உடலில் ஏற்படும் இந்த மாற்றங்கள் கொழுப்பு கல்லீரல் பாதிப்பைக் குறிக்கும்

கல்லீரல் நமது உடலின் ஒரு முக்கிய அங்கமாகும், மேலும் ஆரோக்கியமாக இருக்க கல்லீரல் சரியாக செயல்படுவது மிகவும் முக்கியம். இப்போதெல்லாம் தவறான உணவுப் பழக்கவழக்கங்களாலும், முறையற்ற வாழ்க்கை முறையாலும் கல்லீரல் பிரச்சனைகள் அதிகரித்து வருகின்றன. கல்லீரல் சரியாக செயல்படாததன் விளைவு நமது முழு ஆரோக்கியத்தையும் பாதிக்கிறது. கொழுப்பு கல்லீரல் நோய்கள் வேகமாக அதிகரித்து வருகின்றன. இதன் காரணமாக கல்லீரலில் நச்சுத்தன்மையை நீக்கும் செயல்களை சரியாக செய்ய முடிவதில்லை. இதனால் உடலில் நச்சுகள் சேரும்போது பல வகையான நோய்கள் நம்மை வந்து சேருகிறது. கொழுப்பு கல்லீரலுடன் உங்கள் உடலில் வேறு சில அறிகுறிகளை நீங்கள் கண்டால், அவற்றை புறக்கணிக்காதீர்கள். இந்த அறிகுறிகள் கல்லீரல் பாதிப்பின் அறிகுறியாக இருக்கலாம். அத்தகைய சில அறிகுறிகளைப் பற்றி இங்கே நாங்கள் உங்களுக்குச் சொல்கிறோம், கொழுப்பு கல்லீரல் இருந்தால் கவனமாக இருக்க வேண்டும். இது குறித்து டயட்டீஷியன் மன்பிரீத் தகவல் அளித்து வருகிறார். டெல்லி பல்கலைக்கழகத்தில் ஊட்டச்சத்து பிரிவில் முதுகலைப் பட்டம் பெற்றுள்ளார். அவர் ஒரு ஹார்மோன் மற்றும் கேட் ஹெல்த் பயிற்சியாளர்.

மேலும் படிக்க:  டெங்குகாய்ச்சல் வந்ததா என்பதை கண்டறி எத்தனை நாட்களுக்கு பிறகு பரிசோதனை செய்ய வேண்டும்?

கொழுப்பு கல்லீரலில் காணப்படும் அறிகுறிகள்

• கொழுப்பு கல்லீரல் மற்றும் உடல் எடையை குறைப்பதில் சிரமம் இருந்தால், உங்கள் கல்லீரல் சரியாக செயல்படவில்லை என்று அர்த்தம்.
• கொழுப்பு கல்லீரல் ஏற்படுவதற்கு உடல் பருமன் ஒரு முக்கிய காரணம். இருப்பினும் உங்கள் கல்லீரல் சரியாக செயல்படவில்லை என்றால் அது செரிமானத்தை பாதிக்கிறது மற்றும் நீங்கள் எடை இழக்க முடியாது.

• உங்கள் வாய் அல்லது உடலில் இருந்து துர்நாற்றம் வந்தால் கல்லீரல் சரியாக செயல்படவில்லை என்பதற்கான அறிகுறியாகும். இதனால் கல்லீரல் சரியாகச் செயல்படாதபோது, உடலில் நச்சுகள் சேரத் தொடங்கும்.
• நாக்கில் வெள்ளை நிற அடுக்கு உருவாவதும் உங்கள் கல்லீரல் சரியாக செயல்படவில்லை என்பதற்கான அறிகுறியாகும். கல்லீரலின் செயல்பாடு சரியாக இல்லாதபோது, உடலால் நச்சு நீக்கம் செய்ய முடியாது.
• நீங்கள் தொடர்ந்து தோல் நோய்த்தொற்றுகள், முகப்பரு, அந்தரங்க பகுதிகளில் பருக்கள் வந்தால் இதற்கு கல்லீரல் பாதிப்பின் அறிகுறியாகும். அதை அலட்சியம் செய்யாதீர்கள்.

• அடிக்கடி ஏற்படும் தலைவலி கல்லீரல் பிரச்சனைகளையும் குறிக்கிறது.
• கல்லீரல் சரியாக செயல்படாதபோது செரிமானம் தொடர்பான பிரச்சனைகள் ஏற்படுவது வழக்கம். உண்ணும் உணவைச் சரியாக ஜீரணிக்க முடியாவிட்டால் அடிக்கடி வயிற்று உப்புசம், வாயு, வாந்தி, அஜீரணம் போன்றவை ஏற்பட்டால். அதனால் கல்லீரல் செயலிழப்பின் அறிகுறியாகக் இருக்கலாம்.
• கல்லீரல் சரியாக செயல்படவில்லை என்றால், நோய் எதிர்ப்பு சக்தி குறையத் தொடங்குகிறது. நீங்கள் மீண்டும் மீண்டும் நோய்களுக்கு இரையாகிக் கொண்டிருந்தால், இதற்குக் காரணம் கல்லீரல் செயல்பாடு சரியில்லாமல் இருக்கலாம்.

மேலும் படிக்க:  ஆரோக்கியத்தின் பொக்கிஷமாக இருக்கும் மாதுளை விதைகளின் நன்மைகள் பற்றி தெரியுமா?

• உடலில் ஊட்டச்சத்து குறைபாடு, ஹார்மோன் சமநிலையின்மை மற்றும் கல்லீரல் பிரச்சனைகள் போன்றவற்றால் சர்க்கரை பசி ஏற்படும். அடிக்கடி சர்க்கரை பசி உங்கள் ஆரோக்கியத்தை கெடுக்கும்.
• உங்கள் கல்லீரல் செயல்பாடு சரியாக இல்லை என்றால் தசை வலி ஏற்படலாம்.

கல்லீரல் ஆரோக்கியம் தொடர்பான இந்த அறிகுறிகளை புறக்கணிக்காதீர்கள். இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க  Her Zindagi உடன் இணைந்திருங்கள்.

Image Credit: Freepik