புரதச்சத்து நிறைந்த சோயா சங்க்ஸ் ரெசிபி; அட்டகாசமான சைட் டிஷ்

சோயா சங்க்ஸ் ரோஸ்ட் செய்முறை

• இரண்டு மணி நேரத்திற்கு 200 கிராம் மீல் மேக்கரை தண்ணீரில் ஊறவைக்கவும். சோயா சங்க்ஸ் ரோஸ்ட் செய்வதற்கு முதலில் ஒரு பவுடர் தயாரிக்க வேண்டும்.
• பேனில் எண்ணெய் ஊற்றாமல் இரண்டு ஸ்பூன் தனியா, ஒரு ஸ்பூன் மிளகு, ஒரு டீஸ்பூன் சீரகம், ஒன்றரை டீஸ்பூன் சோம்பு, 20 கிராம் கொப்பரை தேங்காய் போட்டு சில நிமிடங்களுக்கு வறுக்கவும்.
• சூடு குறைந்தவுடன் 3 டீஸ்பூன் பொட்டுக்கடலை சேர்த்து மிக்ஸியில் சேர்த்து அரைக்கவும். இதை தனியாக வைக்கவும். இறுதியில் தேவைப்படும்.
• கடாயில் 5 ஸ்பூன் கடலெண்ணெய் ஊற்றி சூடானதும் 5 குண்டு மிளகாய், 15 சின வெங்காயம், காரத்திற்கு 2 பச்சை மிளகாய், கொஞ்சம் கறிவேப்பிலை போட்டு வறுக்கவும்.
• சின்ன வெங்காயம் ஓரளவு வதங்கியவுடன் ஒரு பெரிய வெங்காயத்தை நறுக்கி போட்டு தேவையான அளவு உப்பு சேருங்கள்.
• வெங்காயம் வதங்கியவுடன் இரண்டு ஸ்பூன் இஞ்சி பூண்டு பேஸ்ட் போடவும். பச்சை வாடை போன பிறகு இரண்டு மீடியம் சைஸ் தக்காளி சேர்க்கவும்.
• இப்போது அரை டீஸ்பூன் மஞ்சள் தூள், ஒரு டீஸ்பூன் தனியா தூள், முக்கால் டீஸ்பூன் கரம் மசாலா போட்டு 200 மில்லி தண்ணீர் ஊற்றி நன்கு கொதிக்க விடுங்கள்.
• தண்ணீர் வத்தியவுடன் இரண்டு டீஸ்பூன் கடலெண்ணெய் ஊற்றுங்கள். தொக்கு பக்குவத்திற்கு இந்த மசாலா மாறும்.
• அடுத்ததாக தண்ணீரில் ஊறவைத்த மீல் மேக்கரை வடிகட்டி கடாயில் போட்டு நன்றாக மிக்ஸ் செய்யுங்கள். இதன் பிறகு ஆரம்பத்தில் அரைத்த மசாலா இரண்டு டீஸ்பூன் போடலாம்.
• கொஞ்சம் கொத்தமல்லி சேர்த்து கால் டம்ளர் தண்ணீர் விட்டு விட்டு தெளித்து இரண்டு நிமிடங்களுக்கு அதிகமான தீயில் மீல் மேக்கர் வறுத்தெடுக்கவும்.

இப்படி செய்தால் சூப்பரான சோயா சங்க்ஸ் ரோஸ்ட் ருசிக்கலாம்.