cancer reducing foods:பெண்களுக்கு புற்றுநோய் அபாயத்தைக் குறைக்கும் உணவுகளின் லிஸ்ட்!

தங்களுக்கு மட்டுமின்றி வீட்டில் உள்ள அனைவருக்காகவும் எப்போதும் கடிகாரம் போல் நிற்காமல் சுற்றுபவர்கள் தான் பெண்கள். கணவன், குழந்தைகள், பெற்றோர்கள் என ஒவ்வொருவருக்கும் பார்த்து பார்த்து உணவுகளைப் பரிமாறும் பெண்கள், தங்களுடைய ஆரோக்கியத்தில் கவனம் செலுத்த தவறிவிடுகிறார்கள். இதனால் தான் 30 வயதை அவர்கள் எட்டியதும் பல்வேறு உடல் நல பாதிப்புகளுக்கு உள்ளாக நேரிடுகிறது.

சரிவிகித உணவுகளை உட்கொள்ளாததால், நோய் எதிர்ப்பு சக்தி குறைவதோடு மார்பக புற்றுநோய் உள்ளிட்ட பல்வேறு பாதிப்புகள் ஏற்படுகிறது. இதிலிருந்து நீங்கள் தப்பிக்க வேண்டும் என்றால் உடலுக்கு ஆற்றலை அளிக்கும் இந்த உணவுப் பொருள்களைக் கட்டாயம் சேர்த்துக் கொள்ள வேண்டும். இதோ அதற்கான லிஸ்ட் இங்கே..

பெண்களுக்கான உணவுமுறைகள்:

மேலும் படிக்க: வைட்டமின் சி நிறைந்த பீட்ரூட்! உடல் ஆரோக்கியத்திற்கு அவ்வளவு நல்லது

பச்சைக் காய்கறிகள்:

• வைட்டமின் சி,ஆன்டி ஆக்ஸிடன்ட்கள் உள்ளிட்ட பல்வேறு ஊட்டச்சத்துக்கள் நிறைந்த பச்சைக்காய்கறிகளை சாப்பிடும் போது உடலில் நோய் எதிர்ப்பு சக்தி அதிகரிக்கிறது. மேலும் உடலில் புற்றுநோய் செல்கள் உருவாவதைத் தடுக்க முடியும் என மருத்துவர்கள் கூறுகின்றனர்.
• மேலும் நெல்லிக்காய், ஸ்ட்ராபெர்ரிகள், திராட்சைகள், கிவி மற்றும் ஆரஞ்சு போன்றவற்றையும் உங்களது உணவில் சேர்த்துக் கொள்வது நல்லது. இது உங்களுக்கு உடல் ஆரோக்கியத்தையும், வலிமையும் கொடுப்பதற்கு உதவியாக இருக்கும்.

பால்:

30 வயதை அடைந்தவுடன் பெண்களுக்கு முதுகு வலி பிரச்சனையும் உடன் சேர்த்துவிடும். எலும்புகளின் ஆரோக்கியத்திற்கு கால்சியம் மற்றும் புரதச்சத்து அத்தியாவசியமான ஒன்று. எனவே ஒவ்வொரு பெண்களும் தினமும் பால் குடிக்க வேண்டும். ஒருவேளை உங்களுக்கு பால் அருந்துவது பிடிக்கவில்லை என்றால்,அதற்கு மாற்றாக மோர் அல்லது தயிர் சாப்பிடுவதை வழக்கமாக்கிக்கொள்ளவும்.

உலர் பழங்கள்:

• பெண்களைப் பல்வேறு நோய்களிலிருந்து பாதுகாப்பதில் உலர் பழங்கள் முக்கிய பங்காற்றுகிறது. பாதாம், அக்ரூட் பருப்புகள், ஆப்ரிகாட் மற்றும் பேரிச்சம்பழங்கள், பிஸ்தா, உலர் திராட்சை போன்ற உலர் பழங்களைத் தினமும் உட்கொள்வது நல்லது.
• இதில் உள்ள வைட்டமின்கள், தாதுக்கள், நார்ச்சத்து மற்றும் ஆன்டிஆக்ஸிடன்ட்கள் உடலுக்கு வலிமைத் தருகிறது. மேலும் நோய் எதிர்ப்பு சக்தியை அதிகரித்து புற்றுநோய் உள்ளிட்ட பாதிப்புகளிலிருந்து உங்களைப் பாதுகாக்க உதவியாக உள்ளது.

பூசணி விதைகள்:

உடல் ஆரோக்கியத்திற்குத் தேவையான ஆன்டி ஆக்ஸிடன்ட்கள், ஒமேகா 3 கொழுப்பு அமிலங்கள், புரதம், இரும்புச்சத்து, தாமிரம், மாங்கனீசு உள்ளிட்ட அத்தியாவசிய ஊட்டச்சத்துக்கள் அனைத்தும் பூசணி விதைகளில் உள்ளது. எனவே பெண்கள் தினமும் பூசணி விதைகளைத் தினமும் உட்கொள்ள வேண்டும். இதில் உள்ள ஊட்டச்சத்துக்கள் பல உடல் நலப்பிரச்சனைகளைத் தடுக்கிறது.

மேலும் படிக்க:பெரிய நெல்லிக்காயில் இத்தனை அற்புத நன்மைகள் உள்ளதா?

பூண்டு மற்றும் வெங்காயம்:

உடலின் நோய் எதிர்ப்பு சக்தியை அதிகரிக்கும் பூண்டு மற்றும் வெங்காயத்தில் பிிளாவனாய்டுகள், ஆக்ஸிஜனேற்றிகள் மற்றும் வைட்டமின் சி உள்ளிட்ட அத்தியாவசிய ஊட்டச்சத்துக்கள் உள்ளது. இதை நீங்கள் அதிகமாக உட்கொள்ளும் போது, மார்பக புற்றுநோய் பாதிப்பைத் தடுக்க முடியும் எனவும் நிரூபணமாகியுள்ளது.