எடையைக் குறைக்க தினமும் ஒரு மணி நேர நடைபயிற்சி! இவ்வளவு கிலோ இழக்கலாம்...

• 82-85 கிலோ எடை கொண்ட நபர் தினமும் ஒரு மணி நேரம் 4.8 கிலோ மீட்டர் வேகத்தில் நடைபயிற்சி சென்றால் 270 கலோரிகள் எரிக்கப்படும்.
• இதுவே 95-97 கிலோ எடை கொண்ட நபர் ஒரு மணி நேரம் அதே வேகத்தில் நடைபயிற்சி சென்றால் 314 கலோரிகளும், 108-110 கிலோ எடை கொண்ட நபர் 360 கலோரிகளும் உடலில் எரித்து இருப்பர்.
• இவ்வளவு கலோரிகள் தான் எரிக்கப்படுமா என யோசிக்க வேண்டாம். இதை விட கூடுதலாகவும் எரிக்க வாய்ப்புண்டு. வயது, பாலினம், நடக்கும் பாதை, வெப்பநிலை ஆகியவையும் கலோரிகளின் எண்ணிக்கையுடன் தொடர்புடையது.

ஒரு மணி நேர நடைபயிற்சி

வாரத்திற்கு நீங்கள் குறைந்தது 300 நிமிடங்களில் ஆரம்பித்து தினமும் ஒரு மணி நேரம் என 420 நிமிடங்கள் நடைபயிற்சி செல்ல அறிவுறுத்தப்படுகிறது. பலரும் உடல் எடையைக் குறைக்கும் போது தசையின் வலுவை இழக்கின்றனர். நடைபயிற்சியில் உங்களுக்கு அந்த கவலை ஏற்படாது. நடைபயிற்சியில் தசையின் வலு குறையாது
மேலும் எடை இழப்பு பயணமும் ஆரோக்கியமானதாக அமையும்.

உணவில் கலோரி அளவு

நான் தினமும் ஒரு மணி நேரம் நடைபயிற்சி செல்கிறேன். எடை குறையவே இல்லை என குற்றச்சாட்டு எழுந்தால் நீங்கள் சாப்பிடும் உணவில் கலோரிகளின் எண்ணிக்கை அதிகப்படுத்தி இருக்கிறீர்கள் என அர்த்தம். ஒரு கிலோ எடை என்பது 7,700 கலோரிகள் ஆகும். நீங்கள் 82-85 கிலோ எடை கொண்ட நபராக இருந்து தினமும் உடற்பயிற்சி சென்று சராசரி தேவையான 2200 கலோரிகளை மட்டும் எடுத்துக் கொண்டு வந்தால் இரண்டு கிலோ வரை எடை இழந்து இருப்பீர்கள். இதற்கு முதலில் நீங்கள் தினமும் உட்கொள்ளும் கலோரிகளின் அளவை கணக்கிட்டு படிப்படியாக குறையுங்கள். ஆண் ஆக இருந்தால் தினமும் 2,200 கலோரிகளும், பெண் ஆக இருந்தால் தினமும் 2,000 கலோரிகளும் போதுமானது.