Detox Diet Plan : உடலில் உள்ள நச்சுக்களை வெளியேற்ற உதவும் டீடாக்ஸ் டயட் பிளான்

உடலின் வெளிப்புற அழகை சுத்தமாகவும், அழகாகவும் பராமரிப்பது எவ்வளவு முக்கியமோ, அதைவிட மிகவும் முக்கியமானது உடலை உள்ளிருந்து சுத்தமாக வைத்துக் கொள்வது. மோசமான உணவு முறை பழக்கங்கள், வாழ்க்கை முறை போன்ற பல்வேறு காரணங்களினால் உடலில் நச்சுக்கள் சேர தொடங்கி விடுகின்றன. இந்நிலையில் உடலின் செயல்பாடுகள் சீராக நடைபெற தேவையற்ற நச்சுக்களை உடலை விட்டு அகற்ற வேண்டும். இந்த செயல் முறையை ஆங்கிலத்தில் டீடாக்ஸ் என்று அழைக்கிறார்கள். உடலில் உள்ள நச்சுக்களை சரியான நேரத்தில் அகற்றாத நிலையில், உடலால் சரியாக செயல்பட முடியாது. மேலும் இதன் அறிகுறிகளையும் நீங்கள் தெளிவாக உணரலாம்.

உடலில் உள்ள நச்சுக்களை வெளியேற்ற டீடாக்ஸ் டயட் பிளான் சிறந்தது. உடலில் உள்ள தேவையற்ற நச்சுக்களை அகற்ற சரியான உணவுகளை சரியான நேரத்தில் எடுத்துக் கொள்வது மிகவும் முக்கியம். இந்த டயட் பிளான் பற்றிய விவரங்களை உணவியல் நிபுணர் ராதிகா கோயல் அவர்கள் தனது இன்ஸ்டாகிராம் பக்கத்தில் பகிர்ந்துள்ளார்.

இந்த பதிவும் உதவலாம்: ஓரே மாதத்தில் 6 கிலோ வரை எடை குறைக்க நிபுணரின் டயட் பிளான்

டீடாக்ஸ் டயட் பிளான்

• காலையில் வெறும் வயிற்றில் எலுமிச்சை சாறுடன் தேன் கலந்து குடிக்கவும். இதில் தேன் சேர்த்து இருப்பதால் சூடாக எடுத்துக் கொள்வதை தவிர்க்கவும். எலுமிச்சையில் உள்ள பண்புகள் உடலில் உள்ள நச்சுக்களை அகற்ற உதவும்.

• காலையில் முளைகட்டிய பயறு சாலட் எடுத்துக் கொள்ளலாம். இதில் வெங்காயம்,தக்காளி, வெள்ளரிக்காய் மற்றும் பச்சை இலை காய்கறிகளையும் சேர்த்துக் கொள்ளலாம்.

• காலை மற்றும் மதிய உணவிற்கு இடையே ஆன நேரத்தில் காய்கறி ஜூஸ் குடிக்கலாம். இதற்கு கீரை பீட்ரூட் சுரைக்காய் போன்ற ஆரோக்கியமான காய்கறிகளை கொண்டு சர்க்கரை சேர்க்காத காய்கறி ஜூஸ் குடிக்கலாம். இதனுடன் இரண்டு அக்ரூட் பருப்புகளையும் சாப்பிடவும்.

• மதிய உணவிற்கு ஒரு கப் அரிசி மற்றும் பாசிப்பருப்பு சேர்த்து செய்த கிச்சடி சாப்பிடலாம். இதனுடன் தயிர் சேர்த்துக்கொள்ள மறக்காதீர்கள்.

• மாலை நேர சிற்றுண்டியாக பொட்டுக்கடலை சாப்பிடலாம். இதனுடன் கிரீன் டீ குடிக்கலாம்.

• இரவு தக்காளி மற்றும் பீட்ரூட் ஜூஸ் குடிக்கலாம்.

• இரவு உணவிற்கு பிறகு சோம்பு தண்ணீர் குடிக்கவும்.

இந்த விஷயங்களை கவனிக்கவும்

இந்த டயட் உங்கள் உடலில் உள்ள நச்சுக்களை அகற்ற மிகவும் பயனுள்ளதாக இருக்கும். இதனுடன் உங்கள் உடலை நீரேற்றமாக வைத்துக் கொள்ளவும். ஒரு நாளைக்கு உங்கள் தேவையை பொறுத்து 3-4 லிட்டர் தண்ணீர் குடிப்பதை உறுதி செய்து கொள்ளுங்கள். போதுமானவரை வீட்டில் சமைக்கப்பட்ட உணவுகளை சாப்பிடுங்கள். எந்த ஒரு தனிப்பட்ட உணவு வகையையும் ஒதுக்க வேண்டாம். இதனுடன் நீங்கள் சாப்பிடும் உணவை சரியான அளவுகளில் சரியான நேரத்தில் எடுத்துக் கொண்டால் மட்டுமே முழு பயன்களையும் பெற முடியும்.

உங்கள் உணவில் ஏதேனும் மாற்றங்களை செய்வதற்கு முன் உங்கள் மருத்துவர் அல்லது உணவியல் நிபுணரை ஆலோசனை செய்வது நல்லது.

இந்த பதிவும் உதவலாம்: கீரை சாப்பிட்டு உடல் எடையை குறைக்க முடியுமா?

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik