச்சினைகளையும் ஏற்படுத்தும்.

மேலும் படிக்க: மூளையை எப்பொழுதும் சுருசுருப்பாகவும், ஆரோக்கியமாகவும் வைத்திருக்க இப்படி செய்யுங்கள்

இந்த நோய்களைக் கட்டுப்படுத்த பல வகையான மருந்துகள் மற்றும் சிகிச்சைகள் உள்ளன. இருப்பினும், அவற்றை விரைவாகக் கட்டுப்படுத்த சிகிச்சையுடன் சில எளிய நடவடிக்கைகளையும் மேற்கொள்ளலாம். இதற்காக சமையலறையில் கிடைக்கும் பொருட்களைப் பயன்படுத்தலாம். நீரிழிவு, யூரிக் அமிலம் மற்றும் கொழுப்பைக் கட்டுப்படுத்தும் தேசி பானங்கள் பற்றி பார்க்கலாம். வீட்டில் கிடைக்கும் பொருட்களில் மிகவும் சிறப்பு வாய்ந்த விஷயம் என்னவென்றால், அவை பக்க விளைவுகளை ஏற்படுத்தாது. அவை நோய் எதிர்ப்பு சக்தியை வலுப்படுத்துவதன் மூலம் பல நோய்களைக் கட்டுப்படுத்துகின்றன.

நீரிழிவு நோயை கட்டுப்படுத்தும் வழிகள்

நீரிழிவு நோய் இன்று உலகெங்கிலும் உள்ள பலரைப் பாதிக்கும் ஒரு தீவிர நோயாகும். அலோபதி மருந்துகள் மற்றும் இன்சுலின் ஊசிகள் இதற்கு சிகிச்சையளிக்கப் பயன்படுத்தப்படுகின்றன. ஆனால் சமையலறையில் இருக்கும் இயற்கை பொருட்களும் அதைத் தடுக்கலாம். அவை இரத்த சர்க்கரையை திறம்பட கட்டுப்படுத்தலாம். வெந்தய விதைகளை உணவில் சேர்ப்பதன் மூலம் நீரிழிவு நோயைக் கட்டுப்படுத்தலாம். வெந்தய விதைகளில் நார்ச்சத்து மற்றும் பிற இரசாயனங்கள் உள்ளதால் உடலில் உள்ள கார்போஹைட்ரேட்டுகள் மற்றும் சர்க்கரையின் செரிமானம் மற்றும் உறிஞ்சுதலை மெதுவாக்குகின்றன மற்றும் இன்சுலின் அதிகரிப்பதைத் தடுக்கின்றன.

வெந்தய விதைகளை சாப்பிடும் வழிகள்

வெந்தயத்தை உட்கொள்வதற்கான சிறந்த வழி, 1 டீஸ்பூன் வெந்தயத்தை இரவில் தண்ணீரில் ஊறவைப்பது. மறுநாள் வெறும் வயிற்றில் சாப்பிட்டு தண்ணீர் குடிக்க வேண்டும்.

அதிக யூரிக் அமிலத்தை கட்டுப்படுத்து வழிகள்

தவறான உணவுப் பழக்கங்களால் யூரிக் அமிலப் பிரச்சினை அதிகரிக்கிறது. சிறுநீரகம் சரியான அளவில் யூரிக் அமிலத்தை வடிகட்ட முடியாதபோது உடலில் யூரிக் அமிலத்தின் அளவு அதிகரிக்கிறது. இரத்தத்தில் யூரிக் அமிலத்தின் அதிகரிப்பு மூட்டுகளில் கடுமையான வலியை ஏற்படுத்துகிறது மற்றும் கீல்வாதம் போன்ற பல நோய்களை ஏற்படுத்தும். அதிக யூரிக் அமில அளவைக் கட்டுப்படுத்த ஆப்பிள் சைடர் வினிகரைப் பயன்படுத்தலாம். இதில் ஆக்ஸிஜனேற்ற எதிர்ப்பு மற்றும் அழற்சி எதிர்ப்பு பண்புகள் உள்ளதால் உடலில் யூரிக் அமிலத்தைக் கட்டுப்படுத்துகிறது மற்றும் உடலில் pH அளவை சமநிலைப்படுத்துகிறது.

ஆப்பிள் சைடர் வினிகரை பயன்படுத்தும் முறை

இதை எடுத்துக்கொள்வதற்கான சிறந்த வழி, 1 டீஸ்பூன் தண்ணீரில் கலந்து சாப்பிடுவதற்கு முன் குடிப்பதாகும்.

அதிக கொழுப்பின் அளவை கட்டுப்படுத்தும் வழிகள்

கொழுப்பின் அளவு அதிகரிப்பது இதய நோய் மற்றும் பக்கவாதம் ஏற்படும் அபாயத்தை அதிகரிக்கும். பதப்படுத்தப்படாத உணவுகளை தினமும் சாப்பிடுவது LDL கொழுப்பை (கெட்ட கொழுப்பு) குறைத்து HDL கொழுப்பை (நல்ல கொழுப்பு) அதிகரிக்க உதவுகிறது. கொழுப்பின் அளவைக் குறைக்க நீங்கள் கருஞ்சீரகத்தை பயன்படுத்தலாம்.

கருஞ்சீரகம் இரத்தத்தில் LDL கொழுப்பைக் குறைக்கின்றன. இந்த விதைகளில் உள்ள செயலில் உள்ள பொருட்கள் தைமோகுவினோன் மற்றும் நிஜெலான் ஆகும். இவை இரண்டும் கொழுப்பைக் குறைக்கும் பண்புகளைக் கொண்டுள்ளன.

கருஞ்சீரகம் பயன்படுத்தும் வழிகள்

இதை உட்கொள்வதற்கான சிறந்த வழி, 1 டீஸ்பூன் கருஞ்சீரக விதைகளை தண்ணீரில் நன்கு கொதிக்க வைத்து, பின்னர் காலையிலும் இரவிலும் தூங்குவதற்கு முன் சாப்பிடுவதுதான்.

மேலும் படிக்க: தினமும் 1 பீட்ரூட் சாப்பிடுவதால் பெண்களின் ஒட்டுமொத்த ஆரோக்கியத்திற்குக் கிடைக்கக்கூடிய நன்மைகள் பார்க்கலாம்

இந்த மூன்று பிரச்சனைகளில் ஏதேனும் ஒன்று உங்களைத் தொந்தரவு செய்தால், நிச்சயமாக தேசி பானங்களை முயற்சிக்கவும். இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Freepik