Guava Leaves Uses : பல நோய்களுக்கு மருந்தாகும் கொய்யா இலைகளை, எப்படி பயன்படுத்த வேண்டும் தெரியுமா?

கொய்யா பழத்தின் நன்மைகளை அறிந்திடாதவர்கள் இருக்க முடியாது. ஆனால் ஒரு சிலருக்கு கொய்யா இலையின் நன்மைகள் பற்றி தெரிவதில்லை. சளி முதல் வைரஸ் தொற்று வரை பலவிதமான உடல் நல பிரச்சனைகளுக்கு கொய்யா இலைகள் மூலம் தீர்வு காணலாம். இதில் உள்ள மருத்துவ குணங்கள் நோய்களை விரட்டிட உதவுகின்றன. மேலும் பல நோய்களுக்கும் கொய்யா இலையின் டீ பரிந்துரை செய்யப்படுகிறது.

கொய்யா இலைகளை எடுத்துக் கொள்ளும் முறை

• 4-5 கொய்யா இலைகளை நன்கு கழுவி சுத்தம் செய்து கொள்ளவும். இதை இரண்டு கிளாஸ் தண்ணீருடன் சேர்த்து நன்கு கொதிக்க வைக்கவும். தண்ணீர் பாதியாக வற்றும் வரை கொதிக்க வைத்து ஆறவிடவும். இதை வடிகட்டி பருகலாம்.

இந்த பதிவும் உதவலாம்: உணவில் உளுந்து சேர்த்துக்கோங்க, உடல் பலத்துடன் ஆரோக்கியமாக வாழலாம்!

• கொய்யா இலைகள் பற்களுக்கும் ஈறுகளுக்கும் மிகவும் நல்லது. தண்ணீருடன் கொய்யா இலைகள், கிராம்பு மற்றும் கல் உப்பு சேர்த்து கொதிக்க வைத்து, இந்த நீரைக் கொண்டு வாய் கொப்பளித்தால் பல் வலி குறையும்.

• இப்போது கொய்யா இலைகளை கொண்டு தயாரிக்கப்பட்ட மவுத் வாஷ்கள் விற்பனை செய்யப்படுகின்றன. வாய் துர்நாற்றத்தில் இருந்து விடுபட இதுபோன்ற மவுத்வாஷ்களை பயன்படுத்தலாம்.

• வாய் புண்களை குணப்படுத்தவும் கொய்யா இலைகள் மிகவும் பயனுள்ளதாக இருக்கும். இதற்கு மென்மையான கொய்யா இலைகளை வாயில் போட்டு பொறுமையாக மெல்லலாம். இதன் சாறு வாய் புண்ணுகளை குணப்படுத்த உதவும்.

• செரிமான பிரச்சனைகளிலிருந்து விடுபட கொய்யா இலைகளை கொண்டு டீ போட்டு குடிக்கலாம்.

• வயிற்றுப்போக்கை கட்டுப்படுத்த கொய்யா இலை டீயுடன் அரை டீஸ்பூன் சுக்கு கலந்து குடிக்கலாம். இது கல்லீரல் சார்ந்த பிரச்சனைகளுக்கும் நன்மை தரும்.

• கொய்யா இலையின் ஜூஸ் அல்லது டீ கூந்தல் சருமம் மற்றும் ஆரோக்கியத்திற்கு அதிக நன்மைகளை தருகின்றன. இவை இரத்த அழுத்தம் மற்றும் இதயத்துடிப்பை சீராக வைத்துக் கொள்ள உதவுகின்றன.

• கொலஸ்ட்ராலின் அளவுகளை கட்டுப்படுத்த கொய்யா இலை டீ குடிக்கலாம்.

கொய்யா இலையின் நன்மைகள்

• கொய்யா இலை எடை இழப்புக்கு உதவுகிறது.

• லூஸ் மோஷன் அல்லது வயிற்றுப்போக்கை கட்டுப்படுத்த கொய்யா இலைகள் மிகவும் பயனுள்ளதாக இருக்கும்.

• இது செரிமான என்சைம்களின் உற்பத்திக்கு உதவுகிறது. இதனால் செரிமான மண்டலம் ஆரோக்கியமாக இருக்கும்.

• இதில் உள்ள ஆன்ட்டி பாக்டீரியல் பண்புகள் வயிற்றில் உள்ள தீங்கு விளைவிக்கும் பாக்டீரியாக்களை நீக்க உதவுகின்றன.

• கொய்யா இலைகள் குறித்து மேற்கொள்ளப்பட்ட ஒரு ஆய்வின்படி, இது இரத்த அழுத்தம் மற்றும் சர்க்கரை நோய்க்கு அதிக நன்மைகளை தருவதாக நிரூபிக்கப்பட்டுள்ளது. இது இதய ஆரோக்கியத்திற்கும் மிகவும் நல்லது.

இந்த பதிவும் உதவலாம்: புளிக்குள் ஒளிந்திருக்கும் அதிசயம், புளியங்கொட்டையில் இவ்வளவு நன்மைகளா!

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik