மசாலாக்களின் ராணி ஏலக்காய் தரும் அற்புத நன்மைகள் என்னென்ன தெரியுமா?

ஏலக்காய் தென்னிந்தியாவில் மேற்குத் தொடர்ச்சி மலைகளில் அடர்ந்த காடுகளில் தோன்றியதாக கூறப்படுகிறது. உலகின் மிகப்பெரிய உற்பத்திப் பொருட்களில் முக்கியமானதாக கருதப்படும் ஏலக்காயை ஒவ்வொரு ஊர்களும் ஒவ்வொரு மாதிரியாக கூறுகின்றன. இந்தியில் எலைச்சி என்றும், தமிழில் ஏலக்காய் என்றும் அரேபியில் அலைச்சிர் என்று அழைக்கப்படுகிறது. பச்சை ஏலக்காய், கருப்பு ஏலக்காய் என இரண்டு வகைகள் உள்ளது. பெரும்பாலும் இந்தியா முழுவதும் பச்சை ஏலக்காய் பயன்படுத்தப்படுகிறது. கருப்பு ஏலக்காய் இந்தியா, நேபாளம் மற்றும் சீன உணவுகளில் சுவைக்காகவும், மணத்திற்காகவும் அதிகம் பயன்படுத்தப்படுகிறது.

ஏலக்காயும் அதன் ஆரோக்கிய நன்மைகளும்:

• ஏலக்காயை அதிகளவில் உணவில் சேர்த்துக் கொள்ளும் போது இதில் உள்ள ஊட்டச்சத்துக்கள் செரிமான அமைப்பை சீராக்குகிறது. சூடான பானத்தில் ஏலக்காய் கலந்து சாப்பிடும் போது வயிறு வீக்கம், அஜீரணம் மற்றும் குமட்டல் போன்ற பாதிப்புகள் ஏற்படுவதைத் தடுக்கிறது.
• ஏலக்காயில் உள்ள பிளாவனாய்டுகள் மற்றும் டெர்பீன்கள் போன்ற சக்திவாய்ந்த ஆக்ஸிஜனேற்ற பண்புகள் உடலில் தீங்கு விளைவிக்கும் ப்ரீ ரேடிக்கல்களைத் தடுப்பதோடு உடலின் நோய் எதிர்ப்பு சக்தியை அதிகரிக்க உதவுகிறது.
• அழற்சி எதிர்ப்பு பண்புகள் மற்றும் அத்தியாவசிய வைட்டமின்களைக் கொண்ட ஏலக்காயை உணவு முறையில் சேர்த்துக் கொள்ளும் போது அதீத கால்வலி, மூட்டு வலி போன்ற பாதிப்புகளைத் தடுக்கிறது.

மேலும் படிக்க: குளிர்காலத்தில் நோய் எதிர்ப்பு சக்தியை அதிகரிக்க வேண்டுமா? இந்த வைட்டமின் சி சத்து நிறைந்த உணவுகளை சாப்பிடவும்

• ஏலக்காயை அப்படியே மென்று சாப்பிட்டாலும் அல்லது டீ மற்றும் நாம் செய்யக்கூடிய உணவுகளில் சேர்த்து உட்கொள்ளலாம். இதில் உள்ள பாக்டீரியா எதிர்ப்பு பண்புகள் வாய் துர்நாற்றத்திற்குத் தீர்வாக உள்ளது.
• சளி அல்லது ஒவ்வாமை பிரச்சனை உள்ளவர்கள் ஏலக்காயில் டீ செய்து பருகலாம். இதில் உள்ள ஊட்டச்சத்துக்கள் சுவாச கோளாறுகளைத் தவிர்க்க உதவுகிறது.
• ஏலக்காயில் உள்ள இனிமையான மணம் மனநிலையை ஒருநிலைப்படுத்துகிறது. தினமும் ஏலக்காயில் டீ செய்து சாப்பிடும் போது தேவையில்லாத மன அழுத்தம் மற்றும் பதட்டத்தைக் குறைக்கிறது.
• ஏலக்காயை உணவு முறையில் சேர்த்துக் கொள்ளும் போது கல்லீரல் மற்றும் சிறுநீரகங்களிலிருந்து கழிவுகளை அகற்ற உதவுகிறது. இதோடு வளர்சிதை மாற்ற செயல்பாட்டை மேம்படுத்துவதன் மூலம் எடை மேலாண்மையை நிர்வகிக்க உதவுகிறது.

அழகு சாதனப் பொருளாகும் ஏலக்காய்:

சமையலுக்குச் சுவையை அளிப்பது தொடங்கி உடல் ஆரோக்கியத்திற்குப் பேருதவியாக இருக்கும் ஏலக்காய் அழகு சாதனப் பொருளாகவும் உள்ளது. இதில் உள்ள அத்தியாவசிய எண்ணெய்கள் வாசனை திரவியங்களில் அதிகம் பயன்படுத்தப்படுகிறது. ஏலக்காயில் உள்ள பாக்டீரியா எதிர்ப்பு மற்றும் அழற்சி எதிர்ப்புப் பண்புகள் முகத்தில் பருக்கள் மற்றும் கருந்திட்டுகளை அகற்றுவதோடு சரும எரிச்சலையும் தடுக்கிறது. ஏலக்காயில் உள்ள அத்தியாவசிய எண்ணெய்கள் உச்சந்தலையின் ஆரோக்கியத்தையும், பொடுகுத் தொல்லையை நீக்கி முடி வளர்ச்சிக்கும் உதவியாக உள்ளது. இதோடு மட்டுமின்றி விருந்தோம்பல், ஆடம்பரம் மற்றும் கொண்டாட்டத்தின் சின்னமாகும் ஏலக்காய் உள்ளது. ஏதேனும் விசேச நாட்களில் விருந்தினர்களுக்கு ஏலக்காய் கலந்த தேநீர் அல்லது காபி வழங்கப்படுகிறது. 

மேலும் படிக்க: மழைக்காலத்தில் ஆரோக்கியத்துடன் வாழ்வதற்கான சிம்பிள் டிப்ஸ்கள்

ஏலக்காய் எப்படி பயன்படுகிறது?

மசாலாக்களின் ராணி என்றழைக்கப்படும் ஏலக்காயை இந்திய உணவுகளில் பிரியாணி, அசைவ உணவுகள் மற்றும் டீ போன்றவற்றில் அதிகம் பயன்படுத்தப்படுகிறது. இதோடு குழந்தைகள் அதிகம் விரும்பி சாப்பிடும் குலோப் ஜாமூன், கீர், மற்றும் லட்டு போன்ற இனிப்பு வகைகளிலும் அதிகம் பயன்படுத்தப்படுகிறது. மத்திய கிழக்க உணவு வகைகளிலும் சேர்க்கப்படுகிறது. குறிப்பாக சுவையை அதிகரிக்க காபியில் அதிகம் பயன்படுத்தப்படுகிறது. பக்லாவா, மாமூல், அரிசி புட்டிங் போன்ற இனிப்பு வகைகளிலும் அதிகம் பயன்படுத்தப்படுகிறது. அப்புறம் என்ன? இத்தனை ஆரோக்கிய நன்மைகளைக் கொண்ட ஏலக்காயை இனி எவ்வித தயக்கமும் இன்றி பயன்படுத்த முயற்சி செய்யுங்கள். நிச்சயம் வியக்கத்தகு ஆரோக்கிய நன்மைகளைப் பெற முடியும்.

Image source - Freepik