ஒருவருக்கு இதய ஆரோக்கியம் என்பது மிகவும் முக்கியமான ஒரு விஷயமாக மாறிவிட்டது. இதய ஆரோக்கியம் அதிகரித்தால் தான் நம் உடலில் உள்ள அனைத்து உறுப்புகளும் சீராக செயல்பட முடியும் என்று மருத்துவர்கள் கூறுகின்றனர். இதனால் ஒவ்வொரு நபரும் இதயத்தை ஆரோக்கியமாக மேம்படுத்துவது மிகவும் அவசியம். நம் இதய ஆரோக்கியத்தை மேம்படுத்த சில கொழுப்பு குறைந்த உணவுகளை நாம் சாப்பிடுவது அவசியம். மாரடைப்பு போன்ற இதய நோய்கள் ஏற்படாமல் தடுக்க நம் உணவு முறை ஒரு முக்கிய பங்கு வகிக்கிறது. இதய நோய்களிலிருந்து பாதுகாத்து இதய ஆரோக்கியத்தை மேம்படுத்த எந்த உணவுகளை சாப்பிட வேண்டும் என்பது குறித்து இந்த கட்டுரையில் பார்க்கலாம்.
நம்மில் பலரும் அதிக கொழுப்பு நிறைந்த உணவுகளை சாப்பிடுவதால் உடல் பருமன் இதய நோய்கள் போன்ற பிரச்சனைகளால் பாதிக்கப்பட்டு வருகிறோம். இதய ஆரோக்கியத்தை மேம்படுத்த ஒரு சிறந்த வழிமுறை ஆரோக்கியமான உணவு உட்கொள்வது தான். ஆரோக்கியமான ஊட்டச்சத்துக்கள் நிறைந்த உணவுகளை தினசரி உணவில் சேர்த்து சாப்பிட்டு வருவது உடலுக்கு நல்லது. இன்றைய காலகட்டத்தில் வயதுவரம்பு இன்றி ஒருவருக்கு எப்போது வேண்டுமானாலும் இதய நோயால் பாதிக்கப்படலாம். இதனால் நாம் ஒவ்வொருவரும் இதயத்தை ஆரோக்கியமாக மேம்படுத்துவது முக்கியம்.
இது ஒரு வகையான மீன். இந்த சால்மன் மீனில் ஒமேகா 3 கொழுப்பு அமிலங்கள் அதிக அளவு நிறைந்துள்ளது. இந்த ஒமேகா 3 கொழுப்பு அமிலம் நம் உடலில் ரத்தம் உறைவதை தடுத்து ரத்த ஓட்டத்தை சீராக்க உதவுகிறது. நம் தினசரி உணவில் இந்த சால்மன் மீனை சேர்த்து சாப்பிட்டு வந்தால் இதய நோய்க்கு முக்கிய காரணமாக உள்ள டிரை கிளிசராய்டுகள் என்னும் ஒருவகை கெட்ட கொழுப்புகள் அளவை குறைக்க பெரிதும் உதவுகிறது. குறைந்தபட்சம் ஒரு வாரத்திற்கு இரண்டு முறையாவது இந்த சால்மன் மீனை உங்கள் உணவில் சேர்த்து சாப்பிட்டு வந்தால் இதய ஆரோக்கியத்தை மேம்படுத்த முடியும். உங்களுக்கு ஒரு வேலை சால்மன் மீன் கிடைக்காவிட்டால் கானாங்கெளுத்தி மீன் அல்லது மத்தி மீன் போன்ற மீன் வகைகளை சாப்பிட்டு வரலாம்.
அக்ரூட் என்று அழைக்கப்படும் இந்த வால்நட்ஸ் இதய நோய் அபாயத்தை குறைக்க பெரிதும் உதவுகிறது. தினசரி ஒரு கையளவு வால்நட்ஸ் சாப்பிட்டு வந்தால் நம் இதய ஆரோக்கியம் மேம்படும். இந்த வால்நட்ஸ் பருப்பில் அதிக அளவு ஒமேகா 3 கொழுப்பு அமிலங்கள் நிறைந்துள்ளது. இது மட்டுமல்லாமல் உங்கள் தினசரி உணவில் பாதாம், முந்திரி, பிஸ்தா, ஆளி விதை, சியா விதைகள் போன்ற நட்ஸ் வகைகளையும் சேர்த்து சாப்பிட்டு வரலாம்.
ஸ்ட்ராபெரி, ராஸ்பெர்ரி, ப்ளூபெர்ரி போன்ற பெர்ரி வகை பழங்களில் பாலிபீனால்கள் அதிக அளவு நிறைந்துள்ளது. இதிலுள்ள ஆன்டிஆக்சிடென்ட்கள் ஃப்ரீ ரேடிக்கல்களால் ஏற்படும் பாதிப்பை தடுக்க உதவுகிறது. மேலும் இந்த பழங்களில் உள்ள நார்ச்சத்து மற்றும் வைட்டமின் சி சத்து நம் உடலில் ஏற்படும் பக்கவாதம் வரும் அபாயத்தை குறைக்க உதவுகிறது. வாரத்திற்கு ஒரு முறையாவது உங்கள் உணவில் இந்த பெர்ரி வகை பழங்களை சேர்த்து சாப்பிட்டு வருவது இதய ஆரோக்கியத்தை மேம்படுத்த உதவுகிறது.
பால் பொருட்கள் அதிக அளவு சாப்பிடுவது இதய ஆரோக்கியத்திற்கு நல்லது அல்ல என்றாலும் சில குறைந்த கொழுப்பு பால் பொருட்களை சாப்பிடுவது இதய ஆரோக்கியத்திற்கு நல்லது. இந்த பால் பொருட்களில் அதிக அளவு பொட்டாசியம் சத்து நிறைந்துள்ளது. இது ரத்த அழுத்தத்தை குறைக்க உதவும். பால் பொருட்களை உங்கள் உணவில் சேர்த்து சாப்பிட்டு வந்தால் உடலில் உள்ள கெட்ட கொலஸ்ட்ரால் அளவு அதிகரிக்காமல் இருக்கும். மேலும் உங்கள் தினசரி உணவில் பால் மற்றும் பால் சார்ந்த பொருட்களை சேர்த்து சாப்பிட்டு வருவதனால் உடலில் ரத்த அழுத்தம் மற்றும் கொலஸ்ட்ராலை கட்டுப்பாட்டில் வைத்திருக்க முடியும்.
இதய ஆரோக்கியத்தை மேம்படுத்த தினசரி சமைக்கும் உணவுப் பொருட்களில் இந்த ஆலிவ் ஆயில் பயன்படுத்தி சமைத்து வரலாம். இது ஒரு ஆரோக்கியமான எண்ணெய் வகையாக கருதப்படுகிறது. இந்த ஆலிவ் ஆயிலில் மற்ற உணவு பொருட்களை விட கொழுப்புகள் குறைவான அளவில் இருப்பதால் இது இதய ஆரோக்கியத்தை பாதுகாக்க உதவுகிறது.
Image source: google
Herzindagi video
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். [email protected]