Iron Deficiency : இரும்புச் சத்து குறைப்பாட்டை சரி செய்வது எப்படி ?

இரும்புச் சத்து என்பது பல்வேறு உடல் செயல்பாடுகளில் குறிப்பாக ஹீமோகுளோபின் உற்பத்தியில் முக்கிய பங்கு வகிக்கும் ஒரு அத்தியாவசிய கனிமமாகும். இது இரத்த சிவப்பணுக்களில் உள்ள புரதமாகும். இது நுரையீரலில் இருந்து உடலின் மற்ற பகுதிகளுக்கு ஆக்ஸிஜனைக் கொண்டு செல்கிறது.

இரும்புச்சத்து போதுமான அளவு இல்லாதபோது உடல் போதுமான ஆரோக்கியமான இரத்த சிவப்பணுக்களை உற்பத்தி செய்ய முடியாது. இது இரும்புச்சத்து குறைபாடு இரத்த சோகை எனப்படும் நிலைக்கு வழிவகுக்கிறது. ஹீமோகுளோபின் உங்கள் உடலில் ஆக்ஸிஜனை நகர்த்துகிறது.

உங்கள் உடல் இரும்புச் சத்தை சேமிக்க முடியும் ஆனால் இரும்புச் சத்தை உருவாக்க முடியாது. இரும்புச் சத்தைப் பெறுவதற்கான ஒரே வழி அதை உட்கொள்வது மட்டுமே.

வயது அடிப்படையில் தேவையான இருப்புச் சத்து

• 14 முதல் 18 வயதுடைய சிறுவர்கள்

ஆண் - தினமும் 11 மில்லி கிராம்

பெண் - தினமும் 15 மில்லி கிராம்

• 19 முதல் 50 வயதுடைய பெரியவர்கள்

ஆண் - தினமும் எட்டு மில்லி கிராம்

பெண் - தினமும் 18 மில்லி கிராம்

• 50 வயதுக்கு மேற்பட்டவர்கள் தினமும் எட்டு மில்லி கிராம் இரும்புச்சத்தை உட்கொள்ள வேண்டும்
• கர்ப்பிணிகள் தினமும் 27 மில்லி கிராம் இரும்புச்சத்தை உட்கொள்ள வேண்டும்

நீங்கள் வைட்டமின் சி நிறைந்த உணவுகளை உட்கொள்ளும் போது அவை இரும்புச்சதை அதிக அளவில் உறிஞ்சுவதற்கும் உதவும்.

இரும்புச்சத்தை உறிஞ்ச உதவும் உணவுகள் :

• சிட்ரஸ் பழங்கள் - ஆரஞ்சு, எலுமிச்சை
• தக்காளி
• பெர்ரி
• கிவி பழம்
• முலாம்பழம்
• பச்சை இலை காய்கறிகள்
• குடைமிளகாய்

இரும்புச் சத்து உறிஞ்சுதலைக் குறைக்கும் உணவுகள்

• தேநீர்
• சிவப்பு ஒயின் (ஆல்கஹால்)
• பால் அல்லது சீஸ் போன்ற கால்சியம் நிறைந்த உணவுகள்
• கால்சியம் சப்ளிமெண்ட்ஸ்
• சோயா பீன் சார்ந்த உணவுகள்

உடலில் இரும்பு அளவு மிகவும் குறைவாக இருக்கும்போது இரும்புச்சத்து குறைபாடு ஏற்படுகிறது. இரும்புச்சத்து குறைபாடு ஏற்பட்டால் நீங்கள் எளிதில் சோர்வடைவீர்கள், தலைவலி ஏற்படும், ஒரு விஷயத்தில் கவனம் செலுத்துவது கடினமாகும்.

மேலும் படிங்கHealth Benefits of Prunes : ஊட்டச்சத்து நிறைந்த கொடிமுந்திரி

இரும்புச்சத்து அதிகம் உட்கொண்டால் ஏற்படும் விளைவுகள் :

உடலில் அதிகப்படியான இரும்புச் சத்து தீங்கு விளைவிக்கும். நீங்கள் இரும்புச் சத்துக்களை எடுத்துக்கொள்வதற்கு முன் எப்போதும் உங்கள் மருத்துவரிடம் பேச வேண்டும். சிலருக்கு ஹீமோக்ரோமாடோசிஸ் எனப்படும் மரபணு நிலை உள்ளது. இந்த நிலை நீங்கள் அதிக இரும்புச் சத்தை சேமிக்க செய்திடும். ஒவ்வொரு 200 பேரில் ஒருவருக்கு ஹீமோக்ரோமாடோசிஸ் உள்ளது.