உடலை சுத்தம் செய்ய வேண்டும் என்றால் நாம் சோப்பு போட்டு குளிப்போம் அல்லது ஷாம்பு போட்டு குளிப்போம். அதே மாதிரி நீங்கள் என்றாவது யோசித்துப் பார்த்திருக்கிறீர்களா? உங்கள் உடலில் உள்ள உள் உறுப்புகளை எப்படி சுத்தம் செய்ய வேண்டும்? உடலில் உள்ள உள் உறுப்புகளை நாம் கட்டாயம் சுத்தம் செய்ய வேண்டும். அப்படி உடலில் உள்ள உள் உறுப்புகள் அழுக்காக, கழிவுகள் நிறைந்து இருந்தால் பல உடல்நல பிரச்சனைகள் ஏற்படும். உடலில் எந்த உறுப்புகளில் பிரச்சனை இருக்கிறதோ அதற்கு ஏற்றபடி சில இயற்கையான பொருட்களை நீங்கள் சாப்பிட்டு உங்கள் உள் உறுப்புகளை சுத்தம் செய்து கொள்ளலாம். நாம் தினமும் எத்தனையோ உணவுகளை சாப்பிடுகிறோம. உடலில் உள்ள உறுப்புகளை சுத்தம் செய்ய என்ன உணவுகளை சாப்பிட வேண்டும் என்பதை தெரிந்து கொள்வோம்.
மேலும் படிக்க: "துர்நாற்றத்துடன் வெளிப்படும் வெள்ளைப்படுதல்" பிரச்சனைக்கு மோருடன் இதை கலந்து 5 நாள் குடியுங்கள்
உடல் செயல்பாட்டிற்கு மிகவும் முக்கியமான உறுப்பான கல்லீரலை எப்படி சுத்தம் செய்ய வேண்டும் என்று யோசிக்கிறீர்களா அதற்கான எளிய வழிமுறை இதில் உள்ளது. மஞ்சள், எலுமிச்சை பழம், இஞ்சி, பூண்டு இந்த நான்கு பொருட்களை வைத்து கல்லீரலை நாம் சுத்தம் செய்யலாம்.
பூண்டை நீங்கள் பல வழிகளில் எடுத்துக் கொள்ளலாம். குழம்பு, மற்றும் மதிய சமையல் வேலைகளில் விருப்பமான வகைகளில் பூண்டை நீங்கள் சமைத்து சாப்பிட்டு கொள்ளுங்கள்.
நமது நுரையீரல் நமது மூச்சுக்காற்றை இழுத்து விடுவதற்கு செயல்படும் உறுப்பாகும். நிறைய பேருக்கு புகைபிடித்தல் பழக்கம் இருப்பதால் நுரையீரலில் புகை படிந்து பல பிரச்சனைகளை சந்திப்பார்கள். காற்றின் மாசுக்கள் காரணமாக பல பிரச்சனைகள் ஏற்படும். இதற்கு பைனாப்பிள் , எலுமிச்சை (சிட்ரஸ் பழங்கள்) அல்லது ஆரஞ்சு, இஞ்சி ஆகியவற்றை சாப்பிட வேண்டும்.
நன்றாக தண்ணீர் குடித்தாலே கிட்னி சுத்தமாகும். என்ன சாப்பிட்டு சுத்தம் செய்யலாம் என்றால், நீர்ச்சத்து அதிகம் நிறைந்த வெள்ளரிக்காய், எலுமிச்சை, தர்பூசணி பழம்.
இரத்தத்தில் கிருமிகள் இருக்கும் போது உடலில் உள்ள உறுப்புகளில் தொற்று நோய் ஏற்பட்டு உடல்நல பிரச்சனைகள் ஏற்படும். எனவே இரத்தத்தை நாம் சுத்தமாக வைத்துக் கொள்ள வேண்டும். மாதுளை, ஆரஞ்சு, இஞ்சி இந்த மூன்றும் இரத்தத்தை சுத்தம் செய்ய உதவுகிறது. கூடுதலாக நமது சமையலில் பயன்படுத்தக்கூடிய கருவேப்பிலை உடலில் உள்ள இரத்தத்தை சுத்தம் செய்ய பெரிதும் உதவும்.
சிவப்பு நாட்டு கொய்யா பழம் அதிகம் சாப்பிட்டால் வயிற்றில் உள்ள கழிவுகள் சுத்தமாகும். தினமும் இதை சாப்பிட முடியவில்லை என்றாலும் வாரத்திற்கு இரண்டு முறையாவது இதை சாப்பிட வேண்டும். தண்ணீர் நிறைய குடிக்க வேண்டும். கோடைகாலத்தில் நீரேற்றமாக நீங்கள் இருக்க வேண்டும். இந்த பதிவில் உள்ள குறிப்புகளை நீங்கள் பின்பற்றினால் உடலில் உள்ள ராஜ உறுப்புகளை நீங்கள் சுத்தம் செய்து கொள்ளலாம்.
மேலும் படிக்க: உடலுறவுக்குப் பிறகு சிறுநீர் கழிப்பது கர்ப்பத்தைத் தடுக்குமா?
இந்த கட்டுரை உங்களுக்கு பிடித்திருந்தால் உங்கள் நண்பர்களுக்கு பகிருங்கள். மேலும், இதுபோன்ற உடல்நலம், ஆரோக்கியமான வாழ்வு சார்ந்த சுவாரஸ்யமான தகவல்களை தினமும் தெரிந்து கொள்ள எப்போதும் ஹெர்ஜிந்தகி உடன் இணைந்திருங்கள். ஹெர்ஜிந்தகியின் முகநூல் பக்கத்தை இந்த லிங்கின் மூலம் பின் தொடருங்கள் HerZindagi Tamil
image source: freepik
Herzindagi video
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். [email protected]
