Health tips for women: நீண்ட நேரம் ஒரே இடத்தில் அமர்ந்து வேலை பார்க்கும் பெண்களா நீங்கள்? அப்போ இந்த ஹெல்த் டிப்ஸை ஃபாலோ பண்ணுங்க

இன்றைய சூழலில் லட்சக்கணக்கான அலுவலக ஊழியர்கள் இது போன்ற பாதிப்புகளுடன் கடுமையாக போராடி வருகிறார்கள். இந்த வேலையை தக்கவைத்துக் கொண்டே எவ்வாறு ஆரோக்கியமாக செயல்படுவது என்று பலரும் குழப்பம் கொள்கின்றனர். அந்த வகையில், இந்த வேலையினால் ஏற்படும் பாதிப்புகள் குறித்து முதலில் நாம் ஆராய வேண்டும்.

அலுவலக வேலையின் காரணமாக ஏற்படும் உடல்நல பாதிப்புகள்:

அதிக நேரம் உட்கார்ந்திருப்பது புகைப்பிடிக்கும் பழக்கத்திற்கு சமமானது என்று கூறப்படுகிறது. இன்றைய பல வேலைகள் நீண்ட நேரம் உட்கார்ந்தே செய்ய வேண்டியவை. இதில் ஊழியர்கள் 10 முதல் 12 மணிநேரம் வரை தங்கள் இருக்கைகளில் அமர்ந்து இருக்கின்றனர். இது நீங்கள் பணியாற்றும் நிறுவனங்களுக்கு லாபகரமாக இருந்தாலும், உங்களுக்கு கடுமையான உடல்நல பாதிப்புகளை ஏற்படுத்தக் கூடும்.

நீங்கள் உடற்பயிற்சிகள் மேற்கொண்டாலும் கூட நீண்ட நேரம் அமர்ந்து இருந்தால் டைப் 2 நீரிழிவு நோய், வளர்சிதை மாற்றத்தில் பிரச்சனைகள், இருதய நோய் பாதிப்பு உள்ளிட்ட பல பிரச்சனைகளுக்கு வழிவகுக்கும். இது போன்ற பிரச்சனைகளில் இருந்து உங்களை தற்காத்துக் கொள்ள வேண்டுமானால், சில வகையான வாழ்வியல் மாற்றங்களை நீங்கள் மேற்கொள்வது அவசியம் ஆகும்.

உங்களது அலுவலக பணியை ஆரோக்கியமானதாக மாற்றும் முறைகள்:

ஏறத்தாழ 30 முதல் 60 நிமிடங்களுக்கு ஒரு முறை அலாரம் வைத்து, இரண்டு முதல் மூன்று நிமிடங்களுக்கு நடக்க வேண்டும். இது தவிர 10 முறை ஸ்குவாட்ஸ் பயிற்சியை மேற்கொள்ளலாம். இப்படி செய்யும் போது இரத்த ஓட்டம் மேம்படும் என வல்லுநர்கள் அறிவுறுத்துகின்றனர்.