நீரிழிவு நோய் என்பது இளைஞர்கள் முதல் பெரியவர்கள் வரை பலருக்கும் பரவலாகக் காணப்படும் ஒரு நாள்பட்ட நோயாகும். இன்றைய காலகட்டத்தில் வயது வித்தியாசம் இல்லாமல் பெரும்பாலான மக்களுக்கு இந்த சர்க்கரை நோய் பாதிப்பு ஏற்படுகிறது. இந்த நோயைக் கட்டுப்படுத்த உணவுப் பழக்கவழக்கங்கள் முக்கியப் பங்கு வகிக்கின்றன. அதில் குதிரைவாலி அரிசி ஒரு சிறந்த தேர்வாகும். இது சர்க்கரை அளவைக் கட்டுப்படுத்தி, உடல் ஆரோக்கியத்தை மேம்படுத்துகிறது. அந்த வரிசையில் சர்க்கரை நோயாளிகள் குதிரைவாலி அரிசி சாப்பிடுவதால் கிடைக்கும் நன்மைகள் என்ன என்று இந்த கட்டுரையில் பார்க்கலாம்.
குதிரைவாலி அரிசி என்பது ஒரு சிறுதானிய வகையாகும். இது முழு தானியம் என்பதால், ஊட்டச்சத்து மதிப்பு மிகுந்தது. இது குளூட்டன் இல்லாதது மற்றும் உணவு செரிமானத்திற்கு ஏற்றது. இதன் குறைந்த கிளைசமிக் இன்டெக்ஸ் மதிப்பு நீரிழிவு நோயாளிகளுக்கு மிகவும் உகந்ததாகும்.
குதிரைவாலி அரிசியை வழக்கமான அரிசிக்குப் பதிலாக நீங்கள் தினசரி சமையலில் பயன்படுத்தலாம். இதைக் கொண்டு குதிரைவாலி சாதம், குதிரைவாலி இடியப்பம், குதிரைவாலி பாயசம், உப்புமா அல்லது கீரைச் சாதம் போன்ற உணவுகளை தயாரிக்கலாம்.
குதிரைவாலி அரிசியின் கிளைசமிக் இன்டெக்ஸ் மதிப்பு மிகவும் குறைவு. இது இரத்த சர்க்கரை அளவை திடீரென உயரவிடாமல் கட்டுப்படுத்துகிறது. எனவே, நீரிழிவு நோயாளிகள் இதைப் பாதுகாப்பாக சாப்பிடலாம்.
இந்த குதிரைவாலி அரிசியில் நார்ச்சத்து அதிகம் உள்ளது. இது செரிமானத்தை மெதுவாக்கி, உடலில் சர்க்கரை உறிஞ்சுதலைக் குறைக்கிறது. மேலும், இது பசியைக் கட்டுப்படுத்தி, உடல் எடையைக் குறைக்க உதவுகிறது.
குதிரைவாலி அரிசியில் மெக்னீசியம் மற்றும் துத்தநாகம் நிறைந்துள்ளன. இந்த ஊட்டச்சத்துக்கள் இன்சுலின் உணர்திறனை மேம்படுத்தி, நீரிழிவு நோயின் அபாயத்தைக் குறைக்கின்றன.
இது கொழுப்பு குறைந்த அரிசி வகையாகும். எனவே, இதை சாப்பிடுவதால் உடல் எடை மற்றும் கொலஸ்ட்ரால் அளவு கட்டுப்பாட்டில் இருக்கும். பொதுவாக சர்க்கரை நோயாளிகள் அரிசி சாப்பிடக்கூடாது என்று கூறுவது உண்டு. அதற்கு பதிலாக இந்த குதிரைவாலி அரிசி சாப்பிட்டு வரலாம்.
மேலும் படிக்க: மாதவிடாய் பிரச்சனை உடனே குணமாக; வெறும் வயிற்றில் முருங்கை தண்ணீரை குடித்து பாருங்க
அந்த வரிசையில் குதிரைவாலி அரிசி நீரிழிவு நோயாளிகளுக்கு ஒரு சிறந்த உணவு ஆகும். இது சர்க்கரை அளவைக் கட்டுப்படுத்துவதோடு, ஊட்டச்சத்துக்களையும் நிறைவாகத் தருகிறது. எனவே உங்கள் அன்றாட உணவில் இதை சேர்த்துக்கொள்வது உடல் ஆரோக்கியத்திற்கு நல்லது.
Image source: google
Herzindagi video
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். [email protected]