வெறும் 10 நிமிடங்களில் ஆரோக்கியமான சர்க்கரை வள்ளிக்கிழங்கு வால்நட் அல்வா ரெடி

ஸ்வீட் சாப்பிட வேண்டும் என்று தோன்றினால் பலரது வீடுகளில் கேசரியை சட்டென்று செய்திருவார்கள். இல்லையென்றால் குளோப் ஜாமூன், பாயாசம் போன்ற ரெசிபிகள் நிச்சயம் இடம் பெற்றிருக்கும். இதெல்லாம் குழந்தைகளின் இனிப்பு ஆசையைத் தீர்ப்பதற்கு வேண்டும் என்றால் உபயோகமாக இருக்கும். ஆனால் உடலுக்கு ஆரோக்கியம் கிடைக்குமா? என்றால் கேள்விக்குறி தான். இதற்கு எல்லாம் தீர்வு காண வேண்டும் என்றால், உங்களது வீட்டு கிச்சனில் ஒருமுறையாவது ஊட்டச்சத்துள்ள சர்க்கரை வள்ளிக்கிழங்கு மற்றும் வால்நட்டைப் பயன்படுத்தி அல்வா செய்யுங்கள். இதுவரை நீங்கள் செய்தது இல்லையென்றால் இதோ அதற்கான ரெசிபி டிப்ஸ்கள் உங்களுக்காக.

சர்க்கரை வள்ளிக்கிழங்கு வால்நட் அல்வா:

பொதுவாக சர்க்கரை வள்ளிக்கிழங்கை அதிகளவில் உணவில் சேர்த்துக் கொள்ளும் போது இதன் நார்சச்த்துக்கள் செரிமான பிரச்சனையை சீராக்கி உடல் நல பிரச்சனையின்றி பாதுகாக்கிறது. அதிலும் வால்நட், ஏலக்காய், முந்திரி போன்றவற்றை சேர்த்து அல்வா செய்தால் சொல்லவா வேண்டும். நிச்சயம் உடலுக்கு ஆற்றலை அளிக்கும். அதற்கு தேவையான பொருட்கள் இங்கே.

மேலும் படிக்க: காரசாரமான மிளகாய் வத்தல் சிக்கன் ப்ரை ரெசிபி டிப்ஸ் இங்கே.

தேவையான பொருட்கள்:

• சர்க்கரை வள்ளிக்கிழங்கு - 1
• நெய் - சிறிதளவு
• நாட்டு சர்க்கரை - ஒரு கப்
• ஏலக்காய் தூள் - சிறிதளவு
• பாதாம், வால்நட், முந்திரி - சிறிதளவு

சர்க்கரை வள்ளிக்கிழங்கு வால்நட் அல்வா செய்முறை:

• முதலில் பெரிய சர்க்கரை வள்ளிக்கிழங்கு ஒன்றை எடுத்துக் கொள்ள வேண்டும். நன்கு சுத்தம் செய்த பின்னதாக இதன் தோலை நீக்கிக் கொள்ள வேண்டும்.
• பின்னர் கேரட் துருவுவது போன்று சர்க்கரை வள்ளிக்கிழங்கை நைஸாக துருவிக் கொள்ள வேண்டும்.
• ஒரு கடாயில் சிறிதளவு நெய் ஊற்றி வால்நட்,.முந்திரி, பாதாம் போன்றவற்றை வறுத்தெடுத்துக்கொள்ளவும்.

மேலும் படிக்க: டிபன் பாக்ஸ்க்கு என்ன செய்யணும்னு யோசிக்கிறீங்களா? மசாலா தேங்காய் சாதம் ட்ரை பண்ணுங்க

• ஒரு கடாயில் நெய் ஊற்றி துருவி வைத்துள்ள சர்க்கரை வள்ளிக்கிழங்கை சேர்த்து லேசாக வதக்கவும். இதனுடன் சிறிதளவு தண்ணீர் சேர்த்து 2 நிமிடங்கள் மூடி போட்டு மூடி வைத்துவிட வேண்டும்.
• இதையடுத்து உங்களின் இனிப்பு சுவைக்கு ஏற்றவாறு நாட்டுச்சர்க்கரையை சர்க்கரை வள்ளிக்கிழங்கில் சேர்த்து நன்கு கிளறிக் கொள்ள வேண்டும்.
• ஒரு 5 நிமிடங்களுக்குப் பிறகு பொடியாக்கி வைத்துள்ள ஏலக்காய் தூள் சேர்த்துக் கொள்ளவும்.
• இறுதியாக வறுத்து வைத்துள்ள வால்நட், முந்திரி,பாதாம் போன்றவற்றை சேர்த்து இறக்கினால் போதும். சுவை மட்டுமல்ல ஆரோக்கியத்தையும் உடன் சேர்க்கும் சர்க்கரை வள்ளிக்கிழங்கு வால்நட் அல்வா ரெடி.

மேலும் படிக்க: மாதவிடாய் வலி நீக்குவது முதல் பெண்களின் ஆரோக்கியம் காக்கும் கருப்பு உளுந்து கஞ்சி

மேற்கூறிய நான்கு பொருட்களை வைத்து வெறும் 10 நிமிடங்களில் ஊட்டச்சத்துள்ள சர்க்கரை வள்ளிக்கிழங்கு வால்நட் அல்வாவை ஒருமுறையாவது ட்ரை பண்ணிப்பாருங்கள். சோசியல் மீடியாக்களில் இந்த ரெசிபிகள் பிரபலமாகி வருகிறது என்பது குறிப்பிடத்தக்கது.

Image credit - Freepik