கொரியன் தப்போக்கி ரெசிபி : கே டிராமா பிரியர்களே ரசிச்சு ருசிச்சு சாப்பிடுங்க

தப்போக்கி செய்ய தேவையானவை

• குளுட்டன் அரிசி மாவு
• கோசுசங் சாஸ்
• சர்க்கரை
• உப்பு
• தண்ணீர்
• சோயா சாஸ்
• பூண்டு
• ஸ்ப்ரிங் ஆனியன்

தப்போக்கி செய்முறை

• பாத்திரத்தில் குளுட்டன் அரிசி மாவு அரை கப் எடுத்துக்கொள்ளவும். இதில் கொஞ்சமாக உப்பு சேர்த்து கால் கப் சுடு தண்ணீர் ஊற்றி கலந்து விட்டு சப்பாத்தி மாவு பிசைவது போல் பிசையவும்.
• மாவு பிசைந்த பிறகு விரல் போல் உருட்டி எடுத்து கொதிக்கும் தண்ணீரில் போட்டு அது மிதந்து மேலே வரும் வரை காத்திருங்கள். அதன் பிறகு குளிர்ந்த நீரில் மாற்றவும்.
• இப்படி செய்வதால் தப்போக்கி மென்று சாப்பிடுவதற்கு நன்றாக இருக்கும். அடுத்ததாக சாஸ் தயாரிக்கலாம். கோசுசங் சாஸ் ஆன்லைனில் கிடைக்கும். இது சிவப்பு சில்லி பேஸ்ட் ஆகும்.
• மூன்று ஸ்பூன் கோசுசங் பேஸ்ட்டில் இரண்டு ஸ்பூன் சர்க்கரை, இரண்டு ஸ்பூன் சோயா சாஸ் ஊற்றி கொஞ்சமாக பூண்டு போட்டு கலக்கவும்.
• ஒரு டம்ளர் கொதிக்கும் தண்ணீரில் இந்த கலவை போட்டு கொதிக்கவிடுங்கள். இப்போது குளிர்ந்த நீரில் இருக்கும் மாவை வடிகட்டி கொதிக்கும் சாஸில் போடுங்கள். சாஸ் உள்ளே இறங்கி வற்றும் போது அடுப்பை ஆஃப் செய்துவிடவும்.
• மேலே ஸ்ப்ரிங் ஆனியன்ஸ் தூவி விட்டால் கொரியன் தப்போக்கி ரெடி.

மேலும் படிங்ககருவாட்டு மொச்சை குழம்பை இப்படி சமைத்தால் நாவூற சுவை கிடைக்கும்