காஷ்மீரி பாப்ரிபியோல் குடித்து கோடை வெயில் சூட்டை தணிச்சுக்கோங்க

குக் வித் கோமாளி நிகழ்ச்சியின் மூலம் பல புதிய ரெசிபிக்களை தெரிந்து கொண்டு அதை சமைத்து ருசிக்கும் வாய்ப்பு கிடைக்கிறது. சென்ற வார எபிசோடில் உமர் காஷ்மீரி பாப்ரிபியோல் பானம் செய்திருந்தார். காஷ்மீரி ஹரிசா, காஷ்மீரி பிரெட் செய்த முந்தைய எபிசோடில் இதை பார்த்திருப்பீர்கள். இது காஷ்மீரில் கந்த் சர்பத் என்றழைக்கப்படுகிறது. பால், சப்ஜா விதைகளை முதன்மை பொருட்களாக கொண்டு இதை தயாரிக்கின்றனர். தமிழகத்தில் வாட்டி வதைக்கும் வெயிலில் இருந்து தப்பிக்க ஜூஸ், ஐஸ் கிரீம், சர்பத், ஜிகர்தண்டா ஆகியவற்றை குடிக்கிறோம். இந்த பாப்ரிபியோல் எனும் கந்த் சர்பத் கோடை பானம் என்றே பெயர் பெற்றுள்ளது. இதை நாமும் வீட்டில் தயாரித்து குடிக்கலாம். வாருங்கள் காஷ்மீரி பாப்ரிபியோல் எப்படி செய்வது என பார்ப்போம்.