பாம்பு என்பது இந்து மதத்தில் மிகுந்த மரியாதைக்குரிய உயிரினமாகக் கருதப்படுகிறது. ஒரு சில கோவில்களில் கடவுள் சிலைகளுடன் பாம்புகளின் சிலைகளும் காணப்படுகின்றன. குறிப்பாக சிவபெருமானின் கழுத்தில் வலம்புரி நாகம், திருமாலுக்கு ஆதிசேஷன் பாம்பு படுக்கையாக அமைகிறது. விநாயகர், முருகன் போன்ற தெய்வங்களுடனும் பாம்புகள் தொடர்புடையவை. இவ்வாறு பாம்புகள் இந்து மதம் மற்றும் ஆன்மீகத்தில் ஆழமாக தொடர்பு கொண்டுள்ளது. அந்த வரிசையில் வீட்டில் பாம்பு நுழைந்தால் என்ன அர்த்தம் என்றும் ஜோதிடம் கூறுவது என்ன என்று இந்த கட்டுரையில் பார்க்கலாம்.
பாம்புகளின் இயல்பு:
பாம்பு என்றாலே பலருக்கு பயம் ஏற்படும். ஆனால், எந்த உயிரினமும் துன்புறுத்தப்படாமல் இருந்தால் மனிதர்களை தாக்காது. பாம்புகளும் அதேபோன்றவை தான். அவற்றைத் துன்புறுத்தாமல் இருந்தால் அவை மனிதர்களுக்கு எந்தத் தீங்கும் விளைவிக்காது. இருந்தாலும் பாம்புகள் விஷம் கொண்டவை என்பதால், பாம்புகளைப் பார்த்தவுடன் பலர் அச்சம் கொள்கிறார்கள்.
வீடுகளில் பாம்புகள் நுழைந்தால் என்ன ஆகும்?
சமீப காலமாக பல வீடுகளில் சமையலறைகள், கழிவறைகள், ஏசி குழாய்கள் போன்ற இடங்களில் பாம்புகள் பதுங்கியிருப்பதாகச் செய்திகள் வருகின்றன. ஆன்மீகத்தில் பாம்புகளுக்கு ஒரு தனி முக்கியத்துவம் உள்ளது. வீட்டில் பாம்பு நுழைவது நல்ல அதிர்ஷ்டமா அல்லது துரதிர்ஷ்டமா என்பது குறித்து பல்வேறு கருத்துகள் உள்ளன.
வீட்டில் பாம்பு நுழைவதன் அர்த்தம் நம் பின்பற்றும் கலாச்சாரம் மற்றும் தனிப்பட்ட நம்பிக்கைகளைப் பொறுத்து மாறுபடும். சிலருக்கு இது செல்வம் மற்றும் நல்ல அதிர்ஷ்டத்தின் அடையாளம். மற்றவர்களுக்கு இது தீமை அல்லது நோயின் எச்சரிக்கையாகக் கருதப்படுகிறது. பாம்புகள் தங்கள் தோலைக் கழித்து புதுப்பிக்கும் தன்மை கொண்டவை. எனவே, இது மாற்றம், புதுப்பித்தல் மற்றும் ஆன்மீக வளர்ச்சியைக் குறிக்கலாம்.
மேலும் படிக்க: இரவில் நாய் ஊளையிட்டால் என்ன அர்த்தம் தெரியுமா? ஜோதிடம் கூறுவது என்ன?
குலதெய்வம் மற்றும் பாம்புகளின் தொடர்பு:
சில ஆன்மீக நம்பிக்கைகளின்படி, குலதெய்வத்தை புறக்கணிப்பது அல்லது வழிபாடுகளை சரியாகச் செய்யாததால் பாம்புகள் வீட்டில் வரலாம். குலதெய்வங்கள் நாகரூபத்தில் வந்து தங்கள் கோபத்தை வெளிப்படுத்துவதாகவும் கூறப்படுகிறது. இதுபோன்ற நிகழ்வுகள் கனவுகளிலும் தோன்றலாம்.
குண்டலினி சக்தி:
யோகா மற்றும் ஆன்மீக மரபுகளில், குண்டலினி சக்தி ஒரு சுருண்ட பாம்பு போன்று கருதப்படுகிறது. இது மனிதர்களின் ஆன்மீக விழிப்பைக் குறிக்கிறது. எனவே, பாம்புகள் குண்டலினி சக்தியின் அடையாளமாகவும் கருதப்படுகின்றன.
ஜோதிடம் மற்றும் பாம்புகள்:
ஜோதிடத்தின்படி, ராகு மற்றும் கேது கிரகங்களின் தாக்கம் காரணமாக வீட்டில் பாம்புகள் தோன்றலாம். இந்த கிரகங்கள் பாம்புகளுடன் தொடர்புடையவை. எனவே, இவற்றின் தவறான நிலை காரணமாக பாம்புகள் வீட்டில் வருவதாக நம்பப்படுகிறது.
தீய சக்திகள் மற்றும் பாம்புகள்:
சில ஆன்மீக நம்பிக்கைகளின்படி, தீய குணம் கொண்டவர்களின் வீட்டில் விஷப்பாம்புகள் வரலாம். சில நேரங்களில் முன்னோர்களின் சாந்தி கிரியைகள் சரியாக நடத்தப்படாவிட்டாலும் வீட்டில் பாம்புகள் தோன்றலாம். மேலும், நாகப்புற்றுகளை அழிப்பதால் பாம்புகள் கோபம் அடைந்து வருவதாகவும் சொல்லப்படுகிறது.
பாம்புகள் வீட்டில் நுழைவது நல்லதா கெட்டதா என்பது பல காரணங்களைப் பொறுத்தது. எனினும், விஷப்பாம்புகள் வந்தால் எச்சரிக்கையாக இருந்து அவற்றைப் பிடித்து வெளியேற்றுவதே நல்லது. ஆன்மீக ரீதியாக எதுவாக இருந்தாலும், பாம்புகளுடன் பாதுகாப்பான முறையில் நடந்து கொள்வது அவசியம்.
Image credits: Freepik
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation