Green Vegetables Benefits : உடல் ஆரோக்கியத்திற்கான சிறந்த பச்சை இலை காய்றிகள்

பச்சை இலை காய்கறிகள் என்பது ஆரோக்கியமான உணவுப் பழக்கத்தில் முக்கியம் வாய்ந்தவை. இவை வைட்டமின்கள், தாதுக்கள் மற்றும் நார்ச்சத்துக்களால் நிரம்பியுள்ளன. ஆனால் இவற்றில் குறைந்த கலோரிகளே உள்ளன. இந்தக் காய்கறிகளை உணவு பழக்கத்தில் சேர்த்து தினமும் உட்கொள்வது உடல் பருமன், இதய நோய், உயர் இரத்த அழுத்தம் ஆகியவற்றின் அபாயத்தைக் குறைத்து பல ஆரோக்கிய நன்மைகளை வழங்குகிறது.

கிளைக்கோசு

கிளைக்கோசு அல்லது மரக்கோஸில் நார்ச்சத்து, வைட்டமின் சி, கே மற்றும் ஆன்டிஆக்ஸிடன்ட்கள் ஆகியவை நிறைந்துள்ளன. இவை இதய ஆரோக்கியத்தை ஆதரிக்கின்றன, செரிமானத்திற்கு உதவுகின்றன. கிளைக்கோசு அழற்சி எதிர்ப்பு பண்புகளைக் கொண்டுள்ளது. இது புற்றுநோயைத் தடுக்க உதவும். கிளைக்கோசு உடலில் உள்ள செல்களின் சேதத்தைத் தடுக்க உதவுகிறது.

பச்சை பட்டாணி

பச்சை பட்டாணி தாவர அடிப்படையிலான புரதம், நார்ச்சத்து மற்றும் அத்தியாவசிய வைட்டமின்களான ஏ, சி மற்றும் கே போன்றவற்றின் நல்ல மூலமாகும். இவை உடலின் ஒட்டுமொத்த ஆரோக்கியத்தை மேம்படுத்தும். அதேநேரம் செரிமானத்திற்கு உதவும், நோய் எதிர்ப்புச் சக்தியை அதிகரிக்கும்.

ப்ரோக்கோலி

ப்ரோக்கோலியில் நார்ச்சத்து, வைட்டமின் சி, கே மற்றும் ஃபோலேட் ஆகியவை உள்ளன. இதில் சல்போராபேன் என்ற கலவை உள்ளது. அது புற்றுநோய் எதிர்ப்பு பண்புகளைக் கொண்டது. ப்ரோக்கோலியின் வழக்கமான நுகர்வு நமது செரிமான அமைப்பை மேம்படுத்துகிறது மற்றும் உடலில் நச்சுத்தன்மையை குறைக்க உதவுகிறது.

தண்ணீர்விட்டான் கிழங்கு

தண்ணீர்விட்டான் கிழங்கும் வைட்டமின்கள் ஏ, சி மற்றும் கே மற்றும் ஃபோலேட் ஆகியவற்றின் நல்ல மூலமாகும். மேலும் இதில் ஆன்டிஆக்ஸிடன்ட்கள் மற்றும் அழற்சி எதிர்ப்புப் பண்புகள் உள்ளன.

மேலும் படிங்கசரும ஆரோக்கியத்திற்கு தேவையான வைட்டமின் ஈ உணவுகள்

பீன்ஸ்

குறைந்த கலோரிகள் கொண்ட பீன்ஸில் நார்ச்சத்து அதிகமாக உள்ளது. இது எடை மேலாண்மை மற்றும் செரிமான ஆரோக்கியத்திற்கு நல்லது. பீன்ஸில் வைட்டமின்கள் சி, கே மற்றும் மாங்கனீசு ஆகியவற்றை கொண்டுள்ளது.

சீமை சுரைக்காய்

சீமை சுரைக்காய் வைட்டமின்கள் ஏ, சி மற்றும் பொட்டாசியம் நிறைந்த குறைந்த கலோரி காய்கறியாகும். இது கண் ஆரோக்கியத்தை ஆதரிக்கிறது, செரிமானத்திற்கு உதவுகிறது. இந்தக் காய்கறியின் அதிக நீர் உள்ளடக்கம் காரணமாக உடலின் ஒட்டுமொத்த நீரேற்றமும் மேம்படுகிறது.

கீரை

கீரையில் இரும்புச்சத்து, வைட்டமின் ஏ, சி மற்றும் ஃபோலேட் நிறைந்துள்ளது. இது சரும மேம்பாட்டிற்கும் பார்வையை திறனுக்கும் உதவுகிறது. கீரை பொதுவாகவே நோய் எதிர்ப்புச் சக்தியை அதிகரிக்கிறது. மேலும் கீரையில் உள்ள ஆன்டிஆக்ஸிடன்ட்கள் நோய்களுக்கு எதிராக பாதுகாப்பை வழங்குகின்றன.

பரட்டைக் கீரை

பரட்டைக் கீரை அதிக அளவு வைட்டமின் கே, ஏ மற்றும் சி கொண்ட ஒரு ஊட்டச்சத்து சக்தியாகும். இது உடலுக்கு கால்சியம் மற்றும் மாங்கனீஸ் போன்ற அத்தியாவசிய தாதுக்களையும் வழங்குகிறது. பரட்டைக் கீரையில் உள்ள ஆக்ஸிஜனேற்றிகள் மற்றும் அழற்சி எதிர்ப்புப் பண்புகள் வீக்கத்தைக் குறைக்கவும் இதயத்தைப் பாதுகாக்கவும் உதவுகின்றன. பரட்டைக் கீரையை சமைத்தால் அதன் ஊட்டச்சத்து குறையும். எனவே நன்கு கழுவி பச்சையாக சாப்பிடுவது சிறந்தது.

மேலும் படிங்கவெந்தய கீரையின் அற்புதமான மருத்துவ பயன்கள்

வெள்ளரிக்காய்

வெள்ளரிக்காயில் வைட்டமின்கள் கே மற்றும் சி ஆகியவற்றில் நிறைந்துள்ளன. வெள்ளரிக்காய் உடலில் நீரேற்றத்தை ஊக்குவிக்கின்றன மற்றும் சருமத்தை ஆரோக்கியமாக வைத்திருக்க உதவுகின்றன.