Clove Tea Weight Loss : இப்படி கிராம்பு டீ குடித்து பாருங்க, எடை மளமளவென குறையும்!

உடல் எடையைக் குறைக்கும் பானம்: கிராம்பு நமது சமையலறையில் இருக்கும் ஒரு மசாலாப் பொருளாகும், இது சமையலை தவிர பல நோய்களுக்கான சிகிச்சையிலும் பயன்படுத்தப்படுகிறது. கிராம்பில் உள்ள மருத்துவ குணங்கள் காரணமாக ஆயுர்வேத மருத்துவத்திலும் முக்கிய பங்கு வகிக்கிறது.

நீங்கள் உடல் எடையை குறைக்க விரும்பினால், கிராம்பு உங்களுக்கு உதவும். நீங்கள் தூங்குவதற்கு முன் கிராம்பு டீ குடிக்கலாம். இதனை எப்படி தயாரிப்பது? எடை இழப்புக்கு இது எப்படி உதவும்? என்பதை நிபுணர்களிடமிருந்து தெரிந்து கொள்ளலாம் வாருங்கள். இந்த தகவலை ஊட்டச்சத்து பயிற்சியாளர் மற்றும் நிறுவனரான நந்தினி அகர்வால் அவர்கள் நம்முடன் பகிர்ந்துள்ளார்.

இந்த பதிவும் உதவலாம்: இந்த 1 உணவு போதும், குறைந்த செலவில் இதய நோய்களை தடுக்கலாம்!

எடை இழப்புக்கு கிராம்பு டீ தரும் ஆரோக்கிய நன்மைகள்

கிராம்பு டீ உடல் எடையை குறைக்க உதவும். இதில் உள்ள மூலப்பொருட்கள் செரிமானத்தை மேம்படுத்துகிறது. இது வளர்சிதை மாற்றத்தை மேம்படுத்தி கொழுப்பை எரிக்க உதவுகிறது. கிராம்புகளில் ஆன்டி-ஆக்ஸிடன்ட்டுகளும் அதிக அளவில் காணப்படுகின்றன. இது தவிர, இதில் பாக்டீரியா எதிர்ப்பு மற்றும் அழற்சி எதிர்ப்பு பண்புகள் நிறைந்துள்ளன. இத்தகைய பண்புகள் உள்ள கிராம்பு டீ உங்கள் எடை இழப்புக்கு நிச்சயம் உதவும்.

எடை இழப்புக்கு கிராம்பு டீ

தேவையான பொருட்கள்

• கிராம்பு - 2-3

• இஞ்சி - 1 இன்ச் (துருவியது)

• தண்ணீர் - சுமார் 200 மிலி

செய்முறை

• கிராம்பை இரவு முழுவதும் அல்லது சுமார் 6 மணி நேரத்திற்கு தண்ணீரில் ஊற வைக்கவும்.

• பின்னர் கொதிக்க விடவும்.

• அதனுடன் இஞ்சியையும் சேர்க்கவும்.

• அவ்வளவு தான், உங்கள் டீ ரெடி.

• இதனுடன் எலுமிச்சை சாறும் சேர்க்கலாம்.

• தூங்குவதற்கு 1 மணி நேரத்திற்கு முன் குடிக்கவும்.

கிராம்பு டீயின் மற்ற நன்மைகள்

• கிராம்புகளில் ஆன்டி-ஆக்ஸிடன்ட்கள் உள்ளன. இது நோய் எதிர்ப்பு சக்தியை அதிகரிக்க உதவுகிறது.

• கிராம்பு டீயில் அழற்சி எதிர்ப்பு பண்புகள் நிறைந்துள்ளது. இது வாயில் உண்டாகும் பாக்டீரியா, ஈறுகள் மற்றும் பற்களில் வரும் வலி அல்லது வீக்கத்தைக் குறைக்க உதவுகிறது.

• கிராம்புகளில் வைட்டமின் E மற்றும் வைட்டமின் K உள்ளது, இது பருவகால நோய்களிலிருந்தும் பாதுகாக்க உதவுகிறது.

• இது தவிர, கிராம்பு டீ சளியைக் குறைக்கவும் உதவும்.

குறிப்பு- கிராம்பு டீயை ஒரு நாளைக்கு 1-2 முறைக்கு மேல் குடிக்கக் கூடாது. கிராம்பு உஷ்ணத்தன்மை உடையது. இது தவிர, உங்களுக்கு ஏதேனும் உடல்நலப் பிரச்சனைகள் இருந்தால், கிராம்பை சேர்த்துக்கொள்வதற்கு முன், மருத்துவரின் ஆலோசனையைப் பெறுங்கள்.

இந்த பதிவும் உதவலாம்: ஊற வைத்த வெண்டைக்காய் தண்ணீர், செய்முறை மற்றும் ஆரோக்கிய நன்மைகள்!

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik