வாரத்தில் 7 நாட்களும் முட்டை சாப்பிடுவது நல்லது என அறிவுருத்தப்படுகிறது. பலர், மற்ற நாட்களை விடவும் குளிர்காலங்களில் முட்டைகளை அதிகம் விரும்பி சாப்பிடுகின்றனர். பெரும்பாலான மக்கள் தினமும் காலை நேரத்தில் அல்லது மதிய உணவில் முட்டைகளை சேர்த்து கொள்கின்றனர்.
முட்டைகளை அதிகம் விரும்பி உண்பதால் பெரும்பாலானோர் குளிர்காலத்தில் 2-3 முட்டை ட்ரேக்களை ஒரே நேரத்தில் வாங்கி வீட்டில் அடுக்கி கொள்வார்கள். இப்படி செய்தால் அடிக்கடி கடைக்கு செல்ல வேண்டிய அவசியம் இருக்காது, மொத்தமாக வாங்கும் போது பணமும் மிச்சமாகும் என நினைக்கின்றனர். ஆனால் இப்படி மொத்தமாக வாங்கி வைக்கும் போது முட்டை கெட்டு போகவும் வாய்ப்புண்டு.
அத்தகைய சூழ்நிலையில் குளிர்காலத்தில் கிச்சனில் இருக்கும் முட்டைகள் கெட்டுப்போகாமல் நீண்ட நாட்களுக்கு பராமரிக்க என்ன செய்ய வேண்டும்? என்பதை இந்த பதிவின் மூலம் தெரிந்து கொள்வோம். முட்டைகளை முறையாக பராமரிப்பது எப்படி என்ற டிப்ஸ்களை இதில் சொல்ல போகிறோம். படித்து பயனடையுங்கள்.
இந்த பதிவும் உதவலாம்:உங்கள் வீட்டு பிரிட்ஜ் எப்போது கெட்டு போகும் தெரியுமா?
குளிர்காலத்தில் முட்டைகளை நீண்ட நாட்களுக்கு பாதுகாப்பாக சேமிப்பதற்கு சணல் மூலம் செய்யப்பட்ட பைகளே சிறந்தது. இதற்கு முட்டையை அட்டைப்பெட்டியில் போட்டு அதை சணல் பையில் வைத்து மூடி சமதளமான இடத்தில் வைக்கவும். இதனால் முட்டைகள் சூடாக இருப்பதோடு, நீண்ட நாட்களுக்கு கெட்டுப் போகாமல் இருக்கும். சிலர் முட்டைகளை பிளாஸ்டிக் பை மற்றும் அல்லது பிளாஸ்டிக் கவர்களில் போட்டு வைப்பார்கள் . அது தவறான முறையாகும்.
குளிர்காலத்தில் முட்டைகள் கெட்டு போகாமல் இருக்க பானையில் வைத்து பராமரிக்கலாம். இதற்கு, ஒரு பெரிய பானையை எடுத்துக் கொள்ளுங்கள். அதில் காய்ந்த புல்லை போட்டு சமமாக செய்து எல்லா முட்டைகளையும் அதன் உள்ளே வைத்து விடவும். முட்டைகளை வைத்த பிறகு அதன் மேல் மீண்டும் காய்ந்த புல்லை போட்டு இறுதியில் பானையை துணி அல்லது தட்டு போட்டு மூடி வைக்கவும். இப்படி செய்தால் ஒரு மாதத்திற்கு மேல் முட்டைகள் கெட்டுப்போவாது.
மினரல் ஆயிலை பயன்படுத்துவது குளிர்காலத்தில் முட்டைகளை நீண்ட நாட்களுக்கு பராமரிக்க உதவுகிறது. இதற்கு முதலில் அனைத்து முட்டைகளிலும் மினரல் ஆயில் தடவவும். பின்பு அனைத்து முட்டைகளையும் சிறிது நேரம் வெயிலில் வைத்து, அதனை அட்டைப்பெட்டியில் போட்டு சமையலறையில் வைக்கவும். இதனால் ஒரு மாதத்திற்கு மேல் முட்டைகள் கெட்டுப்போவதில்லை.
இந்த பதிவும் உதவலாம்:வீட்டில் நெய் இல்லையா? அதற்கு பதிலான சிறந்த மாற்று பொருட்கள் இவை தான்
இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்
Images Credit: freepik
Herzindagi video
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். [email protected]
