Beetroot for Weight Loss : உடல் எடையை குறைக்க ஒரே ஒரு பீட்ரூட் போதும்!

இன்றைய காலக்கட்டத்தில் ஒரே இடத்தில் அமர்ந்து வேலை பார்க்கும் சூழல் உருவாகி உள்ளது. உடல் செயல்பாடுகள் குறையும்பொழுது ஆரோக்கியமும் பாதிக்கப்படலாம். இதனால் உடல் எடை அதிகரிப்பதற்கான வாய்ப்பும் நிறைய உள்ளது. உடல் எடையை குறைப்பதற்கான ஒரு அற்புதமான ரெசிபியை இன்றைய பதிவில் பார்க்கப் போகிறோம். இது உடலுக்கு தேவையான அத்தியாவசிய ஊட்டச்சத்துக்களை கொடுப்பதுடன் உடல் எடையை குறைக்கவும் உதவும்.

பீட்ரூட் ஜூஸ் உடல் எடையை குறைப்பதற்கு ஏற்றது. இதில் உள்ள வைட்டமின் C, நார்ச்சத்து, பீட்டானின் மற்றும் ஃபோலேட் உடல் எடையை குறைக்கவும், இரத்த அழுத்தத்தை கட்டுப்படுத்தவும் உதவுகின்றன. இவை உடலுக்கு ஏராளமான நன்மைகளை தருவதுடன் நோய் எதிர்ப்பு சக்தியையும் வலுப்படுத்துகின்றன. உடல் எடையை குறைக்க விரும்புபவர்கள் பின்வரும் முறையில் பீட்ரூட் ஜூஸ் தயாரித்து குடிக்கலாம்.

இந்த பதிவும் உதவலாம்: குறைவாக சாப்பிட்டாலும் தொப்பை மட்டும் குறையவில்லையா? இந்த பானத்தை ட்ரை பண்ணுங்க!

உடல் எடையை குறைக்க பீட்ரூட் ஜூஸ்

ஊட்டச்சத்துக்கள் நிறைந்த இந்த பீட்ரூட்டில் குறைந்த அளவு கலோரி மட்டுமே உள்ளது. இது உங்களை நீண்ட நேரத்திற்கு நிறைவாக வைத்திருக்கும். இதனால் உடலுக்கு கிடைக்கும் ஆற்றல் மூலம் நல்ல உடற்பயிற்சி செய்யலாம் மற்றும் கொழுப்பை குறைக்கலாம். இது உடல் எடையை குறைக்க விரும்புபவர்களுக்கான சிறந்த தேர்வாகும்.

கேரட் மற்றும் பீட்ரூட் ஜூஸ்

கேரட் மற்றும் பீட்ரூட்டில் குறைந்த அளவு கலோரி மட்டுமே உள்ளது. மேலும் இதில் உள்ள நார்ச்சத்து உங்கள் கலோரி உட்கொள்ளல் அளவை குறைத்து எடையை குறைக்க உதவுகிறது.

தேவையான பொருட்கள்

• பீட்ரூட் - 1 கப்

• கேரட் - 1 கப்

• தண்ணீர் - ¼ கப்

• எலுமிச்சை சாறு - 4 டீஸ்பூன்

• இந்துப்பு - ஒரு சிட்டிகை

• புதினா இலைகள் - சிறிதளவு

செய்முறை

• முதலில் ஒரு மிக்ஸர் ஜாரில் பீட்ரூட், கேரட், தண்ணீர் மற்றும் புதினா இலைகளை சேர்த்து நன்றாக அரைத்துக் கொள்ளவும்.

• பின்னர் உப்பு மற்றும் எலுமிச்சை சாறு சேர்த்து மீண்டும் ஒருமுறை நன்கு அரைக்கவும்.

• ஹெல்தியான பீட்ரூட் கேரட் ஜூஸ் தயார்.

பீட்ரூட் மற்றும் செலரி ஜூஸ்

செலரியில் குறைந்த அளவு கலோரியும் நிறைய தண்ணீர் சத்தும் உள்ளது. அதேசமயம் பீட்ரூட்டில் அதிக அளவு நார்ச்சத்தும் உள்ளது. நீர்ச்சத்து மற்றும் நார்ச்சத்து நிறைந்த இக்கலவையானது எடையை குறைப்பதில் மிகவும் பயனுள்ளதாக இருக்கும்.

தேவையான பொருட்கள்

• பீட்ரூட் - 1/2

• செலரி - ½ கப்

• எலுமிச்சை சாறு - 2 டீஸ்பூன்

• இந்துப்பு - ஒரு சிட்டிகை

செய்முறை

• முதலில் பீட்ரூட் மற்றும் செலரியை நன்கு அரைத்துக் கொள்ளவும்.

• தேவையான அளவு தண்ணீர் மற்றும் உப்பு சேர்த்து மீண்டும் ஒருமுறை அரைக்கவும்.

• எலுமிச்சை சாறு கலந்து சுவை மிக்க இந்த பானத்தை பரிமாறலாம்.

இந்த பதிவும் உதவலாம்: குடல் ஆரோக்கியத்தை மேம்படுத்தும் 5 எளிய உணவுகள்

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik