உடலுக்கு ஆரோக்கியம் சேர்க்கும் வாழைத்தண்டு பொரியல். சட்டுன்னு செய்ய இந்த டிப்ஸ் போதும்!

வாழையடி வாழையாக வாழ வாழ்த்துகிறேன் என நம்முடைய முன்னோர்கள் நமக்கு ஆசிர்வாதம் செய்வார்கள். அந்தளவிற்கு வாழையில் உள்ள காய், இலை, கனி, பூ, தண்டு என அனைத்திலும் பல விதமான ஊட்டச்சத்துக்கள் அடங்கியுள்ளது. இன்றைக்கு வாழைத்தண்டைப் பயன்படுத்தி உடலுக்கு ஆற்றலை சேர்க்கும் பொரியல் எப்படி செய்யலாம்? என்பது குறித்த ரெசிபி டிப்ஸ்கள் உங்களுக்காக.

வாழைத்தண்டு பொரியல்:

உடலுக்கு வாழைத்தண்டு பொரியல் செய்வதற்கு முதலில் கீழ்வரக்கூடிய பொருட்களை எடுத்து வைத்துக் கொள்ளவும்.

தேவையான பொருட்கள்:

• வாழைத்தண்டு - 1
• பெரிய வெங்காயம் - 1
• தேங்காய் துருவல் - சிறிதளவு
• பாசிப்பருப்பு - ஒரு கப்
• மஞ்சள் தூள் - அரை டீஸ்பூன்
• உளுந்தம்பருப்பு - சிறிதளவு
• உப்பு - சிறிதளவு
• எண்ணெய் - தாளிப்பதற்கு ஏற்ப

வாழைத்தண்டு பொரியல் செய்முறை:

• உடலுக்கு ஆற்றல் சேர்க்கும் வாழைத்தண்டு பொரியல் செய்வதற்கு முதலில், தண்டை பொடியாக நறுக்கிக் கொள்ளவும்.
• முன்னதாக சிறிதளவு பாசிப்பருப்பை 15 நிமிடங்களுக்கு ஊற வைத்துக் கொள்ளவும்.
• இதையடுத்து ஒரு கடாயில் எண்ணெய் ஊற்றி சூடானதும் கறிவேப்பிலை, உளுந்தப்பருப்பு, வெங்காயம் போட்டு தாளித்துக் கொள்ளவும.
• வெங்காயம் பொன்னிறமாக வதங்கியவுடன் அதனுடன் ஊற வைத்து எடுத்து வைத்துள்ள பாசிப்பருப்பை சேர்த்து ஒரு 5 நிமிடங்களுக்கு வதக்கவும்.

மேலும் படிக்க: டிபன் பாக்ஸ்க்கு என்ன செய்யணும்னு யோசிக்கிறீங்களா? மசாலா தேங்காய் சாதம் ட்ரை பண்ணுங்க

• பின்னர் பொடி பொடியாக நறுக்கி வைத்துள்ள வாழைத்தண்டையும் சேர்த்து வதக்கிக் கொள்ள வேண்டும். சிறிதளவு மஞ்சள் தூள், சீரகம் போன்றவற்றையுடன் உடன் சேர்த்து வதக்க வேண்டும்.
• ஒரு 5 நிமிடங்களுக்குப் பின்னதாக துருவி வைத்துள்ள தேங்காய் துருவல் சேர்த்து இறக்கினால் போதும். சுவையான மற்றும் ஆரோக்கியம் நிறைந்த வாழைத்தண்டு பொரியல் ரெடி.

இதை சூடான சாதத்தில் போட்டு அப்படியே பிசைந்து சாப்பிடலாம். சுவையை மட்டுமல்ல ஆரோக்கியத்தையும் அள்ளிக் கொடுக்கும் பண்புகளைக் கொண்டுள்ளது வாழைத்தண்டு. மாதத்திற்கு ஒருமுறை அல்ல. வாரத்திற்கு இருமுறை கட்டாயம் உணவு முறையில் சேர்க்க வேண்டிய ரெசிபிகளில் முக்கியமான ஒன்றாக உள்ளது வாழைத்தண்டு.

வாழைத்தண்டும் ஊட்டச்சத்துக்களும்:

நார்ச்சத்து, பொட்டாசியம், வைட்டமின் பி6, வைட்டமின் சி மற்றும் மெக்னீசியம் போன்ற ஊட்டச்சத்துக்களைக் கொண்டுள்ளது வாழைத்தண்டு.

மேலும் படிக்க: மாதவிடாய் வலி நீக்குவது முதல் பெண்களின் ஆரோக்கியம் காக்கும் கருப்பு உளுந்து கஞ்சி

வாழைத்தண்டில் கலோரிகள் குறைவாக இருப்பதால், அளவுக்கு அதிகமாக சாப்பிட்டால் மெட்டபாலிசத்தை அதிகரித்து செரிமான பிரச்சனையின்றி வாழ்வதற்கு உதவுகிறது. மலச்சிக்கல், வயிறு உப்பிசம் போன்ற பாதிப்புகள் ஏற்படுவதையும் தடுக்க முடியும். மேலும் நோய் எதிர்ப்பு சக்தியை அதிகரிப்பதோடு சீறுநீரக கல் பாதிப்பு ஏற்படுவதையும் தடுக்கிறது.