tirunelveli halwa: வேற லெவல் டேஸ்டில் திருநெல்வேலி அல்வா! ஒருமுறை வீட்டில் செய்து பாருங்கள்!

திருநெல்வேலி அல்வா என்றாலே நாக்கில் எச்சில் ஊறும். சுவை, மணம் மாறாமல் அதே சுவையில் அல்வா செய்யக் கற்றுக்கொள்வோமா?

தமிழகத்தில் அல்வாவுக்கு பெயர் போன திருநெல்வேலியிலிருந்து தினமும் டன் கணக்கில் அல்வா வெளிமாநிலங்களுக்கு ஏற்றுமதி ஆகி கொண்டிருக்கிறது. திருநெல்வேலியில் இருக்கும் இருட்டு கடை அல்வா, சாந்தி கடை அல்வா போன்ற கடைகளில் கூட்டம் அலைமோதும். அதிலும் இருட்டு கடை அல்வா மாலை நேரங்களில் மட்டுமே விற்கப்படும். மந்தார இலையில், நெய் ததும்ப சுட சுட அல்வா சாப்பிட, கடைத் திறப்பதற்கு முன்பே வரிசையில் காத்திருக்க வேண்டும். அந்த அளவுக்கு இருட்டு கடை அல்வா ருசிக்கு பெயர் போனது.

கோதுமையில் செய்யப்படும் இந்த அல்வாவின் அசாத்திய ருசிக்கு தாமிரபரணி தண்ணீரும் ஒரு காரணமாகக் கூறப்படுகிறது. நீங்கள் எந்த ஊரில் இருந்தாலும் சரி இப்போது திருநெல்வேலி அல்வா சாப்பிட வேண்டும் என்ற ஆசை வந்திருக்கும். கவலை வேண்டாம் ! இந்த செய்முறையைப் பின்பற்றினாலே போதும், வீட்டிலேயே சூப்பரான திருநெல்வேலி அல்வா செய்து அசத்திடலாம். இதன் செய்முறையைப் பார்க்கலாம் வாருங்கள்.

கோதுமை பால்

பாரம்பரிய முறைப்படி, திருநெல்வேலியில் முதல் நாள் இரவே கோதுமையை ஊற வைத்து மறுநாள் காலையில் அதை அரைத்துப் பால் எடுத்து அல்வா செய்வார்கள். இதற்கு சிறிது நேரம் எடுக்கும் என்பதால் அதே சுவையில் கோதுமை மாவை வைத்துத் திருநெல்வேலி அல்வா எப்படி செய்யலாம் என்பதை நாங்கள் உங்களுக்கு சொல்ல போகிறோம்.

தேவையான பொருட்கள்

• கோதுமை மாவு - 2 கப்

• நெய் - 200 மி.லி

• சர்க்கரை - 4 ½ கப்

• வறுத்த முந்திரி – 20

செய்முறை

• முதலில் ஒரு பாத்திரத்தில் கோதுமை மாவை சேர்த்து அதில் சிறிதளவு தண்ணீர் ஊற்றி சப்பாத்தி மாவு பதத்திற்கு மாவை பிசைந்து கொள்ளவும்.

• மாவை சாஃப்டாக பிசைந்த பின்பு அதில் 2 லிட்டர் தண்ணீர் ஊற்றி இந்த கலவையை 6 மணி நேரம் ஊற வைக்கவும்.

• கலவை நன்கு ஊறிய பின்பு மாவை கையால் எடுத்து நன்கு அழுத்தி நீரில் அப்படியே கரைத்து விடவும்.

• ஊற வைத்துள்ள தண்ணீரில் மாவு முழுவதும் கரைந்த பின்பு அதை வடிக்கட்டி பாலை மட்டும் தனியாகப் பிரித்து எடுத்துக் கொள்ளவும்.

• இப்போது இந்த பாலை புளிக்க செய்யவும். அதற்கு பாலை பாத்திரத்தில் ஊற்றி இரவு முழுவதும் மூடி வைக்கவும்.

• மறுநாள் காலையில் பாத்திரத்தைத் திறந்து பார்க்கும்போது பால் நன்கு புளித்து மேலே ஏடு மிதக்கும். அதை மட்டும் கரண்டியால் நீக்கிவிட்டு பாலை வடிக்கட்டவும்.

• இப்போது அல்வா செய்வதற்கான திக்கான பால் தயார்.

அல்வா கிண்டுதல்

• அடி கனமான கடாயை அடுப்பில் வைத்து அதில் வடித்து வைத்திருக்கும் பாலை ஊற்றவும்.

• சரியாக 15 நிமிடத்திற்கு அடுப்பை மிதமான சூட்டில் வைத்துவிட்டு பாலை கைவிடாமல் கிண்டவும். கரண்டியால் தொடர்ந்து கிளறினால் தான் கெட்டி தட்டாமல் சரியான பதத்தில் அல்வா வரும்.

• அடுத்து 3 கப் சர்க்கரையை இதில் சேர்த்து நன்கு கரையும் வரை கிளறவும்.

• இரண்டும் நன்கு கலந்து அல்வா பதத்திற்கு வந்தபின்பு கடாயை இறக்கி வைக்கவும்.

சர்க்கரை பாகு

திருநெல்வேலி அல்வா செய்முறையில் சர்க்கரை பாகு தயார் செய்வது மிக மிக முக்கியம். அல்வாவுக்கு நிறத்தைக் கொடுப்பதே சர்க்கரை பாகு தான் என்பதை மறந்து விடாதீர்கள்.

செய்முறை

• முதலில் அடுப்பில் ஒரு பாத்திரத்தை வைத்து அதில் 5 ஸ்பூன் சர்க்கரையை சேர்க்கவும்.

• மிதமான தீயில் சமைக்கவும். சூட்டில் சர்க்கரை கரைந்து பாகு போல் உருகி வரும்.

• கெட்டி பதம் தட்டாமல் இருக விடாமல் கிளறவும். தண்ணீர் சேர்க்காமல் தயாரிக்கப்படும் இந்த சர்க்கரை பாகு நிறம் மாறிக் கொதிக்க தொடங்கியதும் இறக்கி விடவும்.

திருநெல்வெலி அல்வா

• இப்போது மாவு இருக்கும் கடாயை மீண்டும் அடுப்பில் வைத்து அதில் கொஞ்சம் கொஞ்சமாகச் சர்க்கரை பாகு சேர்த்து கிளறவும்

• வெள்ளையாக இருக்கும் மாவு நிறம் மாறி அல்வா நிறத்திற்கு வரும். அடுப்பை மிதமான தீயில் வைத்துக் கொள்ளவும்.

• இப்போது நெய்யை ஊற்றவும். கரண்டியால் அல்வாவை கிளறி கொண்டே கொஞ்சம் கொஞ்சமாக நெய்யை சேர்க்கவும்.

• இறுதியாக வறுத்த முந்திரியை சேர்த்து இறக்கினால் போதும். சுவையான திருநெல்வேலி அல்வா தயார்.

• அல்வா தயாரானதும் அதை கையால் தொட்டு பார்க்கவும். கையில் ஒட்டாமல் வந்தால் சரியான பதம் என அர்த்தம்.

நீங்களும் கண்டிப்பாக விடுமுறை நாட்களில் திருநெல்வேலி அல்வாவை வீட்டிலேயே செய்து குழந்தைகளுக்கும் கொடுத்து மகிழுங்கள். இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

Images Credit: Google