Burn Belly Fat : கோடையில் வயிற்று கொழுப்பை குறைக்க உதவும் அற்புத பானம்

கோடையில் உடல் எடையை குறைப்பது கடினமாகவும் சவாலாகவும் இருக்கலாம். இந்த வானிலையில் பல சமயங்களில் சோர்வாகவும், உடற்பயிற்சி செய்ய விருப்பம் இல்லாமலும் போகலாம். இருப்பினும் உங்கள் உடல் எடை பயணத்தை எளிதாக்கக்கூடிய ஒரு அற்புத பானத்தை இப்பதிவில் பார்க்கப் போகிறோம்.

காலையில் எழுந்தவுடன் வெறும் வயிற்றில் வெதுவெதுப்பான நீர் குடிப்பது எடை இழப்புக்கு உதவும் என்பது நாம் அனைவரும் அறிந்ததே. ஆனால் இதனுடன் ஒரு சில ஆரோக்கியமான ஊட்டச்சத்து நிறைந்த விஷயங்களை சேர்ப்பதன் மூலம் எடை இழப்பு மற்றும் வளர்ச்சிதை மாற்றத்தை விரைவுப்படுத்தலாம்.

இந்த பதிவும் உதவலாம்: பெண்கள் அதிக உடல் எடையுடன் இருப்பதை எப்படி தெரிந்து கொள்ளலாம்?

உங்கள் எடை இழப்புக்கு உதவக்கூடிய ஒரு அற்புதமான கோடைகால எடை இழப்பு பாடத்தை பற்றி இப்பதிவில் பார்க்க போகிறோம். இது எடை இழப்புக்கு உதவுவதோடு மட்டுமின்றி உங்கள் உடலில் உள்ள கழிவுகளை வெளியேற்றும். இது குறித்த தகவல்களை ஆயுர்வேத நிபுணரான தீக்ஷா பர்ஷர் அவர்கள் தனது இன்ஸ்டாகிராம் பக்கத்தில் பதிவிட்டுள்ளார்.

எடை இழப்பு பானம்

தேவையான பொருட்கள்

• தண்ணீர் - 1 கப் (250 மில்லி)

• எலுமிச்சை - 1/2

• சப்ஜா விதைகள் - ½ டீஸ்பூன்

• சுத்தமான தேன் - 1 டீஸ்பூன்

செய்முறை

• மேற்கூறிய பொருட்கள் யாவையும் ஒரு கப் வெதுவெதுப்பான நீரில் கலக்கவும்.

• 30 நிமிடங்கள் கழித்து இந்த பானத்தை குடிக்கலாம். இதை காலையில் குடிப்பது நல்லது.

இந்த பானம் இடை இழப்புக்கு எவ்வாறு உதவும்?

சப்ஜா (துளசி) விதைகளில் ஆல்பா-லினோலெனிக் அமிலம் (ALA) நிறைந்துள்ளது. இதில் உள்ள நார்ச்சத்து உடலில் உள்ள கொழுப்பு மற்றும் கார்போஹைட்ரேட்டுகளை உறிஞ்சுவதை குறைக்கிறது. இதன் மூலம் உடலில் கொழுப்பை எரிக்கும் வளர்சிதை மாற்றத்தை தூண்டுகிறது.

சப்ஜா விதைகளில் கலோரிகள் குறைவாகவும், கால்சியம், பாஸ்பரஸ், மெக்னீசியம் மற்றும் இரும்புச்சத்து உள்ளிட்ட வைட்டமின்களும் தாதுக்களும் நிறைந்துள்ளன. மேலும் இதில் நிறைந்துள்ள நார்ச்சத்து தேவையற்ற பசியை தடுக்கிறது. இவை அனைத்தும் உடல் எடையை குறைக்க உதவுகின்றன.

எலுமிச்சை

எலுமிச்சை எளிதாக ஜீரணமாகும். புளிப்பு சுவை நிறைந்த இந்த பழம் சூடான விளைவைக் கொண்டுள்ளது. இது பசியின்மை போக்கி வளர்சிதை மாற்றத்தை மேம்படுத்துகிறது. சிறுநீரை அதிகரிக்கும் பண்புகளும் எலுமிச்சையில் உள்ளன. இது உடலில் உள்ள நச்சுக்களை அகற்றி எடை இழப்புக்கு உதவுகிறது.

எலுமிச்சையுடன் தேன் கலந்து குடித்தால் கொழுப்பை விரைவில் கரைக்கலாம். கொழுப்பை எரிக்கும் பண்புகளுடன், ஃபோலேட், தியாமின், பாஸ்பரஸ், மெக்னீசியம், கால்சியம் மற்றும் பொட்டாசியம் போன்ற சத்துக்களும் எலுமிச்சையில் நிறைந்துள்ளன. வைட்டமின் C மற்றும் ஆன்டி ஆக்ஸிடன்ட்டுகள் நிறைந்த எலுமிச்சை அழற்சி மற்றும் எடையை குறைப்பதில் மிகவும் பயனுள்ளதாக இருக்கும்.

இந்த பதிவும் உதவலாம்: ஒரு நாளைக்கு எவ்வளவு தண்ணீர் குடிக்க வேண்டும் தெரியுமா?

தேன்

ஆயுர்வேத முறைப்படி தேன் கொழுப்பை கரைக்க சிறந்தது. இனிப்பு சுவை நிறைந்த தேனை பருகி கோடை காலத்தில் ஏற்படும் இனிப்பு ஆர்வத்தை குறைக்கலாம். இது இயற்கையாகவே சூடான விளைவைக் கொண்டது. இது உடம்பில் உள்ள கூடுதல் கொழுப்பு மற்றும் கெட்ட கொழுப்பை குறைத்து எடை இழப்பை சுலபமாக்குகிறது.

வெதுவெதுப்பான தண்ணீர்

உடல் எடையை கட்டுக்குள் வைத்திருக்க நீரேற்றமாக இருப்பதே சிறந்த வழியாகும். வெந்நீர் குடிக்கும்போது, உடலின் வெப்பநிலை மாறி வளர்சிதை மாற்றத்தை செயல்படுத்துகிறது. இது எடையைக் குறைக்க உதவும்.

உணவுக்கு 30 நிமிடங்களுக்கு முன் வெதுவெதுப்பான நீரை குடிப்பது கலோரி உட்கொள்ளலை கட்டுப்படுத்த உதவுகிறது. கூடுதல் நன்மைகள் பெற இதனுடன் எலுமிச்சை மற்றும் தேன் கலந்து குடிக்கலாம். இது வளர்சிதை மாற்றத்தை விரைவுபடுத்தி எடை இழப்புக்கு வழிவகுக்கிறது.

எனவே கோடையில் வெறும் வயிற்றில் (அல்லது உணவுக்கு 1 மணி நேரத்திற்கு முன்) இந்த பானத்தை குடிக்கலாம்.

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik