Get Fit in 2 Weeks : 2 வாரங்களில் ஃபிட் ஆக வேண்டுமா? இதோ உங்களுக்கான டயட் டிப்ஸ்

இன்றைய வாழ்க்கை சூழலில் பலரும் உடல் பருமனால் சிரமப்படுகிறார்கள். உடல் எடையை குறைக்க விரும்பினாலும் இதற்கான சரியான முறை பலருக்கும் தெரிவதில்லை. உடல் எடையை குறைக்க சரியான உணவு மற்றும் உடற்பயிற்சி முறையை பின்பற்ற வேண்டும். இதற்கு பதப்படுத்தப்பட்ட உணவுகள், பொரித்த உணவுகள், வெள்ளை சர்க்கரை போன்றவற்றை முற்றிலும் தவிர்க்க வேண்டும். அதேசமயம் எடை இழப்புக்கு உதவக்கூடிய சில இயற்கை மூலிகைகளையும் உணவில் சேர்த்துக் கொள்ள வேண்டும்.

இன்றைய பதிவில் எடை இழப்புக்கு உதவக்கூடிய டயட் பற்றி பார்க்க போகிறோம். இதை இரண்டு வாரங்களுக்கு பின்பற்றினால் உடல் எடையை சுலபமாக குறைக்க முடியும். இந்த டயட் குறித்த தகவல்களை உணவியல் நிபுணரான ராதிகா கோயல் அவர்கள் தனது இன்ஸ்டாகிராம் பக்கத்தில் பகிர்ந்து உள்ளார்.

இந்த பதிவும் உதவலாம்: தேனில் ஊறிய நட்ஸ் உடலுக்கு எவ்வளவு நல்லது தெரியுமா?

உடல் எடையை குறைக்க டயட்

எடையை குறைக்க என்ன சாப்பிடலாம்?

• காலையில் எழுந்தவுடன் வெறும் வயிற்றில் இலவங்க பட்டை டீ குடிக்கலாம். இதற்கு இரண்டு கப் தண்ணீரில் ஒரு இலவங்கப்பட்டையை போட்டு கொதிக்க வைக்க வேண்டும் இந்த நீர் பாதியாக வற்றிய பிறகு வடிகட்டி கொள்ளவும். சூடு குறைந்த பிறகு எலுமிச்சை சாறு மற்றும் தேன் கலந்து குடிக்கலாம். நீங்கள் விரும்பினால் இதில் துருவிய இஞ்சியையும் சேர்த்துக் கொள்ளலாம். இந்த பானத்திற்கு மாற்றாக காலையில் எழுந்தவுடன் சியா விதை நீரையும் குடிக்கலாம்.

• காலை உணவுக்கு புரதம் நிறைந்த தோசை அல்லது இட்லி வகைகளை சாப்பிடவும். காலை உணவாக ராகி இட்லி அல்லது பருப்புகள் சேர்த்த தோசையை சாப்பிடலாம். இதனுடன் சாம்பார் மற்றும் பச்சை கொத்த மல்லி சட்னியை சேர்த்துக் கொள்ளவும். இதற்கு மாற்றாக பழங்களை சேர்த்த சாண்ட்விச் அல்லது காய்கறிகளை சேர்த்த தோசை போன்ற மாற்று உணவுகளையும் முயற்சி செய்யலாம்.

• காலை 11 மணிக்கு சத்துமாவு கஞ்சியை குடிக்கவும். சிறுதானியங்கள் மற்றும் பாரம்பரிய அரிசி வகைகளை சேர்த்து வீட்டிலேயே சத்து மாவை அரைத்து பயன்படுத்துவது நல்லது.

• மதிய உணவிற்கு ஒரு கப் பருப்பு, ஒரு கிண்ணம் பருவ கால காய்கறிகள், சாலட் மற்றும் ஒரு சப்பாத்தியை சாப்பிடலாம். நீங்கள் விரும்பினால் பன்னீரையும் மதிய உணவு சேர்த்துக் கொள்ளலாம். கோதுமை மாவு சப்பாத்திக்கு பதிலாக முழு தானியங்களை சேர்த்து அரைத்த மாவிலும் சப்பாத்தி செய்து சாப்பிடலாம்.

• மாலையில் ஒரு கப் பழங்களை சாப்பிடலாம். இதனுடன் ஊற வைத்த பாதாம் சூரியகாந்தி மற்றும் பூசணி விதைகளையும் சேர்த்துக் கொள்ளவும்.

• இரவு உணவிற்கு சாலட் மற்றும் ஒரு கப் காய்கறி கிச்சடியை சாப்பிடலாம். கிச்சடி செய்வதற்கு கால் கப் அரிசி மற்றும் அரை கப் பருப்பு சேர்த்துக் கொள்ளவும்.

• உடல் எடையை குறைக்க டீடாக்ஸ் பானத்தை உணவில் சேர்த்துக் கொள்ள வேண்டியது அவசியம். இதை செய்வதற்கு இரண்டு லிட்டர் தண்ணீரில் ஒரு சிறிய ஆப்பிள் மற்றும் 3-4 ஏலக்காய் விதைகளை சேர்த்து 2 மணி நேரத்திற்கு ஊற வைக்கவும். இந்த நீரை காலையில் இரண்டு மணி நேரங்கள் ஊற வைத்து அன்றைய நாளின் 4 மணிக்குள் குடித்து விடவும்.

உடல் எடையை குறைக்கும் பொழுது இந்த விஷயங்களை நினைவில் வைத்துக் கொள்ளுங்கள்

• ஒரு நாளைக்கு 3-4 லிட்டர் தண்ணீர் குடிப்பதை உறுதி செய்து கொள்ளுங்கள்.

• வீட்டில் சமைத்த உணவுகளை சாப்பிடவும், வெளி உணவுகளை தவிர்க்க முயற்சி செய்யுங்கள்.

• நீங்கள் எடுத்துக் கொள்ளும் உணவுகளின் கலோரி அளவுகளை கண்காணிக்கவும்.

• உங்களுடைய உணவில் ஆரோக்கியமான கொழுப்புகள் கார்போஹைட்ரேட்கள் பழங்கள் மற்றும் காய்கறிகள் இருப்பதை உறுதி செய்து கொள்ளுங்கள்

• ஒவ்வொருவரின் வளர்ச்சிதை மாற்றமும் வேறுபடும். இந்நிலையில் எந்த உணவு திட்டத்தை பின்பற்றினாலும் உடனடி விளைவுகளை எதிர்பார்க்க வேண்டாம்.

இந்த டயட் பிளானை பின்பற்றுவதுடன் உடற்பயிற்சியையும் தவறாமல் செய்ய வேண்டும். உங்கள் உணவில் ஏதேனும் மாற்றங்களை செய்வதற்கு முன் ஊட்டச்சத்து நிபுணர் அல்லது மருத்துவரின் ஆலோசனையை பெறுங்கள்.

இந்த பதிவும் உதவலாம்: ஸ்பெஷல் மஞ்சள் டீ, இதை குடித்த 10 நிமிஷத்தில் நல்ல ஆழ்ந்த தூக்கம் வரும்!

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik